2~Pedro 2:10 - CHUYA QELLQA La Biblia en Quechua de Ayacucho 2012

¹⁰ Diosqa aswanraqmi castiganqa aychanpa munasqanpi hinaspa qanra vidapi puriqkunataqa, paykunaqa hatun tukusparaqmi atiyniyuqkunatapas desprecianku, nitaqmi manchakunkuchu hanaq pachapi atiyniyuqkunatapas.

Quechua Ayacucho Bible 1987

¹⁰ Diosqa aswanraqmi castiganqa aychanpa munasqanpi hinaspa qanra vidapi puriqkunataqa. Chayna runakunaqa atiyniyoqkunatapas despreciankuraqmi. Hatun tukusparaqmi munasqallanpi purikunku. Manam manchakunkuchu hanaq pachapi kaqkuna insultaytapas.

Chuya Qellqa 1992

¹⁰ Diosqa aswanraqmi castiganqa aychanpa munasqanpi hinaspa qanra vidapi puriqkunataqa, paykunaqa hatun tukusparaqmi atiyniyuqkunatapas desprecianku, nitaqmi manchakunkuchu hanaq pachapi atiyniyuqkunatapas.

2~Pedro 2:10 Iomraidhean Croise

Génesis 49:6

Huñunakuyninkumanpas manam yaykuymanchu, paykunawanqa espirituypas manam hukllawakunmanchu. Piñakuyninkupim runata wañuchirqaku, caprichakuspankum toropa ankunta kuchurqaku.

2~Samuel 20:1

Gilgal llaqtapim huk mana allin runa tarikurqa, paymi karqa Benjamín ayllumanta Bicripa churin Seba. Paymi trompetata tocaspan qaparirqa: Israel runakuna ¡Davidwanqa manam ima ruwananchikpas kanñachu, Isaipa churinwanqa manam herenciapas rakinakunanchikpaq kanñachu! ¡Wasikichikman sapakama ripukusunchik! nispa.

1~Reyes 12:16

Mañakuyninkuta reypa mana kasusqanta qawaykuspankum Israelpa mirayninkuna nirqaku: ¡Davidwanqa manam imapas ruwananchik kanñachu! ¡Isaipa churinwanqa manam ima herencianchikpas kanchu! ¡Israelpa mirayninkuna sapakama wasikichikman kutikuychik! ¡Davidqa ayllullanpi munaychakuchun! nispanku. Hinaspam Israelpa mirayninkunaqa sapakama wasinkuman kutikurqaku.

Éxodo 22:28

Amam Diospa contranpi mana allintaqa rimankichu, nitaqmi kamachikuqkunatapas ñakankichu.

Eclesiastés 10:20

Reymantaqa amayá sonqollaykipipas mana allintaqa tanteaychu, apumantaqa amayá sapallaykipipas mana allintaqa rimaychu, yanqañataq rimasqaykita uyarispa alton pawaq urpikuna willaykamunmanku.

Jeremías 2:31

¡Yaw, kunan miraykuna! Ñoqa Tayta Diospa nisqayta uyariychik: ¿Chunniq allpachu qamkunapaq karqani? ¿Mana imapa kanan tutayaq allpachu qamkunapaq karqani? ¿Imanasqataq niwankichik: Manam qanmanqa asuykamusaykikuñachu, munasqaykuman hinañam kawsakusaqku, nispaqa?

Números 15:30

Israelpa miraynin kaspapas otaq huklaw llaqtayuq kaspapas yachastin huchallikuqqa ñoqa Tayta Diostam insultawachkan, chayna runaqa llaqtamanta chinkachisqam kanqa.

Lucas 11:25

Chayaruspanñataqmi sumaq pichasqata hinaspa allichasqata tariykun.

Lucas 19:14

Ichaqa llaqtamasinkunam payta cheqnispanku qepallanta huk comisionta pasachirqaku kaynata nimunankupaq: “Manam munanikuchu chay runa reyniyku kanantaqa”, nispanku.

Hechos 23:5

Pabloñataqmi nirqa: Wawqellaykuna, manam ñoqaqa ya-charqanichu sumo sacerdote kasqantaqa. Chuya Qellqapim nichkan: “Amam llaqtaykipi kamachikuqtaqa ñakankichu”, nispa.

