2~Corintios 9:7 - CHUYA QELLQA La Biblia en Quechua de Ayacucho 2012

⁷ Sapakamayá sonqonpi tanteasqanman hina qochun, amayá llakikuspachu nitaq obligasqa hinachu, Diosqa kusikuywan qoqtam kuyan.

Quechua Ayacucho Bible 1987

⁷ Sapakamayá qochun sonqonpi tanteasqanman hina, ama llakikuspachu nitaq obligasqachu, Diosqa kuyan kusikuywan qoqtam.

Chuya Qellqa 1992

⁷ Sapakamayá sonqonpi tanteasqanman hina qochun, amayá llakikuspachu nitaq obligasqa hinachu, Diosqa kusikuywan qoqtam kuyan.

2~Corintios 9:7 Iomraidhean Croise

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

1~Crónicas 29:9

Chay qosqankuwanmi llapa runakuna kusikurqaku, tukuy sonqomanta Tayta Diosman qosqankurayku, rey Davidpas anchatam kusikurqa.

Éxodo 25:2

Ofrendakunata apamuwanankupaq Israelpa mirayninkunata niy. Haykam voluntadwan chaynataq sonqomanta apamusqankutam chaskinkichik.

Éxodo 35:5

Tayta Diospaq ofrendata huñuychik, tukuy sonqomantam Señorpaq apamunkichik: Qorita, qollqeta, bronceta,

Proverbios 11:25

Kuyakuywan qokuykuq runaqa tukuy imayuqmi kanqa, runamasinman mikuykachiq runaqa saksachisqam kanqa.

Proverbios 22:9

Runamasinta llakipayaq runaqa, wakchakunaman mikuykachisqanraykum bendecisqa kanqa.

Isaías 32:5

Millay runataqa manañam “allin runam payqa” ninqakuñachu, yanqa rimaq runataq manañam “allin reqsisqa runam payqa” ninqakuñachu.

Isaías 32:8

Allin runam ichaqa allinkunallata ruwan, chayraykum payqa hapipakunapaq hina.

Hechos 20:35

Qamkunatapas yachachirqaykichikmi ñoqa hina llamkaspa wakchakunata yanapanaykichikpaq. Amayá qonqaychikchu Señor Jesucristopa nisqanta, paymi nirqa: “Chaskispa kusikuymantaqa, qospa kusikuymi aswan allinqa”, nispa.

Romanos 12:8

Kallpanchanapaq qowaptinchikqa, kallpanchasunyá, imallapas qokuykuq kayta qowaptinchikqa, qokuykuqyá kasun, kamachikuq kanapaq qowaptinchikqa, llampu sonqowanyá kamachikusun, llakipayakuq kayta qowaptinchikqa kusikuywanyá yanapaykusun.

2~Corintios 8:12

Pipas cheqapta qoyta munaptinqa, kapuqninman hina qosqan ofrendatam Diosqa chaskinqa. Diosqa manam mañanchu mana kapuqniyuqmantaqa.

Deuteronomio 15:14

Aswanqa animalnikichikmantam, cosechaykichikmantam chaynataq vinoykichikmantam qoykunkichik. Señornikichik Tayta Diospa tukuy qosusqaykichiktam rakiykunkichik.

Filemón 1:14

Ichaqa manam imatapas ruwaymanchu mana simikiwanqa, chaynapi allin ruwasqaykiqa mana obligasqa kaspa sonqoykimanta kananpaq.

Santiago 5:9

Wawqe-panillaykuna, amayá qamkunaqa quejanakuychikchu, chaynapi ama castigasqa kanaykichikpaq, punkupi hinallañam juzgawaqninchikqa kachkan.

1~Pedro 4:9

Ama murmuranakuspa wasikichikpipas samaykachinakuychik.