2~Pedro 3:16 - CHUYA QELLQA La Biblia en Quechua de Ayacucho 2012

¹⁶ Paymi llapallan cartankunapi chaykunataqa rimarimusurqankichikña, wakinkunaqa sasa entiendenam. Chaykunatam mana yachayniyuqkunaqa hinaspa pisi iñiyniyuqkunaqa qewirunku, imaynam wakin Qellqakunata qewirusqankuta hina, chaytaqa ruwanku kikillankupa chinkayninkupaqmi.

Quechua Ayacucho Bible 1987

¹⁶ Llapallan cartankunapim chaykunamantaqa rimarirqa wakinkunaqa sasa entiendena kachkaptinpas. Chaykunatam pisi yachayniyoqkunawan iñiyninpi mana takyaqkuna qewirunku, Bibliapi wakin kaqkuntapas qewirunkum kikillanku chinkarunankupaq.

Chuya Qellqa 1992

¹⁶ Paymi llapallan cartankunapi chaykunataqa rimarimusurqankichikña, wakinkunaqa sasa entiendenam. Chaykunatam mana yachayniyuqkunaqa hinaspa pisi iñiyniyuqkunaqa qewirunku, imaynam wakin Qellqakunata qewirusqankuta hina, chaytaqa ruwanku kikillankupa chinkayninkupaqmi.

2~Pedro 3:16 Iomraidhean Croise

Génesis 49:4

Lloqlla hina mana harkay atinam kanki, manañam piwi churiyñachu kanki, taytaykipa churiwachan warmiwan puñuruspayki camaytapas qanrachasqaykimanta.

1~Reyes 10:1

Tayta Diospa yachay qosqanwan Salomón ancha reqsisqa kasqanta uyariruspanmi Sabá nacionpa reinan ancha sasa tapukuykunawan pruebananpaq hamurqa.

Éxodo 23:2

Mana allin ruwaqkunataqa achkallaña kaptinkupas amam qatinkichu; testigo kaspaykipas ama pimanpas sayapakuspam cheqap kaqllata rimanki, llulla rimaqmanqa achkallaña kaptinkupas amam sayapakunkichu;

Éxodo 23:6

Wakcha runa quejapi kaptinqa allin arreglotam ruwaykunki.

Jeremías 23:36

Amañam ninkichikñachu: “Kaymi Tayta Diospa palabran” nispaqa. Pipas chaynata rimaptinqa kikinpa sasachakuyninpaqmi kanqa. Qamkunaqa yupaychasqanchik Tukuy Atiyniyuq Tayta Diospa nisqantam qewirunkichik.

Habacuc 1:4

Kamachikuykunapas qepanchasqam, allin ruwaywan allin kawsaypas sarusqam; mana allin runam allin ruwaq runakunata ñakarichinanpaq qatikachan, chaymi allin arreglo ruwaytapas mana allin ruwaymanña qewirunku.

Mateo 15:3

Chaymi Jesusñataq nirqa: ¿Imanasqataq qamkunapas ñawpaq taytaykichikkunapa costumbrenta kasuspaykichik Diospa kamachikuynintañataq mana ruwayman churankichikchu?

Mateo 15:6

Pipas chayna niqqa manañam tayta-mamanta yanapananñachu, nispaykichik. Chaynata yachachispam Diospa kamachikuyninta yanqacharunkichik costumbrekichikta ruwanaykichikrayku.

Mateo 22:29

Jesusñataqmi nirqa: Qamkunaqa Qellqatapas chayna-taq Diospa atiynintapas mana req-sisqaykichikraykum pantaypi kach-kankichik.

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.

Filipenses 3:19

paykunapa tukupayninqa ñakariymi. Paykunaqa wiksallanku diosniyuqmi, ruwasqankumanta penqakunankupas kachkaptinmi aswanraq hatun tukunku kay pachapi kaqkunallamanta piensaspanku.

Hebreos 5:11

Kaykunamantaqa achkaraqmi nimunay kachkan, ichaqa sasa yachachinam, hinaspapas qamkunaqa anaqtam uyarinkichik.

Santiago 1:8

Chayna iskayrayaq runaqa tukuy ima ruwasqanpipas manam allintaqa takyanchu.

1~Pedro 1:1

Jesucristopa apostolnin ñoqa Pedrom qellqamuykichik, Ponto lawpi, Galacia lawpi, Capadocia lawpi, Asia lawpi hinaspa Bitinia lawpi cheqesqakunaman.

1~Pedro 2:8

Kaytapas nintaqmi: “Paymi mitkana rumi hinaspa urmachikuq hatun rumi”, nispapas. Paykunaqa Diospa palabranta mana kasukusqankuraykum mitkarunku, chaypaqqa citasqañam karqaku.

2~Pedro 2:1

Israel ukupiqa karqataqmi pan-tachikuq profetakunapas, chaynam qamkuna ukupipas pantay yachachi-kuqkuna kanqa. Paykunam mana musyachikuspalla pantay yachachi-kuykunata yachachinqaku, salvaqnin Señortapas neganqakum, chayqa kanqa kikinkupa condenasqa kanan-kupaqmi.

2~Pedro 2:14

Warmitapas waqllikuy ñawinkuwan-mi qawanku, huchallikuytaqa manam aminkuchu, pisi iñiyniyuqkunatam enga-ñanku, sonqonpim runapa kaqninta muna-payanku, kaykunaqa ñakay runakunam.

2~Pedro 3:14

Kuyasqay wawqe-panillaykuna, kaykunata suyachkaspaqa utqaymanyá huchaykichikmanta chuyanchakuychik, chaynapi Diospas mana huchayuqta hinaspa hawkayaypi kachkaqta tari-musunaykichikpaq.

2~Pedro 3:2

Profetakunapa nisusqaykichikta hinaspa salvaqninchik Señorpa kamachikuyninmanta apostolkunapa yachachisusqaykichiktayá yuyariychik.

Judas 1:4

Wakin ru-nakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.