2~Reyes 8:1 - CHUYA QELLQA La Biblia en Quechua de Ayacucho 2012

¹ Kawsarichisqan warmapa mamantam Eliseo nirqa: Kay nacionmanmi yarqayta qanchis watapuni Tayta Dios kacharimunqa, aylluykikunapiwan huklaw llaqtaman ripukuy chaypiña yachamunaykipaq, nispa.

Quechua Ayacucho Bible 1987

¹ Kawsarichisqan warmapa mamantam Eliseo nirqa: —Kay nacionmanmi qanchis wata yarqayta Tayta Dios apachimunqa, familiaykiwanyá munasqayki llaqtaman ripukuy chaypiña yachamunaykipaq —nispa.

Chuya Qellqa 1992

¹ Kawsarichisqan warmapa mamantam Eliseo nirqa: Kay nacionmanmi yarqayta qanchis watapuni Tayta Dios kacharimunqa, aylluykikunapiwan huklaw llaqtaman ripukuy chaypiña yachamunaykipaq, nispa.

2~Reyes 8:1 Iomraidhean Croise

Génesis 12:10

Canaán allpapi yachachkaptinmi llumpay muchuy karqa, chayraykum Egipto nacionman Abram ripukurqa chaypiña yachananpaq.

Génesis 26:1

Chay punchawkunapim muchuy karqa yaqa Abrahampa tiemponpi hinaraq, chaymi Isaacqa ripukurqa filisteokunapa reynin Abimelecpa kasqan Gerar llaqtaman.

Génesis 41:25

Chaymi rey Faraonta José nirqa: Mosqoynikikunaqa hukllam, Diosmi imam ruwananta qawachisuchkanki.

Génesis 41:32

Diosmi chaynatapuni utqayman ruwanqa, chaypaqmi iskay kutikama mosqorqanki.

Génesis 41:54

Hinaptinmi Joseypa nisqanman hina qanchis wata muchuy qallaykurqa, chay muchuyqa llapallan nacionkunapim karqa. Egipto nacionpim ichaqa mikuy karqa, trigota huñusqankurayku.

Génesis 47:4

Canaán lawpi llumpay muchuy kasqanraykum, chaynallataq animalniykupaqpas mana pasto kasqanraykum kay allpaman hampukuniku kaypiña yachanaykupaq, chaynaqa ama hina kaspayá chaskiykuwayku Gosén lawpi yachanaykupaq, nispanku.

2~Samuel 21:1

Davidpa tiempopim kimsa watan-tin muchuy karqa, chaymi David tapuptin Tayta Dios nirqa: Kay muchuyqa Saulwan runankuna Gabaón llaqtayuq runakunata wañu-chisqankumantam, nispa.

2~Samuel 24:13

Hinaptinmi Davidman rispan Gad nirqa, kay kimsanmanta mayqantataq akllakunki: ¿Llaqtapi qanchis wata muchuy kanantachu? ¿Enemigoykikunapa kimsa killa qatikachasqan kaytachu? Icha, ¿nacionpi kimsa punchawpuni peste onqoy kanantachu? Chaynaqa, allinta tanteaykuy kachamuwaqniyman willamunaypaq, nispa.

1~Reyes 17:1

Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Dios-raykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

1~Reyes 18:2

Chaymi rey Acabpa kasqanman Elías rirqa. Samariapiqa llumpaymi muchuy kachkarqa.

2~Reyes 4:18

Chay wawam wiñarurqa. Huk punchawmi taytanpa kasqanman rirqa chakrapi rutuqkunawan kachkaptin.

2~Reyes 4:36

Eliseom criadon Giezita qayaykuspan nirqa: Wasiyuq señorata qayaykamuy, nispa. Qayaramuptinmi nirqa: Kayqa wawayki, apakuyña, nispa.

2~Reyes 4:38

Chaymantam Gilgal llaqtaman Eliseo kutirqa. Chay punchawkunapim hatun muchuy chay lawkunapi karqa. Llapa profetakunam Eliseopa muyuriqninpi tiyachkarqaku, hinaptinmi criadonta Eliseo nirqa: Profetakunapaq hatun mankapi mikuyta yanuramuy, nispa.

2~Reyes 7:20

Nisqanpi hinam chayna pasakurqa, runakunam wañunankama saruparurqaku.

2~Reyes 8:2

Profeta Eliseopa nisqanman hinam, chay warmiqa ayllunkunapiwan filisteokunapa allpanman ripukuspan qanchis wata chaypi yachamurqa.

Jeremías 25:29

Sapaqchakusqay llaqtamanmi castigoy kachariyta qallaykusaq, ¿chaychu qamkunañataq mana castigasqa qeparuwaqchik? castigoymantaqa manam lluptinkichikchu. Kay pachapi llapallan nacionkunamanmi guerrata kacharimusaq. Ñoqa Tukuy Atiyniyuq Tayta Diosmi chaynata nini.

Levítico 26:26

Mikunaykichik kawsaykunata chinkarachiptiymi chunka warmikuna chulla hornollapi tantata ruwaspanku kama-kamallamanta qosunkichik, ichaqa manam saksankichikchu.

Amós 4:6

Ñoqam yarqayta pasachirqaykichik, llaqtaykichikkunapipas manam mikuy karqachu, chaywanpas qamkunaqa manam ñoqaman kutirikamurqankichikchu. Tayta Diosmi chaynata nin.

Hageo 1:11

Ñoqam kay pachaman usyayta kacharimuni: Chakrakunaman, orqokunapa hawanman chaynataq trigoman, uvas plantakunaman, aceitunas sachakunaman, allpapi tukuy ima wiñaqkunapa hawanman hinaspa runakunapa hawanman, animalkunapa hawanman chaynataq makinkuwan imaña ruwasqankupa hawanmanpas, nispa.

Lucas 21:11

Tukuy hinastinpim hatun terremotokuna, muchuykuna hinaspa onqoykuna kanqa. Cielopipas manchakuypaq hatun señalkunam kanqa.

Lucas 21:22

Chay punchawkunaqa Qellqapa nisqankuna cumplikunanpaqmi Diospa castiganan punchawkuna kanqa.

Lucas 4:25

Profeta Eliaspa punchawninkunapim kimsa wata parten mana para kasqanrayku hatun muchuy karqa. Chay watakunapi Israel nacionpi achkallaña viudakuna kachkaptinpas,

Hechos 11:28

Paykunamantam hukninku Agabo sutiyuq sayarispan, Chuya Espiritupa yanapakuyninwan nirqa: Tukuy kay pachapim hatun yarqay kanqa, nispa. Chaymi cheqaptapuni pasakurqa emperador Claudiopa tiemponpi.

Rutwan Sutichasqa Libro 1:1

Israel nacionpi juezkuna kamachikuchkaptinkum muchuy karqa, chaymi Judá lawpi Belén llaqtayuq runa ripukurqa warmintin hinaspa iskaynin qari churinkunapiwan, Moab lawman chaypiña yachanankupaq.