2~Reyes 16:3 - CHUYA QELLQA La Biblia en Quechua de Ayacucho 2012

³ Aswanqa Israel nacionpi reykunapa kawsasqanta hinam kawsarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankuta hina ruwaspam paypas churinta sacrificarqa.

Quechua Ayacucho Bible 1987

³ Aswanqa Israel nacion reykunapa kawsasqanta hinam kawsarqa. Rurarqataqmi Israelpa mirayninkunapa qayllanmanta Tayta Diospa qarqosqan runakunapa millakuypaq rurasqankutapas. Payqa churintapas chay runakuna hinam kañarqa.

Chuya Qellqa 1992

³ Aswanqa Israel nacionpi reykunapa kawsasqanta hinam kawsarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankuta hina ruwaspam paypas churinta sacrificarqa.

2~Reyes 16:3 Iomraidhean Croise

1~Reyes 14:24

Chay nacionpiqa qarikunapas qarimasillanwan qachakuspankum tukuy rikchaq idolokunataña yupaycharqaku, hinaspam ruwarqaku Israelpa mirayninkunapa qayllanmanta Tayta Diospa qarqosqan runakunapa millakuypaq huchankunataña.

2~Reyes 17:16

Señorninku Tayta Diospa llapallan kamachisqankunata saqeruspankum, metalta chulluchispa iskay torokunata ruwakururqaku, ruwakururqakutaqmi Asera idolotapas. Cielopi llapa chaskakunatawan Baal idolokunatañam yupaycharqaku.

2~Reyes 17:17

Churinkutam qaritapas warmitapas idolokunaman ofrecerqaku, qatipaqkunamanwan layqakunamanmi qokururqaku. Tukuy mana allin ruwaykunaman qokuruspankum Tayta Diosta piñachirqaku.

2~Reyes 17:19

Ichaqa Judá nacionpas Tayta Diospa kamachikuyninkunataqa manam kasukurqachu, aswanqa Israelpa costumbrenman hinam kawsarqa.

2~Reyes 17:8

chaynataq qayllankumanta Tayta Diospa wischusqan nacionkunapa costumbrenkunatawan Israel nacionpi reykunapa millay ruwayninkunata hina ruwasqankuraykum.

2~Reyes 21:11

Judá nacionpa reynin Manasesmi ñawpaq amorreokunapa millakuypaq ruwasqankumantapas aswan mana allinkunataraq ruwarqa hinaspam idolokunawan Judá nacionpi runakunatapas huchallichirqa,

2~Reyes 21:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunata hina ruwaspam huchallikurqa.

2~Reyes 21:6

Churintapas idolokunapaqmi kañapurqa. Layqayayman qokuruspanmi kikinpuni hatarichirqa qatipaqkunatawan alma qayaqkunata. Chay millakuypaq mana allin kaqkunata ruwaspanmi Tayta Diosta piñachirqa.

2~Reyes 21:9

Israelpa mirayninkunam ichaqa mana kasukurqakuchu. Rey Manasesqa, paykunapa qayllanmanta Tayta Diospa chinkachisqan nacionkunamantapas aswantaraqmi mana allinkunata ruwachirqa.

2~Reyes 23:10

Rey Josiasqa, Hinom qechwapi churinku kañananku Tofettapas milla-kuypaqtam ruwarurqa, chaynapi manaña pipas churinta Moloc idoloman kaña-nankupaq.

2~Reyes 8:18

Joramqa Israel nacionpi reykunapa chaynataq Acabpa mirayninkunapa ruwasqanta hinam ruwarqa. Acabpa warmi churinwan casarakuruspanmi mana allinkunata Tayta Diospa qayllanpi ruwarqa.

2~Crónicas 22:3

Rey Ocoziaspas, Acabpa ayllunkunapa mana allinkuna ruwasqanta hinam ruwarqa, mamanpunim mana allinkunata ruwananpaq umacharqa.

2~Crónicas 33:2

Payqa Tayta Diospa qayllanpim mana allinkunata ruwarqa. Israelpa mirayninkunapa qayllanmanta Tayta Diospa qarqosqan runakunapa millakuypaq ruwasqankunatam ruwarqa.

2~Crónicas 33:6

Churinkunatapas Ben-hinom way-qopim sacrificarqa, layqa kayman qokuruspanmi alma qayaqkunatawan qatipaqkunatapas kikinpuni hatarichirqa. Chay millakuypaq mana allin kaqkunata ruwaspanmi tayta Diosta piñachirqa.

Isaías 57:5

¿Manachum encina sachakunapa, llaqesapa sachakunapa ukunpi huchapakunkichik? Wawakunatam wayqokunapi, uchkukunapi idolokunapaq wañuchipunkichik.

Jeremías 32:35

Ben-hinom wayqopipas Baal idolopaqmi altarkunata ruwapurqaku, chaypim churinkuta qaritapas warmitapas Moloc sutiyuq idoloman kañapurqaku. Chaynata ruwaspankum Judá nacionpi runakunata huchallichirqaku. Chay millakuypaq ruwasqankutaqa manam kamachirqanichu nitaqmi piensayllapas piensarqanichu, nispa.

Ezequiel 16:21

¿Chaychum wawaykikunataraq kañaspa chay idolokunaman ofrecerqanki?

Ezequiel 16:47

Qampas paykunapa imaynam kawsasqankutam qatipakurqanki, hinaspam millakuypaq ruwasqankuta ruwarqanki, ichaqa chaykunawanpas mana contentaspam paykunamantapas aswan millakuypaq kaqkunataraq ruwarqanki.

Ezequiel 20:26

Llapa idolonkuman ofrendakunata apaspa chaynataq piwi churinkuta sacrificaspa qachachakunankutam saqeykurqani. Chaytaqa ruwarqani paykunaman manchakuy huntaykuptin ñoqa Tayta Dios kasqayta yachanankupaqmi.

Ezequiel 20:31

Qamkunaqa ofrendata qonaykichikpaq piwi churikichikta ofrecespam chay idoloykichikkunawan hinalla qachachakuchkankichik. Israelpa mirayninkuna ¿chaykunata ruwachkaspachum tapuwaytaraq munachkankichik? Ñoqa Tayta Diosqa manam tapuwaptikichikpas contestasqaykichikchu.

Levítico 18:21

Moloc idolopaqqa amam churikitaqa ninapi kañankichu. Chaynata ruwaspaqa ñoqapa sutiytam penqayman churawaq. Ñoqa Tayta Diosmi chaynata nini.

Miqueas 6:7

¿Waranqa carnerokunataña otaq chunka waranqa mayukunata hinaña aceiteta qoptiypas, yaqachum Tayta Diosqa kusikunman? ¿Piwi churiytachu mana kasukuq kasqaymanta qoykusaq? ¿Qari churiytachu huchaymanta qoykusaq?

Deuteronomio 12:31

Señornikichik Tayta Diostaqa amam paykunapa yupaychasqanman hinaqa yupaychankichikchu. Chay nacionniyuq runakunaqa idolonkuta yupaychanankupaqmi Señornikichik Tayta Diospa millakusqanta hinaspa cheqnisqanta ruwanku, paykunaqa churinkutapas chay idolonkumanmi kañapunku.

Deuteronomio 18:10

Yanqañataq churikichikta kañaspa sacrificawaqchik. Qamkuna ukupiqa amam kanqachu qatipaqkunapas, qawaqkunapas, layqakunapas,