2~Pedro 2:2 - CHUYA QELLQA La Biblia en Quechua de Ayacucho 2012

² Achkam qatinqaku payku-napa qanra vidankuta, paykunaraykum runakunapas cheqap ñanpa contranpi rimanqaku.

Quechua Ayacucho Bible 1987

² Achkam qatinqaku paykunapa qanra vidanta, paykunaraykum runakunapas rimanqaku cheqap ñanpa contranpi.

Chuya Qellqa 1992

² Achkam qatinqaku paykunapa qanra vidankuta, paykunaraykum runakunapas cheqap ñanpa contranpi rimanqaku.

2~Pedro 2:2 Iomraidhean Croise

Génesis 19:5

Hinaspam Lotta qayaykacharqaku: ¿Maytaq kunan tuta samachisqayki runakuna? Hurqomuy abusanaykupaq, nispanku.

Isaías 35:8

Chaynintam hatun ñan rinqa, Diospaq sapaqchasqa ñanwanmi sutichanqaku. Huchasapakunaqa manam chaynintaqa purinqachu, mana yuyayniyuqkunaqa manam chaynintaqa purinqachu Diospuni paykunawan kasqanrayku.

Jeremías 6:16

Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Mateo 22:16

Hinaspam paykunamanta kaq fari-seokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Mateo 7:14

Kawsayman apakuq ñanwan punkum ichaqa kichkilla, hinaspapas sasa purinam; chay ñannintaqa asllam richkanku.

Marcos 12:14

Chaymi hamuruspanku Jesusta nirqaku: Yachachikuq, yachanikum qamqa cheqap rimaq kasqaykita, qamqa manam pimanpas sayapakunkichu, nitaqmi runatapas hawallantachu qawanki, aswanqa cheqap kaqwanmi Diospa ñanninmanta yachachinki. ¿Allinchu rey Cesarman impuesto pagay icha manachu? ¿Pagasaqkuchu icha manachu? nispanku.

Marcos 13:22

Cristo tukuqkunawan profeta tukuqkunam rikurimunqaku, hinaspam admirakuypaq milagrokunata ruwaspanku Diospa akllasqan kaqkunatapas engañanqaku.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Hechos 13:10

¡Llullakuypa hinaspa tukuy mana allinta ruwaspa allin kaqkunapa contranpi sayariq supaypa churin runa! ¿Imanasqataq mana samaspa Señorpa cheqap ñanninkunapi kay munaqkunata pantachichkanki?

Hechos 14:2

Ichaqa Jesucristoman mana iñiq judiokunam, mana judío kaqkunata umacharuspanku iñiqkunapa contranpi hatarirachirqaku.

Hechos 16:17

Chay sipasmi Pablotawan ñoqaykuta qatikachawaspanku qayaykachakurqa: ¡Kay runakunaqa hanaq pachapi Diostam servinku, paykunaqa willasuchkankichik imaynam salvakunaykichikmantam! nispa.

Hechos 18:26

Paymi judiokunapa sinagoganpi mana manchakuspa willakuyta qallaykurqa. Chayta Priscilawan Aquila uyariruspankum wasinkuman pusarqaku, hinaspam aswan allintaraq Diospa ñanninmanta yachachirqaku.

Hechos 19:9

Ichaqa wakin runakunam sonqonkuta rumiyarachispanku mana iñiyta munarqakuchu, aswanraqmi paykunaqa Cristomanta allin noticiapa contranpi tukuy imaymanata llapa runakunaman nirqaku. Chaymi Pablo paykunamanta sapaqcharuspan llapa iñiqkunata rakirurqa Tiranno sutiyuq runapa escuelanman, chaypiñam sapa punchaw paykunata yachachirqa.

Hechos 22:4

Ñawpaqtaqa Jesucristopi iñiqkunatam wañuchinaypaq qatikacharqani, warmitapas qaritapas presochaspaymi carcelman aparqani.

