2~Corintios 8:9 - CHUYA QELLQA La Biblia en Quechua de Ayacucho 2012

⁹ Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

Quechua Ayacucho Bible 1987

⁹ Qamkunaqa yachankichikñam Señorninchik Jesucristopa favorecewasqanchikta. Payqa apu kachkaspam wakchayarurqa qamkunata kuyasuspaykichik, chaynapi wakcha kayninwan qamkuna apu kanaykichikpaq.

Chuya Qellqa 1992

⁹ Qamkunaqa yachankichikñam Señorninchik Jesucristopa kuyawasqanchikta. Payqa apu kachkaspam qamkunata kuyasusqaykichikrayku wakchayarurqa, chaynapi wakcha kayninwan qamkuna apu kanaykichikpaq.

2~Corintios 8:9 Iomraidhean Croise

Isaías 53:2

Serviqninmi chaki allpapi sapichakuq plantapa ikllipan hina Diospa qayllanpi wiñanqa. Rikchayninpas sumaq kayninpas manam kuyayllapaqñachu karqa, qawariptinchikqa rikchayninpas manam munayllapaqñachu karqa, chaynapi kuyananchikpaq.

Isaías 62:1

Sión llaqtata kuyasqayraykum mana upallasaqchu, Jerusalenta kuyasqayraykum mana samaykusaqchu, tutapay inti hina allin ruwaykuna kancharinankama, ratachkaq mechero hina salvasqa kayniki achkrinankama.

Isaías 65:8

Tayta Diosmi kaynata nin: Runam yakusapa uvasta tarispa nin: “Ama kaytaqa usuchisunchu, kachkanraqmi yakun”, nispa. Chaynatam ñoqapas serviqniykunata kuyasqayrayku ruwasaq, paykunataqa manam pasaypaqtachu chinkachisaq.

Mateo 17:27

Ichaqa ama pitapas piñachinanchikpaqyá lamar qochaman rispa anzuelota chamqamuy, hinaspam punta challwa hapisqaykipa siminta kicharuspa huk qollqeta tarinki, chaytam iskayninchikmanta pagaykamunki, nispa.

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Mateo 8:20

Jesusñataqmi nirqa: Atoqkunapapas kanmi machaynin, alton pawaq urpikunapapas kanmi qesan, runapa Churinpam ichaqa maypim umanta samaykachinallanpaqpas mana kanchu, nispa.

Marcos 6:3

¿Manachum kay runaqa Mariapa wawan carpintero? ¿Manachum wawqenkunapas Jacobowan, José, Judas hinaspa Simón? ¿Manachum paninkunapas ñoqanchikwan kachkanku? nispanku. Chaynata nispankum Jesusta mana kaqpaqpas hapirqakuchu.

Lucas 16:11

Sichum mana allinkunamanta chaskisqaykichik qori-qollqeta mana allinta nanachikuptikichikqa, ¿pitaq cheqap kaqtaqa confiasunkichikman?

Lucas 2:7

hinaptinmi piwi qari wawanta wachakururqa, hinaspanmi pañalkunawan maytuykuspan animalman qarana artesapi siriykachirqa. Chaynataqa ruwarqa samapakuna wasipi manaña sitio kasqanraykum.

Lucas 8:3

Herodespa mayordomon Chuzapa warmin Juana hinaspa Susana; chaynallataq kapuqninkuwan yanapaqnin warmikunapas.

Lucas 9:58

Jesusñataqmi nirqa: Atoqkunapapas kanmi machayninku, alton pawaq urpikunapapas kanmi qesanku, runapa Churinpam ichaqa maypim umallantaña samaykachinanpaqpas mana kanchu, nispa.

Juan 1:10

Kay pachapim karqa, kay pachapas paynintakama unanchasqam karqa, runakunam ichaqa mana reqsirqakuchu.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 1:17

Leyqa Moisesnintakamam qomusqa karqa, kuyakuywan cheqap kaqmi ichaqa Jesucristontakama hamuwarqanchik.

Juan 12:30

Jesusñataqmi nirqa: Kay qayakuytaqa uyarirunkichik manam ñoqaraykuchu aswanqa qamkunaraykum.

