2~Corintios 8:4 - CHUYA QELLQA La Biblia en Quechua de Ayacucho 2012

⁴ Anchatam ruegawarqaku ofrendankuwan Jerusalén llaqtapi iñiqkunata yanapaykunankupaq.

Quechua Ayacucho Bible 1987

⁴ Anchatam ruegawarqaku qollqe chaskinaykupaq, yanapaytam munarqaku Jerusalen llaqtapi kaq wawqe-panikunata.

Chuya Qellqa 1992

⁴ Anchatam ruegawarqaku ofrendankuwan Jerusalén llaqtapi iñiqkunata yanapaykunankupaq.

2~Corintios 8:4 Iomraidhean Croise

Mateo 10:42

Pipas qatiqniykunamanta taksan kaqkunallamanpas chiri yakullatapas qoykuqqa, qatiqniy kasqanraykum premionta chaskinqa.

Mateo 12:50

Pipas, hanaq pachapi kaq Taytaypa munasqan ruwaqmi wawqeyqa, paniypas chaynataq mamaypas, nispa.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Marcos 14:7

Wakchakunaqa haykapikamapas qamkunawanmi kanqa, chaynapi munarisqaykichik hora yanapanaykichikpaq, ñoqam ichaqa manaña tukuy tiempochu qamkunawan kasaq.

Hechos 11:29

Hi-naptinmi Antioquía llaqtapi iñiqkuna rimanakurqaku Judea lawpi iñiqkunaman atisqankuman hina yanapakuyta apachinankupaq.

Hechos 16:15

Chaymi wasinpi kaqkunapiwan kuska bautizakuruspanku, kaynata ruegawarqaku: Cheqaptapuni Señorman iñikusqayta yachaspaykichikqa wasiypiyá samakamuychik, nispa. Llumpayta ruegawaptinkum wasinpi samapakurqaniku.

Hechos 24:17

Unay watakunamantañam nacionniyman kutirqani wakcha judiokuna yanapanaypaq qollqeta apaspay chaynataq Diosmanpas ofrendaykunata qonaypaq.

Romanos 15:31

Diosta mañapuwaychik Judea lawpi kaq mana iñiqkunapa makinmanta libraykuwananpaq hinaspa Jerusalenpi kaq iñiqmasinchikkunapas kay yanapakuyta allinlla chaskiykunankupaq,

1~Corintios 16:1

Galacia lawpi iglesiakunaman kamachisqaypi hinayá wawqe-panikunapaq ofrendaykichikta huñuychik.

1~Corintios 16:15

Wawqe-paniykuna yachankichikmi, Estefanasqa wasinpi kaqkunapiwanmi Acaya lawpi puntallataraq Cristoman iñikurqaku, hinaspam iñiqkunata tukuy sonqowan servichkanku.

2~Corintios 9:1

Iñiqkunapaq yanapakuy ofrenda huñunaykichikmantaqa yanqañam qellqamuykichikman.

Gálatas 2:10

Kunawarqakutaqmi wakchakunata mana qonqarunaykupaqpas, chaytaqa tukuy sonqoywanmi ruwachkani.

Gálatas 6:10

Chayraykum, kapuwasqanchikman hina lliwpaq allin kaqkunata ruwananchik, tukuymanta llalliriqtaqa iñiqmasinchikkunapaqyá ruwasunchik.

1~Timoteo 5:10

Payqa wawankuna allin uywasqanwanmi, visitakuna allin chaskisqanwanmi, iñiqmasinkunapa chakin mayllaykusqanwanmi, ñakariqkunata yanapasqanwanmi hinaspa tukuy imapas allinkuna ruwasqanwanmi reqsichikuna.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.