2~Reyes 7:5 - CHUYA QELLQA La Biblia en Quechua de Ayacucho 2012

⁵ Chaymi tutaykuchkaptinña hatarispanku Siria nacionniyuq tropakunapa campamentonman pasarqaku. Ichaqa campamentoman chayaruspankum mana pitapas tarirqakuchu.

Quechua Ayacucho Bible 1987

⁵ Tutaykuchkaptinñam hatarispa pasarqaku Aram nacionniyoq tropakunapa campamenton lawman. Campamentopa kasqanman chayaruspankuqa manam pitapas tarirqakuchu.

Chuya Qellqa 1992

⁵ Chaymi tutaykuchkaptinña hatarispanku Siria nacionniyuq tropakunapa campamentonman pasarqaku. Ichaqa campamentoman chayaruspankum mana pitapas tarirqakuchu.

2~Reyes 7:5 Iomraidhean Croise

2~Reyes 7:4

Llaqta ukuman yaykuspaqa wañurusunmi, llaqta ukupiqa yarqaymi kakuchkan, kaypi qepaspapas wañurusuntaqmi; kaypi kananchiktaqa Siria nacionpa campamentonman hakuchik. Paykuna llakipayariwaptinchikqa kawsasunmi, wañurachiwaptinchikqa wañusuntaqchiki, nispanku.

2~Reyes 7:6

Tayta Diosmi Siria tropakunapa campamentonpi uyarirachirqa carretakunapa caballokunapa kallpayninta hinaspa nana-nanaq tropakunapa sinchi qapariyninta. Chayraykum ninakurqaku: Israelpa reyninmi qollqewan contrataramun Het castakunapa reyninkunatawan Egipto lawpi reykunata hamuspa contranchikpi peleanankupaq, nispanku.

Ezequiel 12:12

Paykunapa kamachiqninkupas tukuy imankunata sawakuykuspanmi perqapi ruwasqanku uchkunta tutaykuqta lloqsinqa. Payqa muyuriqninpi kaqkuna mana qawananpaqmi chaynataq llaqtatapas mana qawananpaqmi uyan tapasqa lloqsinqa.

Levítico 27:26

Animalkunapa punta wawanqa, punta naceq kasqanraykum ñoqa Tayta Diospaq kanqa. Chay animalkunataqa manam pipas sapaqchapuwanmanñachu, toro kaspa otaq carnero kaspapas ñoqapam.

Levítico 27:8

Chay prometekuq runa llumpay wakcha kaspan tasasqaykichikta mana pagayta atiptinmi ichaqa, chay prometekuq runataqa sacerdoteman pusankichik, hinaptinmi sacerdote precionta churanqa prometekuqpa pagay atinanpaq hinallata.

Deuteronomio 28:7

Tayta Diosmi enemigoykichikkunata vencechisunkichik. Huk ñanllantam contraykichikpi hamunqaku, ichaqa qanchis ñannintam qamkunamanta ayqenqaku.

Deuteronomio 32:25

Callekunapim churinkupas espadapi wañunqaku, wasinku ukupiñataqmi mancharisqallaña kanqaku; jovenkunawan sipaskunapas, ñuñuq wawakunawan yuyaqkunapas wañunqakum.

Deuteronomio 32:30

¿Chullalla runa, waranqa runata qatikacharunmanchu? ¿Iskaylla runa, chunka waranqa runata qatikacharunmanchu? Arí atirunmanmi, ichaqa enemigonkuman waqaychaqninku Tayta Dios hapiykachiptillanmi.

1~Samuel 30:17

Chaymi Davidqa paykunaman pawaykuspa tutapaymanta paqarinnintin tardeykuqkama wañurachirqa, tawa pachak jovenkunallañam camellonkuman sillakuykuspa lluptirurqaku.