2~Reyes 1:2 - CHUYA QELLQA La Biblia en Quechua de Ayacucho 2012

² Rey Ocoziasmi Samariapi palacionpa altosninpi ventananmanta wichiykamuspan onqorurqa, chaymi runankunata kamachispan nirqa: Rispaykichik Ecrón llaqtapa diosnin Baal-zebubta tapumuychik, kay onqosqaymanta sanoyasaqraqchu icha manañachu, nispa.

Quechua Ayacucho Bible 1987

² Samaria llaqtapi *f**yachaq Rey Ocoziasmi palacionpa altosnin ventanamanta wichiykamuspan onqorurqa chaymi runankunata qayaspan nirqa: —Rispaykichikyá Ecron llaqtapi Baal-zebub sutiyoq taytachata tapumuychik kay onqosqaymanta sanoyasaqchus icha manachus.

Chuya Qellqa 1992

² Rey Ocoziasmi Samariapi palacionpa altosninpi ventananmanta wichiykamuspan onqorurqa, chaymi runankunata kamachispan nirqa: Rispaykichik Ecrón llaqtapa diosnin Baal-zebubta tapumuychik, kay onqosqaymanta sanoyasaqraqchu icha manañachu, nispa.

2~Reyes 1:2 Iomraidhean Croise

1~Reyes 11:33

Chaynataqa ruwasaq qepanchakuruwaspan Sidón llaqtayuq runakunapa yupaychasqan Astoret idolotawan, moabitakunapa yupaychasqan Quemos idolota chaynataq amonitakunapa yupaychasqan Moloc idolotaña yupaychasqanraykum. Payqa manam taytan David hinachu munasqayman hina kawsaspa kamachikuykuna yachachikuykuna qosqayta kasukurqa.

1~Reyes 14:3

Chaynaqa, chunka tantakunata, tortata hinaspa huk aysakupi mielta aparikuspa Ahiaspata riruy. Paymi nimusunki imaynam warmanchik kanantapas.

1~Reyes 22:34

Ichaqa Siria nacionniyuq hukkaqnin soldado llutanpi flecharuptinmi Israelpa reyninta qasqonpi harkachikunanpa tupanakuqninpi hapirurqa, chaymi reyqa carretan manejaqta nirqa: Muyurichiy carretata hinaspa kaymanta hurqoway, llumpay heridasqam kachkani, nispa.

1~Reyes 22:40

Rey Acab wañuruptinmi churin Ocoziasña paypa rantinpi munaychakurqa.

2~Reyes 1:16

Chayaruspanmi reyta nirqa: Tayta Diosmi kaynata nin: ¿Manachu Israel nacionpi Dios karqa Ecrón llaqtapi Baal-zebub idolota tapuchimunaykipaq? chayraykum onqosqaykimantaqa manaña hatarinkiñachu aswanqa wañukunkiñam, nispa.

2~Reyes 1:3

Hinaptinmi Tisbe llaqtayuq Eliasta Tayta Diospa angelnin nirqa: Samaria llaqtapi yachaq reypa kachamusqan runakunawan tupamunaykipaq riy hinaspa kaynata nimuy: ¿Manachu Israel nacionpi Dios karqa, chaynapi Ecrón llaqtapi Baal-zebub idolotaraq tapumunaykichikpaq? nispa.

2~Reyes 1:6

Chaymi paykuna nirqaku: Huk runawan tuparuptiykum niwarqaku: “Kachamusuqnikichik reyman kutirispa Tayta Diospa nisqanta kaynata nimuychik: ¿Manachu Israel nacionpi Dios karqa chaynapi Ecrón llaqtapi kaq Baal-zebub idolotaraq tapuchimunaykipaq? chayraykum onqosqaykimantaqa manañas hatarinkiñachu aswanqa wañukunkiñas”, nispanku.

