2~Juan 1:12 - CHUYA QELLQA La Biblia en Quechua de Ayacucho 2012

¹² Achkam qamkunaman qellqamunay kachkan, ichaqa manam cartallawanqa lliwtaqa nimuykichikmanchu, chaymi piensachkani watukamuspayña qamkunawan rimayta, chaynapi anchata kusikunanchikpaq.

Quechua Ayacucho Bible 1987

¹² Achkam qamkunaman imapas ninay kachkan, ichaqa manam cartallawanqa lliwtaqa nimuykichikmanchu chaymi piensachkani watukamuspayña qamkunawan parlaykuyta chaynapi anchata kusikunanchikpaq.

Chuya Qellqa 1992

¹² Achkam qamkunaman qellqamunay kachkan, ichaqa manam cartallawanqa lliwtaqa nimuykichikmanchu, chaymi piensachkani watukamuspayña qamkunawan rimayta, chaynapi anchata kusikunanchikpaq.

2~Juan 1:12 Iomraidhean Croise

Números 12:8

Paywanqa uya-uyapuram imam kaqta rimasaq, manam rikchanachiykunawanchu, chaynaqa ñoqa Tayta Diosta rikuwachkaptinqa, ¿imanasqamá manaqa manchakurqankichikchu serviqniy Moisespa contranpi rimaytaqa? nispa.

Juan 15:11

Kaykunataqa nikichik kusikuyniy qamkunapi kananpaqmi, chaynapi kusikuynikichik qespisqa kananpaq.

Juan 16:12

Achkaraqmi qamkunaman ninay kachkan, ichaqa manaraqmi entien-dewaqchikchu.

Juan 16:24

Kunankamam sutiypiqa manaraq imatapas mañakurqankichikchu. Mañakuychikyá hinaspaqa chaskinkichikmi, chaynapim kusikuynikichik qespisqa kanqa.

Juan 17:13

Kunanqa qampa kasqaykimanmi hamuchkaniña. Kay pachapiraqmi nichkani kaykunataqa ñoqapa kusikuyniywan huntasqa kanankupaq.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Romanos 15:24

Españaman rispay pasadallapas watukuykuyta munachkani, chaynapi pisi tiempollapas qamkunawan kusirikuptiy illasqaypi yanapaykuwanaykichikpaq.

2~Timoteo 1:4

Waqasqaykita yuyarispaymi qanwan tupaykuyta munani, chaynapi llumpay kusikuyta tarinaypaq.

Filemón 1:22

Chaynaqa, hamuspay samaykunaypaqyá wasikita allichaykapuwachkay, Dios mañakusqaykichikman hinam huktawan qamkunaman watukuq hamuyta munachkani.

Hebreos 13:19

Tukuy-manta llalliqtaqa qamkunaman chaylla kutichimuwananpaqyá Diosta mañakuychik.

Hebreos 13:23

Yachaychikyá, wawqenchik Timoteoqa ñam carcelmanta lloqsirunña, chaylla hamuptinqa paywan kuskam qawaykuqnikichik hamusaq.

1~Juan 1:4

Kaykunatam qellqamuykiku kusikuynikichik qespichisqa kanapaq.

3~Juan 1:10

Chaymi rispay paytaqa contraykupi imaymana rimasqanmanta qaqchasaq. Rimasqanwanpas mana sonqon tiyaptinmi watukamusuqnikichik wawqekunatapas mana chaskinchu, hinaspam samaykachiy munaqkunatapas harkakuspan iglesiamanta qarqon.