Hechos 24:14

Ichaqa manam negakunichu, ñawpaq taytaykunapa Diosnintam yupaychani musoq yachachikuyman hina, chaytam paykuna ninku: “Rakinachiq partidom” nispanku. Ñoqaqa creenim Moisespa hinaspa profetakunapa lliw qellqasqanta.

Romanos 2:24

Chuya Qellqaqa allintam nin: “Qamkunapa huchaykichikmantam mana judío kaqkuna Diosta kaminku”, nispa.

1~Timoteo 5:14

Chaymi ñoqaqa munayman kallpanpiraq kaq viudakunaqa huktawan casarakuspanku wawayuq kanankuta, wasinkupi ocupakunankuta, chaynapi enemigowan ama kamichikunankupaq.

Tito 2:5

allin yuyay-manayniyuq kayta, chuya sonqo kayta, wasinkupi imapas allin ruwakuyta, allin runa kayta hinaspa qosanku kasukuyta, chaynapi ama pipas Diospa palabranpa contranpi rimanankupaq.

Tito 2:8

imam kaqta willakuy, contraykipi kaqpas penqakunanpa, chaynapi ñoqanchikmanta mana imatapas rimanankupaq.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

2~Pedro 2:12

Chayna runakunaqa animalkuna hina mana yuyayniyuqmi hinaspa kikillankupaq munasqallanpi kawsaqkunam kanku, nacemurqakupas hapispa wañuchisqa kanankupaqmi, rimankupas mana yachas-qankutam, ichaqa animalkuna hinam wañunqaku,

2~Pedro 2:15

Allin ñanta saqeruspankum pantaypiña purichkanku, Beorpa churin profeta Ba-laampa ruwasqantañam qatipakuchkan-ku, Balaammi qollqe ganayta munaspan mana allin kaqta ruwarqa;

2~Pedro 2:18

Riman-kupas yanqa mana pasaqkunatam, aychapa munasqan mana allin ruway-kunamanmi huchanmanta chayllaraq ayqekuqkunatapas aysanku.

2~Pedro 2:21

Paykunapaqqa aswan allinqa kanman karqa Diospa chuya ñanninta mana reqsiyninkum, reqsichkaspaña chuya kamachikuyta qepanchaspa qepaman kutikunankutaqa.

2~Pedro 2:7

Allin ruwaq Lot sutiyuq runatam ichaqa librarqa, payqa mana allin runakunapa qanra vidanta qawaspanmi anchata llakikurqa.

Judas 1:10

Chay runakunam ichaqa mana reqsisqankunatapas ñakaykarinku. Mana entiendekuq animalkuna hinam munasqankuta ruwanku kikinkupa mana allinninkupaq.

Judas 1:15

Llapallan runakunata tukuy rikchaq huchakunapi purisqankumanta, millakuypaq ruwasqankumanta hinaspa paypa contranpi mana allinkuna rimasqankumanta juzgaspa condenananpaqmi hamuchkan”, nispa.

Judas 1:4

Wakin ru-nakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.

Judas 1:7

Chay angelkuna hinam Sodoma Gomorra llaqtapi hinaspa vecinon llaqtakunapi kaqkunapas huchapakuypi purirqaku, paykunaqa qaripurañam uywanakurqaku. Paykunaqa wiñaypaq rawraq ninapi castigasqa kanankupaqmi churasqa kachkanku, chaykunawan ñoqanchikpas yuyayta hapinanchikpaq.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 13:14

Kay señalkunata punta kaq manchakuypaq animalpa qayllanpi ruwananpaqmi atiy qosqa karqa kay pachapi llapa runakunata engañananpaq. Hinaspam kamachikurqa manchakuypaq animalpa imagenninta ruwanankupaq, chay manchakuypaq animalqa espadawan tuksisqa kachkaspanpas manam wañurqachu.

Apocalipsis 13:8

Chay manchakuypaq animaltam kay pachapi llapallan yachaqkuna otaq Corderopa kawsay libronpi sutinku mana qellqasqa kaqkuna yupaycharqaku. Chay Corderoqa manaraqpas kay pacha unanchasqa kachkaptinmi wañunanpaq citasqaña karqa.