Romanos 8:1

Chaynaqa, haykam Cristo Jesuswan hukllaña kaqkunapaqqa manañam ima condenacionpas kanñachu. Paykunaqa manañam aychaman hinañachu kawsanku, aswanqa Espirituman hinañam.

1~Corintios 6:9

¿Manachu yachankichik Diospa munaychakuyninmanqa mana allin ruwaqkunaqa mana yaykunanta? Amayá engañakuychikchu: Diospa munaychakuyninmanqa manam yaykunqachu huchapakuypi puriqkunaqa, ídolo yupaychaqkunaqa, waqllikuqkunaqa, nitaq warmiwan hina qarimasinwan kaqkunaqa,

2~Corintios 10:3

Aychapiraq kawsaspapas manam aychaman hinachu ñoqaykuqa peleachkaniku.

Efesios 4:19

Paykunaqa manaña penqakuq rikuriruspankum tukuy imaymana qanra kawsayllapi purikuchkanku, millakuypaq kaqkunata ruwaspankum aswan-aswanraq chayna kawsayta munachkanku.

Efesios 5:5

Kaytayá yachaychik: Pipas huchapakuqkunaqa, millakuypaq hucha ruwaqkunaqa hinaspa idolokuna yupaychaq hina qollqella kuyaqkunapas, Cristopa hinaspa Diospa munaychakusqanmanqa manam yaykunqachu.

Colosenses 3:5

Chaynaqa, aychapa mana allin ruway munayninkunatayá wañuchiychik: Amayá huchapakuychikchu, amayá millakuypaq kaqkunataqa ruwaychikchu, amayá mana allin munaywanqa aysachikuychikchu nitaq intuchikuychikchu, amataqyá qollqella kuyaqqa kaychikchu, (qollqe kuyayqa idolokuna yupaychay hinam).

1~Tesalonicenses 4:7

Diosqa manam millakuypaq hucha ruwaypi purinapaqchu qayawarqanchik, aswanqa payllapaqña kawsanapaqmi.

2~Timoteo 3:2

Runakunam kanqaku kikillanpaq munaqkuna, qollqella kuyaqkuna, hatun tukuqkuna, Dios insultaqkuna, mama-taytanku mana kasukuqkuna, mana reqsikuqkuna, huchallapi purikuqkuna,

Tito 1:7

Iglesiapi nanachikuq ancianoqa Diospa mayordomon kasqanraykum kanan: Mana pipapas anyanan, mana hatun tukuq, mana piñakuq, upyaypi mana purikuq, mana piwanpas peleakuq, mana qollqella kuyaq.

Hebreos 13:4

Casado kayqa llapallanpa respetasqanyá kachun, respetasqataqyá kachun camankupas. Waqllikuqkunatawan hucha-pakuqkunatam ichaqa Dios juzganqa.

2~Pedro 3:3

Tukuymanta llalliriqtaqa kaytayá yachaychik: Qepa punchawkunatam hamunqaku burlakuqkuna hinaspa aychankupa munasqallanpi purikuq runakuna,

Judas 1:10

Chay runakunam ichaqa mana reqsisqankunatapas ñakaykarinku. Mana entiendekuq animalkuna hinam munasqankuta ruwanku kikinkupa mana allinninkupaq.

Judas 1:16

Paykunaqa runamasinpa qepan-pim rimanku, quejakuspallam purinku, kikillankupa munasqankuman hinam purinku, hatun tukuspankuraqmi rimankupas, hinaspam runakunata alabanku imatapas paykunamanta chaskirunankurayku.

Judas 1:18

Paykunam kaynata nisurqankichik: Qepa punchawkunatam kanqa burlakuspa aychankupa munayninman hina tukuy rikchaq huchapi puriq runakuna.

Judas 1:4

Wakin ru-nakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.

1~Samuel 10:27

Ichaqa mana allin runakunam Saulta kamispa nirqaku: ¿Imaynataqsi kay runaqa salvawasunchik? nispankum despreciarqaku, hinaspam ima regalollatapas mana aparqakuchu, Saulmi ichaqa mana uyariqpas tukurqachu.