2~Reyes 17:16

Señorninku Tayta Diospa llapallan kamachisqankunata saqeruspankum, metalta chulluchispa iskay torokunata ruwakururqaku, ruwakururqakutaqmi Asera idolotapas. Cielopi llapa chaskakunatawan Baal idolokunatañam yupaycharqaku.

Jobwan Sutichasqa Libro 31:3

¿Manachum llakikuyqa mana allin runakunapaq? ¿Manachum sasachakuyqa mana allin ruwaqkunapaq?

Cantares 2:9

Kuyakusqayqa luwichu hinam, kuyakusqayqa uña luwichucha kaqchallam. Qawariychik, waqaya perqanchikpa qepanpi sayaspan ventanankunata qawamuchkan, perqa uchkunkunata wateqamuchkan.

Isaías 19:3

Egipto runakunapa yuyaymanaynintam chinkarachisaq, imapas ruway tanteasqankutam yanqacharusaq, hinaptinmi idolonkuta, layqakunata tapunqaku, wañuqkunapa almankunata tapukunqaku.

Isaías 2:6

Diosnilláy, runaykikunatam saqerunki, Jacobpa mirayninkunatam saqerunki. Intipa lloqsimunan lawpi layqakunapa huntasqan kasqanrayku, Filistea llaqta hina qatipaqkunapa huntasqan kasqanrayku, huklaw llaqtayuq runakunawan hukllawakurusqankurayku.

Isaías 37:12

Manam Gozanta, Haranta, Resefta chaynataq Telasarpi yachaq Edén castan runakunatapas ñawpaq taytaykuna tuñichiptin diosninku librarqachu.

Isaías 37:19

Idolonkutapas ninamanmi wischuykurqaku, runakunapa kullumanta rumimanta ruwasqan kasqanraykum chaykunataqa chinkarachirqaku. Cheqaptapunipas chaykunaqa manam dioschu.

Mateo 10:25

Discipulo-paqqa yachachiqnin hinalla kayninmi allinqa, criadopaqpas allinqa patronnin hina kayninmi. Sichum ñoqatapuni Beelzebuwan sutichawachkaspankuqa aswanraqchiki qamkunataqa.

Marcos 3:22

Diospa leynin yachachiqkunapas Jerusalenmanta hamuspankum nirqaku: Kay runaqa demoniokuna kamachiq Beelzebúpa nisqapa huntasqanmi kachkan, paypa atiyninwanmi demoniokunata qarqon, nispanku.

Lucas 11:15

Ichaqa wakinmi nirqaku: Kay runaqa demoniokunataqa qarqon demoniokuna kamachiq Beelzebupa atiyninwanmi, nispanku.

Hechos 20:9

Ventanapiñataqmi Eutico sutiyuq joven tiyachkarqa. Pablo tutakama rimaptinmi chay jovenqa puñuywan aysachikusqanpi puñuruspan, wasipa kimsa kaq altosninmanta wichiykurqa, chaymi wañusqataña hoqarirqaku.

Josué 15:11

Chaymantam Ecrón llaqtapa norte lawninta chutarikuspan Sicrón lawman muyurqa. Chaymantam Baala orqonta rispan Jabneel lawman lloqsirqa hinaspam Mediterráneo lamar qochapi tukurqa.

Jueces 11:24

Quemos diosnikipa qosusqaykiqa, ¿manachum qampaña? Chaynam ñoqaykuman Tayta Diospa qowasqankupas ñoqaykupaña.

Jueces 5:28

Sisarapa mamanmi ventananta qawaspan kaynata nirqa: “¿Imanasqataq wawaypa carretan mana chayamunchu? ¿Imanasqataq carretankuna llumpayta tardearamun?” nispa.

1~Samuel 5:10

Chaymi filisteokunaqa Diospa Arcanta aparachirqaku Ecrón llaqtamanña, ichaqa chayaruptinkum Ecrón runakuna qaparirqaku kaynata: ¡Israel runakunapa Diosninpa Arcantam aparamuwanchik llaqtantinta wañurachiwananchikpaq! nispanku.