2~Reyes 2:2 - CHUYA QELLQA La Biblia en Quechua de Ayacucho 2012

² Hinaptinmi Eliseota Elías nirqa: Tayta Diosmi Bet-el llaqtaman kachawachkan, ama hina kaspaykiyá kayllapi kachkay, nispa. Chaymi Eliseo nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaynapim kuskanku Bet-el llaqtaman rirqaku.

Quechua Ayacucho Bible 1987

² Eliasmi nirqa Eliseota: —Tayta Diosmi Betel llaqtaman kachawachkan, ama hina kaspaykiyá kayllapi kachkay —nispa. Chaymi Eliseoñataq nirqa: —Kawsaq Tayta Diosraykum chaynataq qamraykum jurani: Manam qepaymanchu, qatisqaykipunim —nispa. Chaymi kuskanku Betel llaqtaman rirqaku.

Chuya Qellqa 1992

² Hinaptinmi Eliseota Elías nirqa: Tayta Diosmi Bet-el llaqtaman kachawachkan, ama hina kaspaykiyá kayllapi kachkay, nispa. Chaymi Eliseo nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaynapim kuskanku Bet-el llaqtaman rirqaku.

2~Reyes 2:2 Iomraidhean Croise

Génesis 28:19

Chay lugartam Bet-elwan suticharqa, punta sutinñataqmi karqa Luz.

1~Reyes 12:28

Chaymi rey Jeroboamqa umachakuyta chaskiruspan, qorimanta iskay torillota ruwarachirqa, hinaspam runakunata nirqa: Israel runakuna, amañayá Jerusalén llaqtamanqa riychikñachu, kayqaya Egipto nacionmanta hurqomusuqnikichik diosnikichikqa, nispa.

1~Reyes 12:29

Hinaspam hukninta Bet-el llaqtapi churarqa, huknintañataqmi Dan llaqtapi.

1~Reyes 12:33

Hinaspam Bet-el llaqtapi altar ruwachisqanpi pusaq kaq killapa chunka pichqayuq punchawninpi sacrificiokunata ofrecerqa, chay fiesta ruwachisqan killataqa akllarqa sonqonpa munasqanman hinam. Israelpa mirayninkunapaqmi hatun fiestata ruwachispan kikinpuni altarpi inciensota kañarqa.

2~Reyes 2:23

Jericó llaqtamantam Bet-el llaqtaman Eliseo rirqa. Ñanta qespichkaptinmi llaqtamanta lloqsimuq maqtillukuna burlakuspa nirqaku: ¡Paqla, qespimuy! ¡Paqla, qespimuy! nispanku.

2~Reyes 2:4

Huktawanmi Eliseota Elías nirqa: Tayta Diosmi Jericó llaqtaman kachawachkan, ama hina kaspayki kayllapi kachkay, nispa. Hinaptinmi Eliseo nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaymi kuskanku Jericó llaqtaman chayarurqaku.

2~Reyes 2:6

Chaymantam Eliseota Elías nirqa: Tayta Diosmi Jordán mayuman kachawachkan, ama hina kaspayki kayllapi kachkay, nispa. Eliseoñataqmi nirqa: Tayta Diosqa kawsanmi, qampas kawsankitaqmi, manam qepaymanchu, qatisqaykipunim, nispa. Chaymi kuskanku pasarqaku.

2~Reyes 4:30

Warmapa mamanñataqmi nirqa: Tayta Diosqa kawsanmi, qampas kawsankitaqmi, manam saqesqaykichu, nispa. Chaymi Eliseoqa chay warmiwan pasarqa.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

1~Juan 2:19

Paykunaqa ñoqanchikmantam lloqsirunku, ichaqa manam ñoqanchik partechu karqaku, sichum ñoqanchik parte kaspankuqa ñoqanchikwanchá sayanmanku karqa. Paykunaqa lloqsirunku mana lliwchu iñiqmasinchik kasqanta yachanapaqmi.

1~Samuel 1:26

Chaymi Ana nirqa: Taytay cheqaptapunipas, ñoqam kachkani qampa qayllakipi Tayta Diosta mañakuq warmi.

1~Samuel 17:55

Filisteo runawan David peleachkaptinmi, tropankunapa kamachiqnin Abnerta Saúl tapurqa: ¿Pitaq wak warmapa taytan? nispa. Abnerñataqmi nirqa:

1~Samuel 25:26

Aswanpas Tayta Diosmi harkaykusurqanki, hamuruspayki ya-warta chaqchuspa makikiwan justicia ruwarunaykita. Diosyá munachun enemigoykikunapas chaynataq mana allin ruway munasuqnikikunapas Nabal hina castigasqa kananta.