2~Samuel 1:20 - CHUYA QELLQA La Biblia en Quechua de Ayacucho 2012

²⁰ Gat llaqtapiqa amam willakunkichikchu, Ascalón llaqtapa callenkunapiqa amam willakunkichikchu Filistea warmikunam kusikunmanku, Diosta mana reqsiq warmikunam kusikuymanta pawaykachanmanku.

Quechua Ayacucho Bible 1987

²⁰ Gat llaqtapi ama willakuychikchu. Ascalon llaqtapa callenkunapi ama willakuychikchu chaynapi Filistea warmikuna ama kusikunankupaq, chaynapi Dios mana reqsiq warmikuna kusikuymanta ama pawaykachananpaq.

Chuya Qellqa 1992

²⁰ Gat llaqtapiqa amam willakunkichikchu, Ascalón llaqtapa callenkunapiqa amam willakunkichikchu Filistea warmikunam kusikunmanku, Diosta mana reqsiq warmikunam kusikuymanta pawaykachanmanku.

2~Samuel 1:20 Iomraidhean Croise

Ezequiel 16:27

Chayraykum qamta castigaspay mikunaykitapas asllayachirqani, hinaspam cheqnisuqniki filisteokunaman qoykurqayki munasqankuta ruwasunaykipaq; chay millakuypaq kaqkuna ruwasqaykimantaqa paykunaraqmi penqakunkupas.

Ezequiel 16:57

millakuypaq kaqkuna ruwasqaykipas manaraq rikukuchkaptin. Kunanmi ichaqa Edom lawpi llaqtakunapas, filisteokunapas chaynataq llapallan muyuriqnikipi yachaqkunapas millakuywan qawasunki.

Miqueas 1:10

Amayá chayta Gat llaqtaman willaychikchu, ama llumpayta waqaychikchu. Bet-le-afra llaqtapa polvonpiyá nanaywan qochpaychik.

Jueces 11:34

Mizpa llaqtapi wasinman Jefté kutimuptinmi, sapallan warmi churin lloqsiramurqa, paymi taytanta chaskinanpaq panderetawan tusustin lloqsimurqa. Jefteypaqa manam huk churinqa karqachu.

Jueces 14:19

Tayta Diospa Espiritun Sansonman huntaykuptinmi, Ascalón llaqtaman rispan, paykunapa castanmanta kimsa chunka qarikunata wañurachirqa. Paykunamanta qechumuspanmi, watuchipa imam ni-nanta willaqninkunaman fiesta pachakunata qoykurqa, hinaspam llumpay piñasqa taytanpa wasinman kutikurqa.

1~Samuel 14:6

Jonatanmi arman apaq soldadota nirqa: Qari kayninpi mana señalasqa Filis-tea tropakunapa kasqanman chimparusunchik. Tayta Diosqa yanapay-kuwasunmi, Diospaqqa manam sasa-chu, achka runawan otaq asllawanpas salvawananchikpaqqa, nispa.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?

1~Samuel 18:6

Filisteo runata David wañuchis-qanmanta tropakuna kutimuptinmi, Israel nacionpi llaqtakunamanta llapa warmikuna kusikuyllawanña takispa tusustin hinaspa rikchaqmana tocanakunata tocastin lloqsimurqaku, rey Saulta chaskinankupaq.

1~Samuel 31:4

Chaymi arman apaq soldadota Saúl nirqa: Espadaykita hurqospayki tuksiruway, manam munanichu wak mana señalasqa enemigoykuna tuksiruwaspa burlakuwananta, nispa. Ichaqa arman apaq soldadom llumpayta manchakusqanrayku tuksiyta mana munarqachu, hinaptinmi Saulqa kikinña espadanta hapiykuspan tuksikururqa.

1~Samuel 6:17

Tayta Diosman filisteokunapa huchankumanta ofrecesqanku, tumorman rikchakuq pichqa qori alhajakunam kay llaqtakunamanta karqa: Asdod, Gaza, Ascalón, Gat hinaspa Ecrón llaqtamanta.