2~Pedro 1:12 - CHUYA QELLQA La Biblia en Quechua de Ayacucho 2012

¹² Chayraykum kaykunamantaqa sapa kutilla yuyachisqaykichik, ya-chachkaptikichikñapas hinaspa cheqap kaqpi allinta sayachkaptikichikñapas.

Quechua Ayacucho Bible 1987

¹² Chayraykum chaykunataqa yuyachichkasqaykichik yachachkaptikichikpas hinaspa cheqappi qaqa hina sayachkaptikichikpas.

Chuya Qellqa 1992

¹² Chayraykum kaykunamantaqa sapa kutilla yuyachisqaykichik, yachachkaptikichikñapas hinaspa cheqap kaqpi allinta sayachkaptikichikñapas.

2~Pedro 1:12 Iomraidhean Croise

Hechos 16:5

Chaynapim iñiqkuna aswan-aswan kallpanchakurqaku, sapa punchaw iñikuptinkum llapa iñiqkuna achkanpi mirarqaku.

Filipenses 3:1

Chaynaqa, wawqe-panillaykuna, Señorninchikpiyá kusikuychik. Ñoqapaqqa manam sasachu ñawpaq nimusqaykunata huktawan qellqa-muyniyqa.

Colosenses 1:5

chaytaqa ruwachkankichik hanaq pachapi churasqa premioykichikraykum, chaymantaqa cheqap allin noticia palabrantakamam uyarirqankichikña.

Colosenses 2:7

Paypi sapinchasqayá allinta takyaychik, yachachisqa kasqaykichikman hinayá iñiypi kallpachakuychik, Diosman graciasta qospa.

1~Timoteo 4:6

Sichum kaykunata wawqe-panin-chikkunaman yachachispaykiqa, Jesu-cristopa allin serviqnin hinaspa iñisqanchik palabrakunapi allin yachayniyuqmi kanki, chay yachasqaykitam allinta qatichkanki.

2~Timoteo 1:6

Chayraykum nimuyki, makiyta hawaykiman churaykuspay Diosta mañakuptiy rawrachkaq ninata hina atiy chaskisqaykitayá astawan ruparichiy.

Hebreos 10:32

Achkiy chaskisqaykichik punchawkunatayá yuyariychik, chay punchawkunapiqa llumpayta ñakarichkaspapas kallpancha-kuspam allinta sayarqankichik.

Hebreos 13:9

Tukuy rikchaqmana uyarisqaykichik rikurimuq yachachikuykunawanqa amayá apachikuychikchu. Diospa kuyakuyllanwan sonqoykichik takyachiymi allinqa kanman. Mikuykunallaqa manam haykapipas kallpancharqachu haykam leyman hina hapipakuqkunataqa.

1~Pedro 5:10

Pisi tiempollapas chaykunata ñakariruptikichikqa kikin Diosmi mana chikan huchayuq kayman chayachisunkichik, qaqa hina sayaqta, kallpayuqta hinaspa allin takyaqta. Tukuy imapi yanapawaqninchik Diosmi Cristontakama qayaykuwanchik wiña-wiñaypaq kancharichkaq herenciata chaskinanchikpaq.

1~Pedro 5:12

Iñiypi wawqeypaq hapisqay Silva-nowanmi asllapi qellqamusqay cartata apachimuykichik, kallpanchamuspaymi Diospa cheqap kuyakuyninmanta rimapayamuykichik, chaypi qaqa hina sayanaykichikpaq.

2~Pedro 1:13

Kawsanaykamaqa deberniymi kaykunamanta qamkunata rimapayaspa qaqchanay.

2~Pedro 1:15

Kallpanchakuspaymi ruwasaq, wañukuptiypas kay rimarisqakunamanta mana qonqaspa yuyarinaykichikpaq.

2~Pedro 3:1

Kuyasqay wawqe-panillaykuna, kaywanqa iskay cartatañam apachimuykichik, kay cartakunawanmi allin tanteoyuq kanaykichikpaq kallpanchamuykichik.

2~Pedro 3:17

Kuyasqay wawqe-panillaykuna, ñawpaqmantaraq kaykunata yachach-kaspaqa cuidakuychikyá mana allin runakuna pantachisunaykichikmanta, chaynapi qaqa hina sayasqaykichikmanta ama wichirunaykichikpaq.

1~Juan 2:21

Qellqamuchkaykichikqa manam cheqap kaqkunata mana yachasqaykichikraykuchu, aswanqa reqsisqaykichikraykum, yachas-qanchikpi hinapas llulla kaqkunaqa manam cheqapmantachu hamun.

2~Juan 1:2

Kuyaykikuqa ñoqanchikpi cheqap kaq takyasqanraykum, chayqa wiña-wiñaypaqmi ñoqanchikwan kanqa.

Judas 1:17

Kuyasqay wawqe-panillaykuna, Señorninchik Jesucristopa apostol-ninkunapa ñawpaqmantaraq kaykuna nisusqaykichiktayá yuyariychik.

Judas 1:3

Kuyasqallaykuna, maynatam munarqani salvación chaskisqanchikmanta qellqamuyta. Kunanmi ichaqa necesario kasqanrayku qellqamuykichik: Qamkunatam kallpanchamuykichik iñiy chaskisqanchikta allinta nanachikunaykichikpaq, chay iñiytaqa Diosmi huk kutillata chuya llaqtanman wiñaypaq qowarqanchik.

Judas 1:5

Yachachkaptikichikpas yuyarichiytam munachkani, Egiptomantam Israel runakunata Señor hurqomurqa, Diospi mana creeqkunatañataqmi wañurachirqa.