2~Reyes 13:4 - CHUYA QELLQA La Biblia en Quechua de Ayacucho 2012

⁴ Hinaptinmi Tayta Diosta Joacaz qayakurqa, chaymi Israel runakunapa ñakarisqanta qawaspan Joacazpa mañakusqanta Tayta Dios uyariykurqa; paykunataqa Siria nacionpa reyninmi ñakarichirqa.

Quechua Ayacucho Bible 1987

⁴ Tayta Diosta Joacaz ruegakuptinmi Israel nacionniyoq runakunapa ñakarisqanta qawaspan Joacazpa mañakusqanta uyariykurqa, paykunataqariki Aram nacionpa reyninmi ñakarichirqa.

Chuya Qellqa 1992

⁴ Hinaptinmi Tayta Diosta Joacaz qayakurqa, chaymi Israel runakunapa ñakarisqanta qawaspan Joacazpa mañakusqanta Tayta Dios uyariykurqa; paykunataqa Siria nacionpa reyninmi ñakarichirqa.

2~Reyes 13:4 Iomraidhean Croise

Génesis 21:17

Diosmi warmapa qaparisqanta uyarirqa. Chaymi cielomanta Diospa angelnin Agarta nimurqa: ¿Agar imataq pasasunki? Ama manchakuychu, warmapa waqasqantam Dios uyarirun.

Génesis 31:42

Abrahampapas taytay Isaacpapas yupaychasqanku Dios ñoqawan mana kaptinqa lliwtachiki qechuruwankiman karqa. Ichaqa Diosmi ñakariywan llamkasqayta rikurqa, chaymi chisi tuta qaqchasurqanki, nispa.

2~Reyes 13:22

Siria nacionpa reynin Hazaelmi Israel runakunata ñakarichirqa rey Joacazpa munaychakusqan watakama.

2~Reyes 13:23

Ichaqa Tayta Diosmi paykunata kuyapayaspan llakipayarikurqa, chaynataqa ruwarqa Abrahamwan, Isaacwan hinaspa Jacobwan pactota ruwasqankuraykum, chaymi kunan punchawkama paykunataqa mana chinkarachirqachu nitaqmi qayllanmantapas wischururqachu.

2~Reyes 14:26

Hatun ñakariypi Israel runakuna kawsasqankuraykum paykunataqa Tayta Dios qawarirqa. Manañam pipas Israel naciontaqa yanaparqañachu.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

Esdras 8:23

Chayraykum ayunaspayku Diosniy-kuta mañakuptiyku uyariykuwarqaku.

Jobwan Sutichasqa Libro 22:27

Imataña mañakuptikipas paymi uyarisunki, chaynataqmi qampas prometekusqaykita cumplinki.

Éxodo 3:7

Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Éxodo 3:9

Israelpa mirayninkunapa qayakamuy-nintam uyariruni, rikunitaqmi Egipto runakunapa ñakarichisqantapas.

Isaías 26:16

Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Jeremías 2:27

Qamkunaqa kullutam ninkichik: Taytaymi kanki, nispa; rumitam ninkichik: Churyaqniymi kanki, nispa. Ñoqatañataqmi qepancharuwaspaykichik uyaykichiktapas huklawmanraq muyuchinkichik, ñakarisqaykichik punchawmi ichaqa niwankichik: “Hatarispa salvaykuwayku”, nispa.

Jeremías 33:3

Mañakuwaptikiqa contestasqaykim, hinaspaymi hatun kaqkunatawan mana reqsisqayki kaqkunata yachachisqayki.

Números 21:7

Hinaptinmi Moisesman rispanku llapa runakuna nirqaku: Tayta Diospa chaynataq qampa contraykipi rimaspam huchallikuruniku. Chaynaqa, Diostayá mañakuy kay maqta urukunata ñoqaykumanta chinkachinanpaq, nispanku. Chaymi Tayta Diosta llapa runakunapaq Moisés mañakurqa.

Jueces 10:10

Chaymi Israelpa mirayninkuna, Tayta Diosta kaynata qayakurqaku: Qampa contraykipim huchallikuruniku. Qam Diosniykuta qepanchakuruspaykum Baal idolokunataña yupaycharqaniku, nispanku.