Juan 16:15

Taytapa kaqkunaqa ñoqapam, chayraykum nirqaykichik: “Espirituqa ñoqamanta chaskisqantam qamkunaman willasunkichik, nispay”.

Juan 17:19

Paykunaraykum kikiypuni chuyanchakuni, chaynapi paykunapas cheqap palabraykiwan chuyanchakunankupaq.

Romanos 11:12

Chaynaqa, judiokunapa pantayman wichisqanku llapa runakunapa allinninpaq hinaspa mana judiokunapa allinninpaq kachkaptinqa, ¡mayna allinraq kanqa judiokuna Diosman huktawan kutirikuyninkuqa!

Romanos 15:3

Cristopunipas manam kikillanpaq munaqchu karqa, Qellqapipas kaynatam nin: “Diosnilláy, kamiqnikikunapa kamikuyninmi ñoqaman wichiykuwarqa”, nispa.

Romanos 5:8

Diosmi ichaqa kuyakuyninta qawachiwanchik huchasapa kachkaptinchikpas ñoqanchikrayku Cristo wañupuwas-qanchikwan.

Romanos 8:32

Sichum Diosqa kikinpa Churintapunipas rantinchikpi wañunanpaq qowachkaspanchikqa, ¿manachum Churintawan kuskata tukuy imatapas mana imallapaq qowasunchik?

1~Corintios 1:4

Tukuy tiempom qamkunamanta Diosman graciasta qoni, Jesucristontakama kuyakuyninta Dios qosusqaykichikmanta.

1~Corintios 15:47

Punta kaq runaqa kay pachamantam karqa allpamanta ruwasqa, qepa kaq runam ichaqa hanaq pachamanta hamurqa, payqa Señormi.

2~Corintios 13:14

Chaynaqa, Señor Jesucristopa kuyakuyninwan, Dios Taytapa kuyapayakuyninyá hinaspa Chuya Espiritupa kallpanchakuyninyá llapallaykichikwan kachun.

2~Corintios 6:10

Llakisqallaña kaspapas llumpay kusisqam kaniku, wakcha kaspapas achkaqtam apuyachiniku, mana imayuq kachkaptiykupas tukuy imaykum kapuwachkanku.

Efesios 2:7

Chaynataqa ruwarqa ancha-ancha kuyakuq kasqanta hinaspa maynatam kuyawasqanchikta Cristo Jesuswan hamuq tiempokunapi qawachikunanpaqmi.

Efesios 3:19

Mañakuchkanitaqmi imawanpas mana tupachiy atina Cristopa kuyakuyninta yachanaykichikpaqpas, chaynapi Dioswan huntasqa kanaykichikpaq.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Colosenses 1:24

Kunanqa llumpaytam kusikuni qamkunarayku ñakarisqaywan, chaynapim llapa iñiqkunarayku Cristopa ñakarisqanta kikiypa cuerpoypiña tukupachkani, llapa iñiqkunaqa Cristopa cuerponmi.

1~Timoteo 6:18

Allin kaqkuna ruwanankupaq kamachiy, allinkuna ruwayninyá apu kayninkuqa kachun, kuyakuywan imallankupas qokuykuqyá kachunku.

Hebreos 1:2

Kay tukupay punchawkunapiñataqmi Chu-rintakamaña rimapayawarqanchik. Pay-tam Dios churarqa tukuy ima herencia chaskiq kananpaq. Paywantaqmi hanaq pachatawan kay pachatapas unancharqa.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.

Apocalipsis 21:7

Pipas venceqqa tukuy kaykunatam herenciapaq chaskinqa, ñoqam Diosnin kasaq, payñataqmi churiy kanqa.

Apocalipsis 3:18

Chaynaqa, ñoqam consejayki ninapi chuyanchasqa qorita rantiwaspayki cheqapta apu kanaykipaq, yuraq pachatapas rantiway penqaynikita tapakunaykipaq, rantiwaytaqyá coliriotapas ñawikiman sutuchispa allinta qawakunaykipaq.