2~Pedro 3:7 - CHUYA QELLQA La Biblia en Quechua de Ayacucho 2012

⁷ Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.

Quechua Ayacucho Bible 1987

⁷ Kunan kaq cielokunatawan kay pachataqa Diospa rimarisqanmi waqaychachkan ninapaq, chay ninapim juicio punchawpi huchasapa runakunapas rupanqa.

Chuya Qellqa 1992

⁷ Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.

2~Pedro 3:7 Iomraidhean Croise

Isaías 51:6

Cielokunata qawariychik, kay pachatapas qawariychik; cielokunapas qosni hinallam chinkarunqa, kay pachapas mawka pacha hinallam tukurunqa, runankunapas lliwmi puchukarunqa. Salvacionniymi ichaqa wiña-wiñaypaq takyanqa, allinkuna ruwasqayqa mana tukuqmi kanqa.

Isaías 66:15

Tayta Diosqa ninapa chawpinpim hamuchkan, carretankunapas kallpasapa viento hinaraqmi hamuchkan; llumpay piñakuynintam kacharimunqa, lenwachkaq nina hina piñakuyninwami castiganqa.

Daniel 7:9

Qawachkaptillaymi reypa trononkuna churasqa karqa. Hinaptinmi huknin tronopi huk Yuyaq runa tiyaykurqa. Paypaqqa pachanpas riti hina yuraq-yuraqmi kasqa, chukchanpas algodón hina yuraq-yuraqmi kasqa, trononpas lenwachkaq nina hinam kasqa, trononpa ruedankunapas rawrachkaq nina hinam kasqa.

Sofonías 3:8

Chayraykum Tayta Dios kaynata nin: Contraykichikpi hatarispay juzganay punchawta suyaykuychik. Nacionkunata llaqtakunatam huñunarusaq, hinaspaymi hatun piñakuyniywan paykunata castigarusaq. Piñakuyniypa rupariynin kañaruptinmi kay allpa pacha puchukanqa.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Mateo 10:15

Cheqaptapunim nikichik, chay llaqtaqa juicio punchawpim Sodoma hinaspa Gomorra llaqtakunamantapas aswan castigasqa kanqa.

Mateo 11:22

Chayraykum juicio punchawpiqa Tiro llaqtamantapas chaynataq Sidón llaqtamantapas aswan castigasqa kankichik.

Mateo 11:24

Chayraykum juicio punchawpiqa Sodoma chaynataq Gomorra llaqtakunamantapas aswan castigasqa kanki, nispan.

Mateo 12:36

Nikichikmi, juicio punchawpim tukuy mana allinkuna rimasqaykichikmanta llapallaykichik cuentata qonkichik.

Mateo 24:35

Hanaq pachawan kay pachapas tukurunqam, palabraykunam ichaqa wiñaypaq takyanqa.

Mateo 25:41

Ichoqninpi kaqkunatañataqmi ninqa: “Llapa ñakasqakuna ñoqamanta anchuychik, diablopaqwan angelninkunapaq alistasqa wiña-wiñaypaq rawrachkaq ninaman.

Marcos 6:11

Sichum may llaqtapipas mana chaskisuptikichikqa hinaspa mana uyarisuptikichikqa, chaymanta lloqsispam usutaykichikpa polvontapas taspinkichik, chaynapi Diospa palabran wischupakuq kasqankuta yachanankupaq.

Juan 12:48

Pipas ñoqata wischupakuwaspa palabraykunata ma-na chaskiqpaqqa ñam juzgaqnin kach-kanña, ñoqapa palabraykunam paytaqa tukupay punchawpi juzganqa.

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

1~Corintios 3:13

hinaptinqa sapakamapa llamkasqanmi juicio punchawpi qawasqa kanqa, chay punchawmi sapakamapa ruwasqanta nina pruebanqa allin kaptin otaq mana allin kaptinpas.

Filipenses 1:28

contraykichikpi kaqku-natapas mana manchakusqaykichikmanta. Contraykichikpi kasqankuraykum yachanchik paykunapa puchukananta, qamkunañataq salvasqa kanaykichikta. Chayqa Diosmantam hamun.

2~Tesalonicenses 2:3

Amayá piwanpas engañachikuychikchu, puntataqa runakunam Diosta qepanchanqaku, hinaptinmi rikurimunqa Diospa enemigon millay runa, chay runaqa chinkananpaq citasqañam kachkan.

1~Timoteo 6:9

Apuyaylla munaqkunaqa tentachikuspam trampaman hina mana valeq kaqkunallaman wichiykunku, chaykunaqa apakun llakillamanmi hinaspa wañuyllamanmi.

Hebreos 12:29

Diosninchikqa rupaq nina hina rupaspa tukukuqmi.

2~Pedro 2:9

Señorqa yachanmi, sasachakuykunamanta serviqninkuna libraytaqa, mana allin runakunatañataqmi ñakarichisparaq juicio punchawpaq waqaychachkan.

2~Pedro 3:10

Señorpa punchawninqa hamunqa, tutallan hamuchkaq suwa hinam, chay punchawmi cielokunapas qapariywan chinkanqa, haykam chaypi kaqkunapas kañasqam kanqa, kay pachapi kaqkunapas tukuy imantinmi rupanqa.

2~Pedro 3:12

Diospa punchawnin chayamunanta chaylla suyaychik, chay punchawmi cielokuna ninawan kañasqa kanqa, tukuy imapas rupaywanmi chullunqa.

1~Juan 4:17

Chaynatam ñoqanchikpi qawachikun Diospa kuyakuynin, juicio punchawpi confianzawan kananchikpaq, imaynam Jesucristo chaynam ñoqanchikpas kay pachapi kanchik.

Judas 1:7

Chay angelkuna hinam Sodoma Gomorra llaqtapi hinaspa vecinon llaqtakunapi kaqkunapas huchapakuypi purirqaku, paykunaqa qaripurañam uywanakurqaku. Paykunaqa wiñaypaq rawraq ninapi castigasqa kanankupaqmi churasqa kachkanku, chaykunawan ñoqanchikpas yuyayta hapinanchikpaq.

Apocalipsis 17:11

Ñawpaq kachkaspa, kunan manaña kaq manchakuypaq animalñataqmi pusaq kaq rey. Payqa qanchis reykunapa hukninmi, payqa wiñaypaq wañuymanmi richkan.

Apocalipsis 17:8

Chay manchakuypaq animal rikusqaykiqa ñawpaq kaqmi, kunanqa manam kanñachu, chay animalqa uku pachamanta lloqsimunanpaq hinañam kachkan, chaynapi wiñaypaq wañuyman rinanpaq. Kay pachapi runakunañataqmi chay ñawpaq kaq manchakuypaq animalta qawaykuspanku admirakunqaku, paykunaqa kay pacha unanchasqa kasqanmantapuni wiñay kawsay libropi sutinku mana qellqasqakunam. Chay manchakuypaq animalqa ñawpaq kaqmi karqa, kunanqa manam kanñachu, ichaqa kutimunqam.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 21:1

Chaymantam musoq cielotawan musoq allpa pachata rikurqani, ñawpaq cielowan kay pachaqa manam kasqañachu. Lamar qochapas manañam kasqañachu.