2~Reyes 24:3 - CHUYA QELLQA La Biblia en Quechua de Ayacucho 2012

³ Cheqaptapunipas chay castigokunataqa Tayta Diosmi Judá nacionta qayllanmanta chinkachinanpaq kacharimurqa. Kacharimurqaqa Manasespa huchanmantawan tukuy mana allinkuna ruwasqanmantam,

Quechua Ayacucho Bible 1987

³ Cheqaptapunipas Manasespa huchankunamantawan tukuy mana allin rurasqankunamantam chay castigokunaqa hamurqa Juda nacionman. Tayta Diosmi qayllanmanta chinkarachinanpaq chaynata kamachikurqa.

Chuya Qellqa 1992

³ Cheqaptapunipas chay castigokunataqa Tayta Diosmi Judá nacionta qayllanmanta chinkachinanpaq kacharimurqa. Kacharimurqaqa Manasespa huchanmantawan tukuy mana allinkuna ruwasqanmantam,

2~Reyes 24:3 Iomraidhean Croise

Génesis 50:20

Qamkunam ñoqapa contraypi mana allinta tantearqankichik, ichaqa Diosmi allinpaq tikrarurqa, kay qawasqaykichikpi hina ruwananpaq, chaynapi achka runakunata kawsachinanpaq.

2~Reyes 17:18

Chayraykum Israelpa contranpi anchallataña piñakuruspan qayllanmanta Tayta Dios chinkarachirqa, Judá ayllullañam puchururqa.

2~Reyes 17:20

Chayraykum Israelpa mirayninkunata Tayta Dios qepancharurqa. Ñakarichispanmi qayllanmanta chinkarachinankama salteaqkunaman qoykurqa.

2~Reyes 17:23

Chaymi Israelta Tayta Dios qayllanmanta wischururqa, serviqnin profetankunatakama willachisqanpi hina. Israel runakunam allpankumanta Asiria nacionman preso apasqa karqaku, kunankamapas chaypim kachkanku.

2~Reyes 18:25

Kay llaqtata tuñichiq hamunaypaqqa ¿manachum Tayta Dios kamachimuwarqa wak nacionman rispayki tuñichimuy, nispan?

2~Reyes 21:16

Rey Manasesqa millakuypaq ruwasqankunawan Judá nacionta huchallichichkaspapas, mana huchayuq runa-kunata wañuchispanmi Jerusalén llaqtapi kuchun-kuchun yawarta chaqchurqa.

2~Reyes 24:20

Chayraykum Jerusalén llaqtapa chaynataq Judá nacionpa contranpi Tayta Dios piñakuruspan qayllanmanta wischururqa. Chaymantam rey Sedequiasqa Babilonia reypa contranpi hoqarikururqa.

2~Crónicas 24:24

Siria tropakunaqa asllam hamurqaku, ichaqa Tayta Diosmi Judá nacionpa achka-achka tropankunata paykunaman qoykurqa; chaynataqa ruwarqa ñawpaq taytankupa yupaychasqan Tayta Diosta qepanchasqankuraykum. Chaynatam Joasta Tayta Dios castigarqa.

2~Crónicas 25:16

Diospa profetan manaraq rimayta tukuchkaptinmi Amasías nirqa: ¿Reyta consejaqpaqchu qamta churarqaykiku? Upallay ¿icha wañuytachu munanki? nispa. Rimayta tukuruptinmi profetañataq nirqa: Nisqaykunata mana kasukuspa chay-kunata ruwasqaykimantam wañu-chisunaykipaq Tayta Diosqa tantearunña, nispa.

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Isaías 45:7

Achkiytapas tutayaytapas ñoqallam paqarichini, hawkayaytapas sasachakuytapas ñoqallam rikurichini, ñoqa Tayta Diosmi tukuy chaykunata ruwani, nispa.

Jeremías 32:31

Kay llaqtaqa hatarichisqa kasqanmantapunim llumpay piñachiwaqniy llaqta karqa. Chayraykum qayllaymanta chinkachisaq.

Jeremías 52:28

Qanchis wataña rey Nabucodonosor munaychakuchkaspanmi, Judá nacionmanta kimsa waranqa iskay chunka kimsayuq runakunata presota aparqa.

Ezequiel 22:3

Ñoqa Tayta Diospa nisqayta kaynata nimuy: Runakunapa yawarnin chaqchuna llaqta, castigasqa kanayki punchawmi chayaramunña. Qachachakunaykipaqmi millakuypaq idolokunata ruwakurqanki. Tuñichisqa kanayki punchawmi chaya-muchkanña.

Ezequiel 24:6

Ñoqa Tayta Diosmi kaynata nini: ¡Imallapiraq rikukunqa runa wañuchiq llaqta! Chay llaqtaqa akasqa manka hinam, akarusqanqa manaña siksiy atinam. Chay mankamanta chulla-chullamanta llapallan aychata hurqoy.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Miqueas 2:10

Hatarispa kaymanta pasaychik, kayqa manam samana lugarñachu; anchata qanrachakurusqanraykum pasaypaq chinkachisqa kanqa.

Deuteronomio 28:63

Imaynam Tayta Diosqa tukuy imapi bendecisuspaykichik chaynataq mirachisuspaykichik kusikurqa, chaynatam ñakarichisuspaykichikpas chaynataq wañuchisuspaykichikpas kusikunqa, chaynapim qosusqaykichik allpamanta qarqosqa kankichik.

Deuteronomio 29:28

Tayta Diosmi anchallataña piñakuruspan allpankumanta qarqorurqa, hinaspam kunan qawasqaykichikpi hinapas huklaw nacionkunamanña wischururqa”, nispa.

Josué 23:15

Ichaqa imaynam lliw prometesusqaykichikta cumplirqa, chay hinataqmi Señorninchik Tayta Diosqa castigasunaykichikpaq ñakariykunatapas apa-musunkichik, qosusqaykichik allin allpamanta chinkachisunaykichikkama.