2~Juan 1:3 - CHUYA QELLQA La Biblia en Quechua de Ayacucho 2012

³ Dios Taytanchikpa hinaspa Dios Taytapa churin Jesucristoyá kuyakuyninman hina, llakipakuyninta, hawkayayninta, cheqap kayninta hinaspa kuyakuyninta qamkunaman chaqchurimusunkichik.

Quechua Ayacucho Bible 1987

³ Dios Taytanchiktam Churin Jesucristotawan mañakuchkani cheqaptapuni kuyasuspaykichik llakipayarikusunaykichikpaq hinaspa hawkallata kawsachisunaykichikpaq.

Chuya Qellqa 1992

³ Dios Taytanchikpa hinaspa Dios Taytapa churin Jesucristoyá kuyakuyninman hina, llakipakuyninta, hawkayayninta, cheqap kayninta hinaspa kuyakuyninta qamkunaman chaqchurimusunkichik.

2~Juan 1:3 Iomraidhean Croise

Zacarías 8:19

Tawa kaq killapi, pichqa kaq killapi, qanchis kaq killapi hinaspa chunka kaq killapi ayuno ruwasqaykichikmi kusikuymanña tikrakunqa, Judá nacionpaqmi hatun kusikuy fiestamanña tikrakunqa. Chaynaqa, cheqap kaqtawan hawka kawsakuyta kuyaychik, nispa.

Romanos 1:7

Chaymi Roma llaqtapi Diospa kuyasqankunaman qellqamuykichik, Diosmi kuyasunkichik, hinaspam payllapaqña kawsanaykichikpaq qayasurqankichik. Dios Taytanchikpa chaynataq Señorninchik Jesucristopa kuyakuyninwan hawkayayninyá qamkunawan kachun.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

1~Timoteo 1:14

Señorninchikmi kuyakuyninta ñoqaman achkanpi chaqchurimuwarqa hinaspam Jesucristopi kaq iñiytawan kuyakuyta qoykuwarqa.

1~Timoteo 1:2

Kuyasqay Timoteo rimaykamuykim, qamqa iñiypi cheqap churiymi kanki. Dios Taytanchikwan Señorninchik Jesucristoyá kuyakuynintawan hawkayayninta qampa hawaykiman chaqchurimuchun.

2~Timoteo 1:13

Ñoqamanta allin yachachikuy chaskisqaykiman hinayá iñiypi Cristo Jesuspa kuyakuyninpi kawsay.

1~Juan 4:10

Cheqap kuyakuyqa kaynam: Manam ñoqanchikchu Diostaqa kuyarqanchik, aswanqa paymi ñoqanchikta kuyawaspanchik sapallan Churinta kachamurqa rantinchikpi wañunanpaq, chaynapi huchanchikkuna pampachasqa kananpaq.

2~Juan 1:1

Ñoqa ancianom, Diospa akllasqan señoramanwan wawankunaman qellqamuykichik. Qamkunataqa cheqaptam kuyaykichik, manataqmi ñoqallachu aswanqa haykam cheqap kaq reqsiqkunapiwanmi.