2~Reyes 4:8 - CHUYA QELLQA La Biblia en Quechua de Ayacucho 2012

⁸ Huk punchawmi Sunem llaqtanta Eliseo pasachkarqa, chaypim ancha kapuqniyuq warmi yacharqa. Paymi Eliseota hikutaspan wasinpi mikumunanpaq pusarqa. Chaymi sapa kuti chayninta pasaspanqa chay warmipa wasinpi mikunanpaq yaykuq.

Quechua Ayacucho Bible 1987

⁸ Huk punchawmi Eliseo pasarqa Sunem llaqtachapa chawpinta. Chaypim yacharqa ancha riqsisqa warmi. Paymi Eliseota hikutaspan pusarqa wasinpi mikunanpaq. Sapa kutilla chayninta pasaspanmi warmipa wasinpi mikunanpaq yaykuq.

Chuya Qellqa 1992

⁸ Huk punchawmi Sunem llaqtanta Eliseo pasachkarqa, chaypim ancha kapuqniyuq warmi yacharqa. Paymi Eliseota hikutaspan wasinpi mikumunanpaq pusarqa. Chaymi sapa kuti chayninta pasaspanqa chay warmipa wasinpi mikunanpaq yaykuq.

2~Reyes 4:8 Iomraidhean Croise

Génesis 19:3

Ichaqa Lotmi paykunata hikutarqa, chaymi wasinman yaykurqaku, Lotñataqmi mikuyta yanurachispa mana levadurayuq tantatawan qoykuptin mikurqaku.

2~Samuel 19:32

Barzilaiqa pusaq chunka watayuq yuyaqñam karqa, Mahanaim llaqtapi kachkaptinmi Barzilaiqa apu-apu kasqanrayku reyta tukuy imawan yanaparqa.

1~Reyes 1:3

Chaymi Israel nacionpi maskamuspanku Sunem llaqtayuq Abisag sutiyuq sipasta tariramurqaku, hinaspam reyman pusamurqaku.

2~Reyes 4:18

Chay wawam wiñarurqa. Huk punchawmi taytanpa kasqanman rirqa chakrapi rutuqkunawan kachkaptin.

Jobwan Sutichasqa Libro 1:3

Karqataqmi qanchis waranqa ovejankunapas, kimsa waranqa camellonkunapas, pichqa pachak pares toronkunapas, pichqa pachak china asnonkunapas hinaspa achka-achka criadonkunapas. Jobqa intipa qespimunan lawpi llapallan runakunamantapas ancha apu-apum karqa.

Jobwan Sutichasqa Libro 32:9

Manam unay watata kawsaqkunallachu yachayniyuqqa kanku, manam yuyaqkunallachu allintaqa entiendenku.

Proverbios 7:21

Chaynata hikutaspanmi chay joventa wichiykachirqa, sumaqllataña rimasqanwanmi sonqonta suwarurqa.

Mateo 25:17

Chaynataqmi iskay wayqa chaskiqpas iskay wayqatawan mirarachirqa.

Lucas 1:15

Payqa Diospa qayllanpipas llumpay hatunchasqam kanqa. Manam vinotapas nitaq ima sinkachikuqtapas tomanqachu. Manaraq nacechkaspanmi Chuya Espiritupa huntasqanña kanqa.

Lucas 14:23

Chaymi serviqninta patronnin nirqa: “Rispaykiyá ñankunamanta, chakrakunamanta mana munachkaqtapas pusamuy wasiyman huntamunankupaq.

Lucas 24:29

Hinaptinmi paykunañataq harkaspanku nirqaku: Tutaykamuchkanñam, kayllapiña samapakusunchik, nispanku. Chaymi Jesusqa paykunawan samakunanpaq yaykurqa.

Hechos 16:15

Chaymi wasinpi kaqkunapiwan kuska bautizakuruspanku, kaynata ruegawarqaku: Cheqaptapuni Señorman iñikusqayta yachaspaykichikqa wasiypiyá samakamuychik, nispa. Llumpayta ruegawaptinkum wasinpi samapakurqaniku.

Josué 19:18

Paykunapa allpankupim kay llaqtakuna tarikurqa: Jezreel, Quesulot, Sunem,

Jueces 19:20

Hinaptinmi chay machucha nirqa: Wasiyman hakuchik, imapas pisisuqnikitaqa ñoqam qosqayki, amayá kay plazapiqa puñuychu, nispa.

1~Samuel 28:4

Filisteokunam huñunakuruspanku campamentonkuta Sunem llaqtapi sayachirqaku. Saulpas Israel runakunata huñuruspanmi campamentonta Gilboapi sayachirqa.