2~Pedro 1:13 - CHUYA QELLQA La Biblia en Quechua de Ayacucho 2012

¹³ Kawsanaykamaqa deberniymi kaykunamanta qamkunata rimapayaspa qaqchanay.

Quechua Ayacucho Bible 1987

¹³ Allinpaqmi creeni kawsachkaspayraqqa kaykunamanta yuyariykachiyta.

Chuya Qellqa 1992

¹³ Kawsanaykamaqa deberniymi kaykunamanta qamkunata rimapayaspa qaqchanay.

2~Pedro 1:13 Iomraidhean Croise

Isaías 38:12

Michiqkunapa hatusninta hinam vidayta qechuruwanku, awaqpa awasqan tela hinam vidayqa karqa, ichaqa telarmanta kuchuruchkaq hinam kuchuruwanki, tuta punchawmi vidallayta tukurunki.

Hageo 1:14

Chaynatam Tayta Dios kallpancharqa, Judapi kamachikuq Salatielpa churin Zorobabeltawan Josadacpa churin sumo sacerdote Josueyta, kallpancharqataqmi puchuq runakunatapas. Hinaptinmi paykuna qallaykurqaku Tukuy Atiyniyuq Tayta Diosninkupa templon ruwayta.

2~Corintios 5:8

Ichaqa confiakuspam kachkanchik, maynatachá munachwan cuerponchikta saqeruspa Señorwanña kawsakuyta.

Filipenses 1:7

Qamkunamanta kayna piensayniyqa allinmi, qamkunatam sonqoypi apay-kichik. Carcelpi kaptiypas, autoridadkunapa qayllanpi kaspay, allin noticiata willakusqay cheqap kasqanmanta valechiptiypas, ñoqawan kaspam yanapawarqankichik, chaywanmi Diospa kuyakuyninta qawaykachiwarqankichik.

Filipenses 3:10

Cristotam reqsiykuyta munachkani chaynataq kawsarimusqanpa atiynintapas, ñakarisqanman hina ñakarinaypaq, wañukuspaypas payman rikchakuq kanaypaq,

2~Timoteo 1:6

Chayraykum nimuyki, makiyta hawaykiman churaykuspay Diosta mañakuptiy rawrachkaq ninata hina atiy chaskisqaykitayá astawan ruparichiy.

Hebreos 13:3

Presokunamantayá yuyariychik, imay-nam qamkunapas paykunawan preso kachkawaqchikpas hina. Ñakariqkuna-mantapas yuyariychikyá imaynam qamkunapas ñakarichkawaqchik hina.

2~Pedro 1:12

Chayraykum kaykunamantaqa sapa kutilla yuyachisqaykichik, ya-chachkaptikichikñapas hinaspa cheqap kaqpi allinta sayachkaptikichikñapas.

2~Pedro 1:14

Señorninchik Jesucristoqa ñam chaylla wañukunaymanta niykuwanña.

2~Pedro 3:1

Kuyasqay wawqe-panillaykuna, kaywanqa iskay cartatañam apachimuykichik, kay cartakunawanmi allin tanteoyuq kanaykichikpaq kallpanchamuykichik.