2~Samuel 10:5 - CHUYA QELLQA La Biblia en Quechua de Ayacucho 2012

⁵ Paykuna sinchita penqakusqankuraykum, chayta yacharuspan runankunata David taripachispan kaynata nichimurqa: Jericó llaqtapiyá kaychik barbaykichik wiñamunankama, chayñam kutimunkichik, nispa.

Quechua Ayacucho Bible 1987

⁵ Davidman willaykuptinkum paykunaman taripachirqa anchallaña penqasqa kasqankurayku, paykunatam nichimurqa: —Jerico llaqtapiyá kaychik barbaykichik kasqallan wiñamunankama hinaptinñam kutimunkichik —nispa.

Chuya Qellqa 1992

⁵ Paykuna sinchita penqakusqankuraykum, chayta yacharuspan runankunata David taripachispan kaynata nichimurqa: Jericó llaqtapiyá kaychik barbaykichik wiñamunankama, chayñam kutimunkichik, nispa.

2~Samuel 10:5 Iomraidhean Croise

2~Samuel 10:4

Hinaptinmi runankunata rey Hanún kamachirqa Davidpa serviqninkunata presochanankupaq hinaspa barban-kutapas huklaw waqtallanta siksiruspanku pachankutapas siki patankama kuchurunankupaq. Chaymi reypa kamachisqanman hina ruwaruspanku aviarurqaku.

2~Samuel 10:6

Amonpa mirayninkunañataqmi Davidpa cheqnisqanta yachakurus-panku, Siria nacionpi Bet-rehob law-manta, Soba lawmanta iskay chunka waranqa soldadokunata pusachimurqaku; chaynataq Maaca nacionpi reytapas waranqa soldadontinta hinaspa Tob lawmanta chunka iskayniyuq waranqa soldadokunatapas.

1~Reyes 16:34

Acab munaychakuchkaptinmi Bet-el llaqtayuq Hiel sutiyuq runa musoqmanta Jericó llaqtata hatarichirqa, cimientontam piwi churin Abirampa hawanpi churarqa, llaqtapa punkuntañataqmi sullka churin Segubpa hawanpi churachirqa, chaynapim Nunpa churin Josueynintakama Tayta Diospa rimarisqan cumplikurqa.

1~Crónicas 19:5

Paykunata imam pasarusqanta Davidman willaykuptinkum, paykuna llumpayta penqakusqankurayku, runankunata kachaspan kaynata nichimurqa: Barbaykichik wiñanankamayá Jericó llaqtapi qepaychik, chaymantañam kutimunkichik, nispa.

Josué 6:1

Jericó llaqtapa punkunkunatam Israelpa mirayninkuna mana yayku-nankupaq suma-sumaqta wichqarurqaku. Manam pipas lloqsirqachu nitaq yaykurqachu.