2~Corintios 8:5 - CHUYA QELLQA La Biblia en Quechua de Ayacucho 2012

⁵ Piensasqaykumantapas mastaraqmi huñururqaku, puntataqa kikinkuraqmi Señorpa makinman churakuykurqaku, hinaspañam Diospa munasqanman hina ñoqaykuman qowarqaku.

Quechua Ayacucho Bible 1987

⁵ Piensasqaykumantapas mastaraqmi huñururqaku, puntataqa Señormanmi qokuykurqaku hinaspañam Diospa munasqanman hina ñoqaykuman qowarqaku.

Chuya Qellqa 1992

⁵ Piensasqaykumantapas mastaraqmi huñururqaku, puntataqa kikinkuraqmi Señorpa makinman churakuykurqaku, hinaspañam Diospa munasqanman hina ñoqaykuman qowarqaku.

2~Corintios 8:5 Iomraidhean Croise

1~Crónicas 12:18

Hinaptinmi kimsa chunka soldadokunapa kamachiqnin Amasaiman Tayta Diospa Espiritun huntaykurqa, chaymi pay nirqa: ¡David, ñoqaykuqa qampam kaniku! ¡Isaipa churin, ñoqaykuqa qanwanmi kachkaniku! ¡Hawkayay qanwan kachun! ¡Yanapaqnikikunawanpas hawkayay kachun! ¡Diosnikim yanapasuqnikiqa! nispa. Chaymi paykunata David chaskiykuspan tropankunata kamachinankupaq churaykurqa.

2~Crónicas 30:12

Judá nacionpi runakunapas Tayta Diospa kallpanchasqanmi, tukuy sonqonkuwan reypa chaynataq kamachikuqkunapa kamachisqanta kasukurqaku. Chaynataqa ruwarqaku Tayta Diospa nisqanman hinam.

2~Crónicas 30:8

Chaynaqa, amayá ñawpaq taytay-kichikkuna hina rumi sonqoqa kaychikchu. Tayta Diosman kutirikuspayá chuyanchasqan santuarionman hamuspa yupaychasqanchik Tayta Diosta serviychik, hinaptinqa piñakuyninmi qamkunamanta asurinqa.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Romanos 12:1

Chaynaqa, wawqe-panillay-kuna, Diosninchikpa llakipaya-kuyninraykum ruegakuykichik, cuer-poykichiktayá Diosman qoychik, kawsachkaq ofrendata hina hinaspa chuyata, paypa munasqanman hina. Kaynam cheqap yachaywan Diosta yupaychayqa.

Romanos 6:13

Amataqyá mana allinta ruwananpaqqa cuerpoykichiktapas huchamanqa qoychikchu, aswanyá qamkunaqa wañusqamanta kawsarimuq hinaña cuerpoykichikta Diosman qoychik, chaynapi paypa munasqantaña ruwananpaq.

1~Corintios 1:1

Ñoqa Pablotam munayninman hina Dios qayaykuwarqa Jesucristopa apostolnin kanaypaq. Iñiqmasinchik Sostenespiwanmi

2~Corintios 4:5

Manam kikiykumantachu willakunikuqa, aswanqa Jesucristo Señor kasqanmantam, kikiykumantañataqmi Jesusta kuyasqaykurayku sirvientekichik kasqaykuta willakuniku.

2~Corintios 8:1

Wawqe-panillaykuna, kunanmi willamuykiku imaynam Macedonia law iglesiakunapi Diospa kuyakuynin qawachikusqanta.

1~Samuel 1:28

Chaymi ñoqapas Tayta Diosman qochkani, sapa punchaw kawsayninpi Diosllataña wañukunankama servinanpaq, nispan. Hinaspam chaypi llapanku Tayta Diosta yupaycharqaku.