2~Reyes 7:4 - CHUYA QELLQA La Biblia en Quechua de Ayacucho 2012

⁴ Llaqta ukuman yaykuspaqa wañurusunmi, llaqta ukupiqa yarqaymi kakuchkan, kaypi qepaspapas wañurusuntaqmi; kaypi kananchiktaqa Siria nacionpa campamentonman hakuchik. Paykuna llakipayariwaptinchikqa kawsasunmi, wañurachiwaptinchikqa wañusuntaqchiki, nispanku.

Quechua Ayacucho Bible 1987

⁴ Llaqta ukuman yaykuyta atispaqa llaqtapichiki yarqaymanta wañurusunchik, wañurusunchiktaqchiki kay hawapi kaspanchikpas. Chaynaqa, Aram nacionniyoq tropakunamanyá hakuchik. Llakipayawaptinchikqa kawsasunchiki, wañurachiwaptinchikqa wañusuntaqchiki —nispa.

Chuya Qellqa 1992

⁴ Llaqta ukuman yaykuspaqa wañurusunmi, llaqta ukupiqa yarqaymi kakuchkan, kaypi qepaspapas wañurusuntaqmi; kaypi kananchiktaqa Siria nacionpa campamentonman hakuchik. Paykuna llakipayariwaptinchikqa kawsasunmi, wañurachiwaptinchikqa wañusuntaqchiki, nispanku.

2~Reyes 7:4 Iomraidhean Croise

2~Samuel 14:14

Lliwpas wañuqllam kanchik, pampaman yaku tallisqa hina waspiruqllam kanchik. Nitaqmi Diospas runapa vidantaqa qechunchu, aswanqa qarqosqa runa payman kutirikamunanpaqmi tukuy imata ruwaspan yanapan.

2~Reyes 6:24

Chaykunapa qepantam Siria nacionpa reynin Ben-adad llapa tropankunata huñuruspan Samaria llaqtata muyururqa.

2~Reyes 7:5

Chaymi tutaykuchkaptinña hatarispanku Siria nacionniyuq tropakunapa campamentonman pasarqaku. Ichaqa campamentoman chayaruspankum mana pitapas tarirqakuchu.

1~Crónicas 12:19

Manasespa wakin mirayninkunapas Davidmanmi hukllawakururqaku, Filistea tropakunawan Saulpa contranpi peleananpaq riptin. Chaywanpas Davidqa manam filisteokunataqa yanaparqachu, Filistea tropakunapi kamachikuqkuna Davidmanta rimanakuspanku “traicionaruwaspanchikmi reynin Saulman hukllawakuykunman” nispa qarqorusqankurayku.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

Jeremías 14:18

Chakrakunaman lloqsispaymi espadawan wañuchisqakunata tarini, llaqtaman yaykuspaymi yarqaymanta wañuqkunata tarini, profetakunawan sacerdotekunam mana reqsisqa nacionkunaman pasakunku.

Jeremías 8:14

Hinaptinmi paykuna ninqaku: ¿Imatataq kaypi tiyaspa ruwachkanchik? Hatarispa murallasqa llaqtakunaman yaykusunchik, llapallanchik chaypi wañumusunchik, Tayta Diosmi wañuchimuwasunchik, paypa contranpi huchallikusqanchikmantam venenasqa yakuta tomarachiwanchik.

Jonás 3:9

Diosqa icharaqpas llakipayariwaspanchik piñakuyninta sapaqchaykuptin mana puchukaruchwanchu, nispa.

Hebreos 9:27

Diospa citasqanman hinaqa huk kutillatam runakunaqa wañunqa, chaypa qepantañataqmi juicio hamunqa,