2~Reyes 8:9 - CHUYA QELLQA La Biblia en Quechua de Ayacucho 2012

⁹ Damasco llaqtapi tukuy ima allinnin kaqkunamanta regalota tawa chunka camellokunapi cargarikuspanmi Eliseota watukuq Hazael pasarqa. Chayaruspanmi paypa qayllanpi sayaykuspan nirqa: Siria nacionpa reynin churiki Ben-adadmi kachamuwan kaynata nispan: “¿Kay onqoyniymanta sanoyasaqchu icha manachu?”, nispa.

Quechua Ayacucho Bible 1987

⁹ Damasco llaqtapi tukuy imapas allin kaqkunamanta regalota tawa chunka camellokunapi cargarikuspanmi Eliseo watukuq Hazael pasarqa. Chayaruspanmi paypa qayllanpi sayaykuspan niykurqa: —Churiki hina humillakuspanmi Aram nacionpa reynin Ben-adad qanman kachamuwan kaynata nispan: “¿Kay onqoyniymanta sanoyasaqchu icha manachu?” nispa.

Chuya Qellqa 1992

⁹ Damasco llaqtapi tukuy ima allinnin kaqkunamanta regalota tawa chunka camellokunapi cargarikuspanmi Eliseota watukuq Hazael pasarqa. Chayaruspanmi paypa qayllanpi sayaykuspan nirqa: Siria nacionpa reynin churiki Ben-adadmi kachamuwan kaynata nispan: “¿Kay onqoyniymanta sanoyasaqchu icha manachu?” nispa.

2~Reyes 8:9 Iomraidhean Croise

1~Reyes 14:3

Chaynaqa, chunka tantakunata, tortata hinaspa huk aysakupi mielta aparikuspa Ahiaspata riruy. Paymi nimusunki imaynam warmanchik kanantapas.

1~Reyes 15:18

Chaymi rey Asa, Tayta Diospa templonpi chaynataq reypa palacionpi puchuq qorita, qollqeta hurqospan hukkaqnin serviqninwan apachirqa Siria nacionpa reynin Ben-adadman. Ben-adadqa karqa Hezionpa willkan hinaspa Tabrimonpa churinmi. Ben-adadqa Da-masco llaqtapim yacharqa, paytam rey Asa kaynata nichimurqa:

1~Reyes 19:15

Chaymi Tayta Dios nirqa: Maymi hamusqayki ñanninta Damasco law chunniqman kutiy hinaspa Hazael sutiyuq runata Siria nacionpi rey ka-nanpaq aceitewan tallispa sapaqchamuy.

2~Reyes 1:2

Rey Ocoziasmi Samariapi palacionpa altosninpi ventananmanta wichiykamuspan onqorurqa, chaymi runankunata kamachispan nirqa: Rispaykichik Ecrón llaqtapa diosnin Baal-zebubta tapumuychik, kay onqosqaymanta sanoyasaqraqchu icha manañachu, nispa.

2~Reyes 13:14

Wañukunanpaqña Eliseo onqochkaptinmi, Israelpa reynin Joás watukurqa, hinaspam qayllanpi waqaspan nirqa: ¡Taytáy, taytáy, qamqa Israel nacionpaqmi carretakunawan caballopi sillada tropakuna hina karqanki! nispa.

2~Reyes 16:7

Hinaptinmi rey Acazqa Asiria nacionpa reynin Tiglat-pileserman comisionta kamachirqa kaynata nimunanpaq: Ñoqaqa churiki hina serviqnikim kani, hamuspaykiyá Siria nacionpa reyninmantawan Israelpa reyninmanta libraykuway, paykunam contraypi hamurunku, nispa.

2~Reyes 5:13

Ichaqa serviqninkunam asuykuspanku nirqaku: Señorllayku, sichum profeta imatapas sasa kaqta kamachisuptikiqa ¿manachum ruwawaq karqa? “Bañakuruspaykiqa sanoyarunkim” nisuchkaptillaykiqa bañakaramuyá, nispanku.

2~Reyes 5:5

Chaymi Siria nacionpa reynin nirqa: Hinatayá riruy ñoqapas Israelpa reyninmanmi cartata apachisqayki, nispa. Hinaptinmi Naamanqa kimsa pachak kimsa chunka kilo qollqeta, soqta chunka soqtayuq kilo qorita chaynataq chunka musoq pachakunatapas aparikuspan rirqa.

2~Reyes 6:21

Israelpa reyninñataqmi paykunata rikuruspan Eliseota tapurqa: Taytalláy, ¿wañuchisaqchu kay runakunata? nispa.

Eclesiastés 3:6

Kanmi tiempo tarinapaq kantaqmi chinkachikunapaqpas, kanmi tiempo waqaychanapaq kantaqmi wischunapaqpas.

Filemón 1:14

Ichaqa manam imatapas ruwaymanchu mana simikiwanqa, chaynapi allin ruwasqaykiqa mana obligasqa kaspa sonqoykimanta kananpaq.

1~Samuel 25:8

Munaspaqa michiqnikikunata tapuy, paykunam aswanqa willasunki. Chayraykum valekuyki kachamusqay jovenkunata allinllata chaskiykunaykipaq, allin horallapim hamuchkanku. Paykunamanyá imallaykitapas qoykapamullaway, ñoqapas qampaqqa churiki hinam kani”, nispa.

1~Samuel 9:7

Chaymi Saúl nirqa: Hakuchikyá, ichaqa, ¿imatataq payman apasun? Qepinchikpiqa manam ima mikuyllanchikpas kanñachu, ¿imatataq chay Diospa runanman qoykusun? nispa.