2~Reyes 9:3 - CHUYA QELLQA La Biblia en Quechua de Ayacucho 2012

³ Chaypim kay apasqayki aceiteta umanman talliykunki kaynata nispayki: “Tayta Diosmi nisunki: Ñoqam Israelpa reynin kanaykipaq akllayki, nispa. Chaymantam punkuta kichaykuspa lluptikamunki”, nispa.

Quechua Ayacucho Bible 1987

³ Chaypim kay apasqayki aceiteta umanman talliykunki kaynata nispayki: “Tayta Diosmi nisunki: ‘Ñoqam kay aceiteta tallispa nombrayki Israel nacionpa reynin kanaykipaq’ nispa. Chaynata niykuspam punkunta lluptikamunki ama imatapas suyaspayki” nispa.

Chuya Qellqa 1992

³ Chaypim kay apasqayki aceiteta umanman talliykunki kaynata nispayki: “Tayta Diosmi nisunki: Ñoqam Israelpa reynin kanaykipaq akllayki, nispa. Chaymantam punkuta kichaykuspa lluptikamunki”, nispa.

2~Reyes 9:3 Iomraidhean Croise

1~Reyes 1:34

chaypim sacerdote Sadocwan profeta Natán, aceitewan tallispa Salomonta Israel nacionpi rey kananpaq churamunqaku, qamkunañataqmi cornetata tocaspa ¡kawsachun rey Salomón! nispa qaparinkichik.

1~Reyes 19:16

Nimsipa churin Jehú sutiyuq runatañataqmi Israel nacionpi munaychakunanpaq aceitewan tallispa sapaqchanki, Abel-mehola llaqtayuq Safatpa churin Eliseotañataqmi qampa rantikipi profeta kananpaq churanki.

2~Reyes 8:13

Hinaptinmi Hazael nirqa: ¿Kay serviqniki allqoqa imañataq kani chaykunata ruwanaypaqqa? nispa. Chaymi Eliseo nirqa: Tayta Diosmi qawaykachiwan Siria nacionpi rey kanaykita, nispa.

2~Reyes 9:6

Hatarispan cuartoman Jehú yayku-ruptinmi, aceiteta umanman talliykuspan chay profeta nirqa: Israelpa yupaychasqan Tayta Diosmi kaynata nin: “Ñoqam Israel nacionpi rey kanaykipaq sapaqchayki.

2~Crónicas 22:7

Diosmi munarqa rey Joramta watu-kusqanpi rey Ocozías wañunanta. Chaymi Ocoziasqa chayaruspallan Joramwan kuska Nimsipa churin Jehupa contranpi peleaq lloqsirqa. Jehutam Tayta Dios akllarqa Acabpa ayllunkunata chinkachinanpaq.

Éxodo 29:7

Chaymantam ñoqallapaqña sapaqchanapaq aceiteta hapiykuspa Aaronpa umanman talliykunki, chaynatam sacerdoteña kananpaq sapaqchanki.

Daniel 2:1

Iskay wataña munaychakuchkaspanmi rey Nabucodonosor mos-qokururqa, chayraykum sonqon hukmanyaruptin manaña puñuytapas atirqachu.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Daniel 5:18

Tukuy imapa hawanpi munaychakuq Diosmi, taytayki Nabucodonosorta nacionkunapi munaychakunanpaq, hatunchasqa kananpaq hinaspa reqsisqa kananpaq churarqa.

Levítico 8:12

Aaronpa umanmanpas chay aceitetam talliykurqa. Chaynatam Diospaq sapaqcharqa.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Mateo 2:13

Yachayniyuqkunapa ripukusqanku qepallantam, Diospa angelninñataq Joseyman mosqoyninpi rikuriykuspan nirqa: Hatarispayki wawatawan mamanta Egiptoman ayqechiy hinaspa ñoqa ninaykama chaypi yachamuy. Herodesmi wañuchinanpaq wawata maskachkan, nispa.

Mateo 26:7

Hinaptinmi Jesusman huk warmi asuykurqa rumimanta pomochapi achka qollqepa chanin perfumeta aparikuspa, hinaspam mesapa waqtanpi tiyachkaptin Jesuspa umanman talliykurqa.

1~Samuel 10:1

Chaypim Saulpa umanman aceiteta Samuel talliykurqa, hinaspam muchaykuspan nirqa: Tayta Diosmi kunan churaykusunki Israel runakunapi munaychakuq kanaykipaq

1~Samuel 15:1

Huk punchawmi Saulta Samuel nirqa: Tayta Diosmi ñawpaqta kachamuwarqa Israel runakunapa reynin kanaykipaq aceitewan tallispa qamta sapaqchanaypaq. Chaynaqa, Tayta Diospa nisqantayá uyariy.

1~Samuel 15:17

Hinaptinmi Samuel nirqa: Mana valeqpaq kikikita qawakuchkaspapas qamqa kanki Israel ayllukunapa kamachiqninmi. ¿Manachu yacharqanki Diospuni Israel casta runakunapa reynin kanaykipaq sapaqchasusqaykita?

1~Samuel 16:2

Samuelñataqmi nirqa: ¿Imaynataq riyman? Saúl yacharus-pancha wañurachiwanqa, nispa. Hinaptinmi Tayta Dios nirqa: Vaquillata pusarikuspaykim ninki: “Diosman ofreceqmi hamuchkani”, nispa.

1~Samuel 9:16

Paqarin kay horata hinam, Benjamín ayllumanta huk runata kachamusqayki, paytam aceitewan tallispa sapaqchanki Israel runaykunapa reynin kananpaq, paymi filisteokunamanta libranqa. Israel llaqtaypa ñakarisqantam qawani, chaymi mañakuyninku qayllayman chayaramun, nispa.