2~Reyes 2:9 - CHUYA QELLQA La Biblia en Quechua de Ayacucho 2012

⁹ Chimparuptinkum Eliseota Elías nirqa: Qampaq imapas ruwanayta munaspaykiqa mañakuway manaraq qanmanta rakikuruchkaptiy, nispa. Chaymi Eliseo nirqa: Espirituykimanta huk chaynatawan atiynikitam munani, nispa.

Quechua Ayacucho Bible 1987

⁹ Chimparuptinkuñataqmi Eliseota Elias nirqa: —Qampaq imapas ruranayta munaspaykiqa mañakuway manaraq qanmanta rakikuchkaptiy —nispa. Eliseom mañakurqa: —Espirituykimanta herenciata hina huk chaynatawan qoykuway rantikipi qepanaypaq —nispa.

Chuya Qellqa 1992

⁹ Chimparuptinkum Eliseota Elías nirqa: Qampaq imapas ruwanayta munaspaykiqa mañakuway manaraq qanmanta rakikuruchkaptiy, nispa. Chaymi Eliseo nirqa: Espirituykimanta huk chaynatawan atiynikitam munani, nispa.

2~Reyes 2:9 Iomraidhean Croise

1~Reyes 19:16

Nimsipa churin Jehú sutiyuq runatañataqmi Israel nacionpi munaychakunanpaq aceitewan tallispa sapaqchanki, Abel-mehola llaqtayuq Safatpa churin Eliseotañataqmi qampa rantikipi profeta kananpaq churanki.

1~Reyes 3:9

Chaynaqa, yachaytayá qoykuway, runaykikunata yachaywan kamachinaypaq hinaspa allin kaqta chaynataq mana allin kaqtapas reqsinaypaq, mana chayqa, ¿pitaq kay manaña yupay atina runaykikunata kamachiyta atinman? nispa.

Zacarías 12:8

Chay punchawpim Jerusalenpi yachaqkunata Tayta Dios waqaychanqa; chay tiempopiqa manchati runapas rey David hinam allinnin qari-qari kanqa, rey Davidpa mirayninkunañataqmi Dios hinaraq kanqaku, ñawpaqninkuta riq Tayta Diospa angelnin hinaraqmi kanqaku.

Zacarías 9:12

Librasqa kayta suyaqkuna, murallasqa llaqtaykichikman kutikuychik. Kunanmi qamkunaman willachkaykichik, iskay kuti mastaraqmi kutichipusqaykichik.

Números 11:17

Uraykamuspaymi qanwan rimasaq, hinaspam qampi kaq espiritumanta paykunaman qosaq, chaynapi runakuna nanachikuypi yanapasunaykipaq. Chaynapim runakunamantaqa manaña qamllañachu nanachikunki.

Números 11:25

Tayta Diosmi puyupi uraykamuspan Moiseswan rimarqa hinaspam paywan kaq espiritumanta qanchis chunka ancianokunaman qorqa, chaymi paykuna profetizayta qallaykurqaku, chaymanta qepamanqa manañam profetizarqakuñachu.

Juan 16:7

Cheqaptam nikichik: Qamkunapaqqa allinpunim ñoqapa riyniyqa, mana riptiyqa manachá qamkunapa kallpanchasuqnikichikpas hamunmanchu, rispaymi ichaqa kachamusqaykichik.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 8:17

Chaymi iñiqkunaman Pedrowan Juan makinkuta churaykuptinku Chuya Espirituta chaskirqaku.

1~Corintios 12:31

Qamkunaqa Diospa allinnin atiynintayá maskaychik. Ñoqam ichaqa imaynam aswan allin kawsanaykichikta qawachisqaykichik.

Deuteronomio 21:17

Mana kuyasqan warmipa wawanmanmi piwi churin kasqanrayku, wakin churinkunaman qosqanmantapas huk chaynatawanraq qonqa. Payqa piwi churi kasqanraykum chayta chaskinqa.

Deuteronomio 34:9

Nunpa churin Josueymi yachayniyuq kananpaq Diosmanta atiyta chaskirqa, chaypaqmi paypa hawanman kawsachkaspallaraq makinta Moisés churaykurqa. Chaymi Israelpa mirayninkuna Josueyta kasukurqaku, hinaspam Moisesman Tayta Diospa kamachisqanman hina ruwarqaku.

1~Timoteo 5:17

Haykam iñiqkuna ukupi llamkaq ancianokunaqa allin respetasqa hinaspa allin pagasqa kachunku, tukuymanta llalliqtaqa willakuqkunawan hinaspa yachachikuqkuna.