2~Juan 1:4 - CHUYA QELLQA La Biblia en Quechua de Ayacucho 2012

⁴ Wakin wawaykikunatam tariramuni, imaynam Dios Taytanchikpa kamachikuynin chaskisqanchikman hina cheqap kaqpi kawsachkaqta, chaymi llumpay kusisqa kachkani.

Quechua Ayacucho Bible 1987

⁴ Wakin wawaykikunawanmi tuparurqani. Paykunaqa cheqap kaqpim kawsachkasqaku Dios Taytanchikpa kamachiwasqanchikta kasukuspanku chaymi llumpayta kusikurqani.

Chuya Qellqa 1992

⁴ Wakin wawaykikunatam tariramuni, imaynam Dios Taytanchikpa kamachikuynin chaskisqanchikman hina cheqap kaqpi kawsachkaqta, chaymi llumpay kusisqa kachkani.

2~Juan 1:4 Iomraidhean Croise

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Malaquías 2:6

Paykunaqa cheqap kaqtam yachachirqaku, siminkupiqa manam llullakuypas karqachu. Allinta ñoqawan kawsakuspankum achkaqta huchamantapas karuncharqaku.

1~Corintios 13:6

manataqmi kusikunchu hukpa huchankunamantapas, aswanqa cheqap kaqmantam kusikun.

Gálatas 2:14

Cheqap allin noticiaman hina mana kawsasqankuta qawaspaymi llapa iñiqkunapa qayllanpi Pedrota nirqani: ¿Qamqa judío kachkaspaykichu huklaw runakuna hinaraq kawsachkanki? hinaspaykiqa, ¿imanasqamá huklaw runakunataqa judío hina kawsanankupaqqa hikutachkanki? nispa.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Efesios 5:8

Ñawpaqtaqa tutayaypim purirqankichik, kunanmi ichaqa Señorwan hukllaña kasqaykichikrayku achkiypiña kawsachkankichik, chaynaqa achkiypa churinkuna hinayá kawsaychik.

Filipenses 4:10

Llumpayta kusikuspaymi Señorta yupaychachkani yanapawaspaykichik huktawan yuyariwasqaykichikmanta. Kaynata nispayqa piensachkani manam qonqaruwasqaykichiktañachu, aswanqa yanapaykuwanaykichikpaq mana ima ruway atisqaykichiktam.

1~Juan 2:6

“Dioswanmi hukllaña kachkani” niqqa Jesucristopa kawsasqanman hinam purinan.