2~Corintios 8:7 - CHUYA QELLQA La Biblia en Quechua de Ayacucho 2012

⁷ Qamkunaqa lliwpim masyankichik: Iñiypi, yachachiypi, yachayniyuq kaypi, allin ruwaypi hinaspa ñoqayku kuyawaykupipas, chaynaqa kuyakuy ofrenda qoypipas masyaychikyá.

Quechua Ayacucho Bible 1987

⁷ Qamkunaqa lliwpim masyankichik, masyankichikmá iñiypipas, sumaq yachachiypipas, yachayniyoq kaypipas, allin ruray munaypipas hinaspa ñoqayku kuyawaykupipas, chaynaqa masyaychikyá kuyakuy ofrenda qoypipas.

Chuya Qellqa 1992

⁷ Qamkunaqa lliwpim masyankichik: Iñiypi, yachachiypi, yachayniyuq kaypi, allin ruwaypi hinaspa ñoqayku kuyawaykupipas, chaynaqa kuyakuy ofrenda qoypipas masyaychikyá.

2~Corintios 8:7 Iomraidhean Croise

Mateo 25:22

Iskay wayqa qollqeta chaskiqpas chayaramuspanmi nirqa: “Señor, iskay wayqallatam qowarqanki, kay iskay wayqatawanmi mirarachimuni”, nispa.

Romanos 15:14

Wawqe-panillaykuna, ñoqaqa yachanim qamkunaqa allin runakuna kasqaykichikta hinaspa allin yachaypa huntasqan kasqaykichikta, chaywan allin consejokunata qonakunaykichikpaq.

1~Corintios 1:5

Cristowan huklla kasqaykichikraykum Dios yanapasurqankichik allinta rimanaykichikpaq hinaspa allin yachayniyuq kanaykichikpaq.

1~Corintios 12:13

Llapallanchikmi judiopas, griegopas, esclavopas hinaspa librepas chulla Espiritullawan bautizasqa karqanchik, chaynapi huk cuerpollaña kananchikpaq, huk Espiritullatataqmi chaskirqanchikpas.

1~Corintios 12:8

Espirituntakamam wakinman atiyta qon yachaywan rima-nanpaq, wakinmanñataq yuyaywan rima-nanpaq.

1~Corintios 13:2

Sichum profetizayman, pakasqa kaqkunatawan, reqsiymantaq tukuy rikchaq yachaykunatapas chaynataq iñiyniypas kanman orqokunata maymi kasqanmanta suchuchinaypaq, mana kuyakuyniy kaptinqa manam imapaqpas valenichu.

1~Corintios 13:8

Kuyakuyqa wiñaypaqmi, profeciakunam ichaqa tukunqa, mana reqsisqanchik rimaypi rimaykunapas tukunqam, yachaypas manañam kanqañachu.

1~Corintios 14:12

Chaynaqa, qamkunapas Diospa atiyninta aswan más chaskiyta munaspaqa, llapanmanta llalliqtaqa iñiqkuna wiñachiytayá maskaychik.

1~Corintios 4:7

Chaynaqa, ¿pitaq wakinmanta allin reqsisqa kanaykipaq ruwasurqanki? ¿Imataq Diospa mana qosusqayki? Pay qochkasuptikiqa, ¿imanasqataq mana chaskiq hinaqa alabakunki?

2~Corintios 7:7

Manam paypa chayamusqallanwanchu kusikurqanikuqa, aswanqa Titotapas kallpanchasqaykichikwanmi. Paymi qamkunapa kuyawasqaykichikmanta chaynataq llakikuspa rikuykuy munawasqaykichikmanta willawarqa. Chaykunata yachaykuspaymi aswanraq kusikurqani.

2~Corintios 8:6

Chaymi Titota ruegarqaniku imaynam qallarisqanman hina chay kuyakuy ofrendata qamkuna ukupi huñuyta tukumunanpaq.

2~Corintios 9:14

Chaynataqmi paykunaqa tukuy kuyakuywan qamkunapaq Diosta mañakunqaku, hatun kuyakuyninta qamkunaman qawachisusqaykichikmanta.

2~Corintios 9:8

Diosqa mirayniyuqtam mana imaykichikpas pisipusunaykichikpaq imatapas qosunkichik, chaynapi wakin runakunamanpas yanapanaykichikpaq.

Efesios 4:29

Rimaspaykichikqa amayá qacha simichu kaychik, aswanqa allin kaq-kunallatayá rimaychik, chaynapi uya-riqnikichikkunapa allinninpaq kap-tin iñiyninkupi aswan-aswan wiñanan-kupaq.

Filipenses 1:11

Jesu-cristom yanapasuchkankichik allin ruruchkaq sacha hina allinkunata rurunaykichikpaq, chaynapi Diosta yupaychaspa hatunchanaykichikpaq.

Filipenses 1:9

Kaytam mañakuchkani, Diospa kuyakuynin qamkunapi aswan-aswan wiñananpaq chaynataq yachaytawan yuyayta qosunaykichikpaq,

2~Tesalonicenses 1:3

Wawqe-panillaykuna, qamkunamantam Diosman tukuy tiempo graciasta qonayku, chayqa allinmi, chaynataqa ruwanayku qamkunapa iñiynikichik wiñasqanraykum chaynataq sapakamapa kuyanakuynikichik mirasqanraykum.

2~Timoteo 2:1

Churilláy Timoteo, Cristo Jesuspa kuyakuyninwan kallpanchakuy.

Hebreos 12:28

Diospa manaña tukuq munaychakuyninta chaskichkaspanchikqa Diosman graciasta qospayá, munasqanta ruwaspa respetowan yupaychaspa servisunchik.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.

Apocalipsis 3:17

Qanmi ninki: “Apum kani, apuyarunim, manam imatapas munaniñachu” nispayki, ichaqa manam musyakunkichu llakipayaypaq mana imayuq kasqaykita, wakcha, ñawsa hinaspa qalalla kasqaykitapas.