2~Reyes 11:4 - CHUYA QELLQA La Biblia en Quechua de Ayacucho 2012

⁴ Qanchis watamanñataqmi sacerdote Joiada qayachimurqa capitankunata, reina waqaychaq soldadokunata, guardiakunapa kamachiqninkunata, hinaspam Tayta Diospa templonman pusaykurqa. Chaypim paykunawan contratota ruwaspan jurachirqa, hinaspam reypa churinta paykunaman reqsichispan,

Quechua Ayacucho Bible 1987

⁴ Qanchis watamanñataqmi sacerdote Joiada qayachimurqa capitankunata, reina waqaychaq soldadokunata, qayachimurqataqmi guardiakunapa jefenkunatapas hinaspam temploman pusaykurqa. Chay templopim paykunawan contratota ruraspan juramentachirqa hinaspañam reypa churinta paykunaman reqsiykachirqa.

Chuya Qellqa 1992

⁴ Qanchis watamanñataqmi sacerdote Joiada qayachimurqa capitankunata, reina waqaychaq soldadokunata, guardiakunapa kamachiqninkunata, hinaspam Tayta Diospa templonman pusaykurqa. Chaypim paykunawan contratota ruwaspan jurachirqa, hinaspam reypa churinta paykunaman reqsichispan,

2~Reyes 11:4 Iomraidhean Croise

2~Reyes 11:19

Joiada kamachiptinmi capitankuna, rey waqaychaq soldadokuna, guardiakuna chaynataq llapallan runakuna Tayta Diospa templonmanta palacioman reyta pusarqaku guardiakunapa yaykunan punkunta. Joasñataqmi reykunapa trononpi tiyaykurqa.

2~Reyes 11:9

Llapa capitankunam sacerdote Joia-dapa kamachisqanta hina ruwarqaku. Samana punchawpi yaykuq soldadokunatapas chaynataq chay punchawpi lloqsiq soldadokunatapas sapa kamachiqkunam sacerdote Joiadapa qayllanman pusarqaku.

2~Crónicas 15:12

Hinaspankum ñawpaq taytankupa yupaychasqan Tayta Diosta tukuy sonqonkuwan tukuy almankuwan maskanankupaq prometekurqaku.

2~Reyes 11:17

Chaymantam Joiadaqa reytapas chaynataq runankunatapas Tayta Dioswan pactota ruwachirqa, chaynapi Tayta Diospa llaqtanña kanankupaq. Chaynataqmi reytawan runakunatapas contratota ruwachirqa.

Hechos 5:26

Hinaptinmi guardiakuna kamachiqninkupiwan rispanku, runakuna rumiwan choqaparunankumanta manchakuspanku mana imanaspalla pusamurqaku.

Hechos 5:24

Templopi nanachikuq guardiakunapa kamachiqninwan, sacerdotekunapa kamachiqninkunam chayta uyariruspanku tapunakurqaku: ¿Imaraqchá pasakunqapas? nispanku.

Nehemías 10:29

wawqenkunaman chaynataq kamachiqninkunaman hukllawakuspanku tukuy sonqonkuwan jurarqaku. Moisesnintakama Tayta Diospa qosqan kamachikuykunaman hina kawsanankupaq. Prometekurqakutaqmi Tayta Diospa kamachikuyninkunata, reglamentonkunata hinaspa decretonkunata cumplinankupaqpas.

Nehemías 9:38

Chayraykum ñoqaykuqa, chunkay-chunkayta prometekuspa huk contratota qellqaniku, chay contratopim kamachiqniykupas, sacerdotekunawan levitakunapas firmaspa sellonkuta churachkanku.

Nehemías 5:12

Hinaptinmi paykuna nirqaku: Niwasqaykikuman hinam ruwasaqku, lliwta kutichipuspaykum manaña imatapas mañasaqkuñachu, nispanku. Chaymi sacerdotekunata qayachispay, paykunapa qayllanpi jurachiptiy chaynata ruwanankupaq prometekurqaku.

2~Crónicas 29:10

Kunanmi sonqoymanta Israelpa yupaychasqan Tayta Dioswan contratota ruwasaq, chaynapi hawanchikmanta piñakuyninta suchuchinanpaq.

1~Crónicas 9:13

Mirayninkuman hinam ayllun-ayllun llapallanku karqaku waranqa qanchis pachak soqta chunka runakuna. Paykunaqa ayllunku ukupi kamachikuqkunam karqaku, Diospa templonpi yachaywan servikuq runakunam karqaku.

2~Reyes 23:3

Hinaspam reyqa pilarpa waqtanpi sayaykuspan Tayta Diospa qayllanpi contratota ruwarqa. Chayman hinam prometekurqa Tayta Diosta qatinanpaq, kamachikuyninkunatapas, yachachikuyninkunatapas, decretonkunatapas tukuy sonqonwan hinaspa tukuy vidanwan kasukunanpaq, prometekurqataqmi Diospa pacto ruwasqan libropa nisqanta cumplinanpaqpas. Chaypi kaq llapallan runakunapas chaynata ruwanankupaqmi prometekurqaku.

1~Reyes 18:10

Tayta Diosraykum jurani, reyniyqa tukuy hinastinpim qamta maskachimusurqanki, chaymi llapallanku nirqaku: “Manam kaypichu”, nispanku, hinaptinmi nacionkunapi mana tarisusqaykimanta runakunata jurachirqa.

1~Samuel 23:18

Chaypim iskayninku Diospa qay-llanpi contratota ruwarqaku, chaymantam wasinman Jonatán kutikur-qa, Davidñataqmi Horespi qeparur-qa.

1~Samuel 18:3

Jona-tanwan Davidñataqmi contratota ruwar-qaku juramentomanta wiñaypaq amigo kanankupaq.

Josué 24:25

Hinaptinmi huñunakusqanku Si-quem llaqtapi, chay punchaw llapa runakunawan contratota Josué ruwarqa, hinaspam paykunaman kamachikuykunatawan yachachikuykunata qorqa.

Génesis 50:25

Chaymantam Israelpa mirayninkunata jurachispan José nirqa: Diosmi cheqaptapuni watukamusunkichik, chayna kaptinmi tulluykunata kaymanta apankichik, nispan.

2~Samuel 20:23

Chaynapim Joabqa lliw Israel tropakunapa kamachiqnin qeparqa. Joiadapa churin Benaiasñataqmi karqa rey waqaychaq cereteokunapa hinaspa peleteokunapa kamachiqnin.

2~Reyes 11:3

Soqta watam Joasqa uywaqninpiwan Tayta Diospa templonpi pakasqa karqa. Ataliañataqmi nacionpi munaychakurqa.

2~Samuel 8:18

Joiadapa churin Benaiam Ceret ayllumantawan Pelet ayllumanta kaq soldadokunata kamachirqa. Davidpa churinkunañataqmi sacerdotekuna karqaku.

1~Reyes 14:27

Chaykunapa rantinpim rey Roboam broncemanta escudokunata ruwachirqa, hinaspam waqaychaqnin soldadokunapa kamachiqninman chaynataq palaciopa punkunta waqaychaq soldadokunaman waqaychanankupaq qoykurqa.

2~Reyes 12:7

Chayraykum rey Joasqa sacerdote Joiadatawan wakin sacerdotekunata qayachispan nirqa: ¿Imanasqataq templopa raqrankunataqa manaraq allichachinkichikchu? Kunanmantaqa manañam aylluykichikmanta qollqeta chaskinkichikñachu; chaskisqaykichik kaqtañataqmi Tayta Diospa wasinta allichanankupaq qonkichik, nispa.