2~Samuel 10:6 - CHUYA QELLQA La Biblia en Quechua de Ayacucho 2012

⁶ Amonpa mirayninkunañataqmi Davidpa cheqnisqanta yachakurus-panku, Siria nacionpi Bet-rehob law-manta, Soba lawmanta iskay chunka waranqa soldadokunata pusachimurqaku; chaynataq Maaca nacionpi reytapas waranqa soldadontinta hinaspa Tob lawmanta chunka iskayniyuq waranqa soldadokunatapas.

Quechua Ayacucho Bible 1987

⁶ Amonpa mirayninkunam Davidpa cheqnisqanta yacharuspanku, Aram nacionpi kaq Bet-rehob lawmanta hinaspa Soba lawmanta pagaspa pusachimurqaku iskay chunka waranqa soldadokunata, pusachimurqakutaqmi Maaca nacion reypa waranqa soldadonkunatapas chaynataq Tob lawmanta chunka iskayniyoq waranqa soldadokunatapas.

Chuya Qellqa 1992

⁶ Amonpa mirayninkunañataqmi Davidpa cheqnisqanta yachakuruspanku, Siria nacionpi Bet-rehob lawmanta, Soba lawmanta iskay chunka waranqa soldadokunata pusachimurqaku; chaynataq Maaca nacionpi reytapas waranqa soldadontinta hinaspa Tob lawmanta chunka iskayniyuq waranqa soldadokunatapas.

2~Samuel 10:6 Iomraidhean Croise

Génesis 34:30

Jacobñataqmi Leviytawan Simeonta nirqa: Cananeokunawan hinaspa ferezeokunawanmi cheqninarachiwankichik, hinaspam penqayman churaruwankichik; chaynaqa huñunakuruspankuchá atacaramuwanqaku, asllataq runaykunapas kachkan, hinaspachá wañurachiwanqaku, aylluykunatapas wañurachinqakuchá, nispa.

2~Samuel 10:5

Paykuna sinchita penqakusqankuraykum, chayta yacharuspan runankunata David taripachispan kaynata nichimurqa: Jericó llaqtapiyá kaychik barbaykichik wiñamunankama, chayñam kutimunkichik, nispa.

2~Samuel 10:7

Chayta yacharuspanmi Joabta llapallan allinnin qari-qari soldadonkunatawan David kacharqa.

2~Samuel 16:21

Ahitofelñataqmi nirqa: Palaciota waqaychananpaq saqesqan taytaykipa uywanakusqan warmikunawan puñuy, hinaptinmi Israel runakuna taytaykiwan cheqninakusqaykita yachanqaku, chaynapim qanwan kaq llapallan runakuna kallpanchakunqaku, nispa.

2~Samuel 23:34

Maacat lawpi Ahasbaipa churin Elifelet, Gilo llaqtayuq Ahitofelpa churin Eliam,

2~Samuel 8:12

Chay nacionkunam karqa: Edom, Moab, Amón, Filistea, Amalec. Sapaq-charqataqmi Hadad-ezerwan peleaspan qechumusqantapas. Hadad-ezerqa kar-qa Rehobpa churin Soba nacionpa reyninmi.

2~Samuel 8:3

Rey Davidqa vencerurqataqmi Rehobpa churin Soba nacionpa reynin Hadad-ezertapas, paytaqa vencerurqa Eufrates mayu lawpi allpankunata kutichikunanpaq richkaptinmi.

2~Samuel 8:5

Damasco lawmantam Siria nacion-niyuq tropakuna hamururqaku Soba nacionpa reynin Hadad-ezerta yanapanankupaq; Davidmi ichaqa Siria nacionpa tropankunamanta iskay chunka iskayniyuq waranqa soldadokunata wañurachirqa.

1~Reyes 11:24

Hinaspam Rezonqa, runakunata huñuruspa salteaqkunapa capitannin rikurirurqa. Soba nacionpi kaqkunata David wañuchiptinmi, Rezonqa Damasco llaqtaman ripukurqa, chaypim reyninkupaq payta churarurqaku.

2~Reyes 7:6

Tayta Diosmi Siria tropakunapa campamentonpi uyarirachirqa carretakunapa caballokunapa kallpayninta hinaspa nana-nanaq tropakunapa sinchi qapariyninta. Chayraykum ninakurqaku: Israelpa reyninmi qollqewan contrataramun Het castakunapa reyninkunatawan Egipto lawpi reykunata hamuspa contranchikpi peleanankupaq, nispanku.

Éxodo 5:21

Hinaspankum nirqaku: Tayta Diosyá juzgaspa castigasunkichik. Qamkunapa hawaykichikmantam Faraonwan runankuna cheqnipakuruwaspanku wañuchiwaykupi richkanku, nispa.

Proverbios 25:8

Quejamanqa amayá chayllaqa kallpaychu, yanqañataq runamasiki penqayman churarusuptiki mana ima ruwaytapas atiwaqchu.

Jeremías 40:8

Chay runakunam karqa: Netaniaspa churin Ismael, Careapa churin Johananwan Jonatán, Tanhumetpa churin Seraías, Netofa llaqtayuq Efaipa churinkuna hinaspa Maacat llaqtayuq runapa churin Jezanías. Paykunam runankunawan kuska rirqaku Mizpa llaqtapi yachaq Gedaliaspata.

Jeremías 46:21

Pagasqa soldadokunapas wirayachisqa torokuna hinam kachkanku, ichaqa enemigonkuta mana aguantaspam lluptikunqaku, sasachakuypi kananku punchawmi chayaramun, castigasqa kananku punchawmi chayaramun.

Deuteronomio 3:14

Manasés ayllumanta kaq Jairmi Argob lawpi allpakunata hapikuykurqa, Gesur runakunapa chaynataq Maaca runakunapa linderonkama. Chay Basán lawpi allpatam kikinpa sutinwan “Havot-jair” nispa suticharqa, chaynam kunankamapas sutin.

Jueces 11:3

Chaymi Jefteyqa wawqenkunamanta ayqekuspan Tob lawpiña yacharqa, chaypim qella runakunaman hukllawakuykuspan mana allinkunata ruwarqa.

Jueces 11:5

Chayraykum Galaad lawpi ancianokuna rirqaku Jefteyta Tobmanta pusamunankupaq.

Jueces 18:28

Paykunaqa Sidón nacionmanta karupi kasqankuraykum wakin runakunawanpas mana hukllawakuqkuchu, chayraykum yanapaqninkutapas mana tarirqakuchu. Lais llaqtaqa Bet-rehob law qechwapim tarikurqa. Hinaspam Danpa mirayninkunaña llaqtata musoqmanta hatarichispanku chaypi yacharqaku.

1~Samuel 13:4

Llapallan Israel runakunam yacharurqaku Filistea tropakunata Saúl vencerusqanta chaynataq filisteokuna Israel runakunata llumpayta cheqnirusqankutapas. Chaymi tropankunawan Gilgal llaqtapi Saúl huñunakurqa.

1~Samuel 27:12

Chayraykum Davidpi confiakuspan rey Aquis yuyaymanarqa: Davidqa llaqtamasin Israel runakunawanmi cheqnichikuchkan, chaynaqa tukuy tiempoñam ñoqata serviwanqa, nispa.