2~Reyes 1:3 - CHUYA QELLQA La Biblia en Quechua de Ayacucho 2012

³ Hinaptinmi Tisbe llaqtayuq Eliasta Tayta Diospa angelnin nirqa: Samaria llaqtapi yachaq reypa kachamusqan runakunawan tupamunaykipaq riy hinaspa kaynata nimuy: ¿Manachu Israel nacionpi Dios karqa, chaynapi Ecrón llaqtapi Baal-zebub idolotaraq tapumunaykichikpaq? nispa.

Quechua Ayacucho Bible 1987

³ Hinaptinmi Tisbe llaqtayoq Eliasta Tayta Diospa angelnin nirqa: —Riyá Samaria llaqtapi *f**yachaq reypa kachasqan runakunawan tupamuq hinaspayá nimuy: “Israel nacionpiqa manachum karqa Dios chaynapi Ecron llaqtapi kaq Baal-zebub sutiyoq taytachataraq tapuchimunaykichikpaq” nispa.

Chuya Qellqa 1992

³ Hinaptinmi Tisbe llaqtayuq Eliasta Tayta Diospa angelnin nirqa: Samaria llaqtapi yachaq reypa kachamusqan runakunawan tupamunaykipaq riy hinaspa kaynata nimuy: ¿Manachu Israel nacionpi Dios karqa, chaynapi Ecrón llaqtapi Baal-zebub idolotaraq tapumunaykichikpaq? nispa.

2~Reyes 1:3 Iomraidhean Croise

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 17:1

Rey Acabtam Galaad law Tisbe llaqtayuq Elías nirqa: “Israelpa yupaychasqan Tayta Dios-raykum jurani, ñoqaqa serviqnin kasqayraykum paypa qayllanpi kachkani, manam kay watakunapi para kanqachu nitaqmi sullayllapas sullamunqachu ñoqa ninaykama”, nispa.

1~Reyes 18:1

Unay tiempo pasaruptinmi kimsa watamantaña Eliasta Tayta Dios nirqa: Rey Acabpa kasqanman riy, kay allpamanmi parata chayachimusaq, nispa.

1~Reyes 18:36

Wañuchisqan animalta kañananpaq sacrificio hora chayaramuptinmi, altarman asuykuspan profeta Elías kaynata qaparirqa: ¡Dios Taytalláy! ¡Abrahampa, Isaacpa hinaspa Israelpa Diosnin! ¡Israel nacionpi Dios kasqaykitayá kunan reqsichikuy, reqsichiytaq ñoqapas serviqniki kaspay kamachiwasqaykiman hina kaykuna ruwasqayta!

1~Reyes 19:5

Chaynata niruspanmi retamapa sikinpi siriykuspa puñururqa, hinaptinmi huk ángel llapchaykuspan nirqa: Hatarispa mikuy, nispa.

1~Reyes 19:7

Tayta Diospa angelninmi ichaqa yapamanta llapchaykuspan nirqa: Hatarispa mikuy, llumpay karuraqmi rinayki kachkan, nispa.

1~Reyes 21:17

Chaymi Tisbe llaqtayuq Eliasta Tayta Dios nirqa:

2~Reyes 1:2

Rey Ocoziasmi Samariapi palacionpa altosninpi ventananmanta wichiykamuspan onqorurqa, chaymi runankunata kamachispan nirqa: Rispaykichik Ecrón llaqtapa diosnin Baal-zebubta tapumuychik, kay onqosqaymanta sanoyasaqraqchu icha manañachu, nispa.

2~Reyes 1:6

Chaymi paykuna nirqaku: Huk runawan tuparuptiykum niwarqaku: “Kachamusuqnikichik reyman kutirispa Tayta Diospa nisqanta kaynata nimuychik: ¿Manachu Israel nacionpi Dios karqa chaynapi Ecrón llaqtapi kaq Baal-zebub idolotaraq tapuchimunaykipaq? chayraykum onqosqaykimantaqa manañas hatarinkiñachu aswanqa wañukunkiñas”, nispanku.

2~Reyes 1:8

Chaymi paykuna nirqaku: Pelomanta pachayuq hinaspa qaramanta ruwasqa weqaw watayuqmi, nispanku. Reyñataqmi nirqa: Payqa Tisbe llaqtayuq Eliasmi, nispa.

2~Reyes 5:15

Chaymantam riqmasinkunapiwan Eliseopa kasqanman kutiruspanku ñawpaqninpi sayaykuspa Naamán nirqa: Kunanmi yachaykuni, manam kay pachapiqa Dios kanchu aswanqa Israel nacionllapim. Ama hina kaspaykiyá kay serviqnikimanta kay regalokuna apamusqayta chaskiykullaway, nispa.

2~Reyes 5:8

Israel nacionpa reynin, pachanta llikipasqanta yacharuspanmi profeta Eliseo nichimurqa: ¿Imanasqataq pachaykita llikiparunki? Chay runata kachamuway, chaynapi Israel nacionpi profeta kasqanta yachananpaq, nispa.

Isaías 8:19

Sichum runakuna nisunkichik: Espiritistakunata qayakuychik, wachachachaspa upallallamanta rimaq espirituyuqkunata qayakuychik, ¿runakunaqa manachum diosninkuta tapukunmanku? ¿Kawsaqkunaqa manachum wañuqkunapa almanta tapukunmanku? nispanku.

Jonás 2:8

Idolokunata yupaychaqkunaqa kuyakuynikimantam karunchakurunku.

Marcos 3:22

Diospa leynin yachachiqkunapas Jerusalenmanta hamuspankum nirqaku: Kay runaqa demoniokuna kamachiq Beelzebúpa nisqapa huntasqanmi kachkan, paypa atiyninwanmi demoniokunata qarqon, nispanku.

Hechos 8:26

Chaymantam Felipeta Diospa angelnin kaynata kamachirqa: Sur lawman riy, Jerusalenmanta Gaza llaqtaman riq ñanninta, nispa. Chay ñanqa chunniqnintam pasachkan.

1~Samuel 17:46

Tayta Diosmi kunanpuni qamta makiyman churanqa, wañurachispaymi umaykitapas qorusaq; hinaspam Filistea tropakunapa aychantañataq alton pawaq ankakunamanwan purun animalkunaman qarasaq. Chaynapim lliw runakuna Israel nacionpi Dios kasqanta yachanqaku.