2~Corintios 8:10 - CHUYA QELLQA La Biblia en Quechua de Ayacucho 2012

¹⁰ Qamkunapa allinnikichikpaqmi kay consejoyta qoykichik. Qayna watamantaraqmi ofrenda huñuyta qallaykurqankichik, ichaqa manam huñuyllatachu, aswanqa tukuy sonqowan ruwaytam munarqankichik.

Quechua Ayacucho Bible 1987

¹⁰ Qamkunapa allinnikichikpaqmi consejoyta qoykichik. Qayna watamantaraqmi puntarqankichik ofrenda huñuytaqa, manataqmi huñuyllatachu aswanqa puntataraqmi munaypaq-munarqankichik.

Chuya Qellqa 1992

¹⁰ Qamkunapa allinnikichikpaqmi kay consejoyta qoykichik. Qayna watamantaraqmi ofrenda huñuyta qallaykurqankichik, ichaqa manam huñuyllatachu, aswanqa tukuy sonqowan ruwaytam munarqankichik.

2~Corintios 8:10 Iomraidhean Croise

Proverbios 19:17

Wakchaman prestaspaqa Tayta Diosmanmi prestachkan, chay qosqantaqa Tayta Diosmi kutichipunqa.

Mateo 10:42

Pipas qatiqniykunamanta taksan kaqkunallamanpas chiri yakullatapas qoykuqqa, qatiqniy kasqanraykum premionta chaskinqa.

Juan 11:50

nitaqmi cuentatapas qokunkichikchu. Aswan allinqa kanman huk runalla nacionninchikpa rantinpi wañuyninmi, lliw nación puchukarunanmantaqa, nispa.

Juan 16:7

Cheqaptam nikichik: Qamkunapaqqa allinpunim ñoqapa riyniyqa, mana riptiyqa manachá qamkunapa kallpanchasuqnikichikpas hamunmanchu, rispaymi ichaqa kachamusqaykichik.

Juan 18:14

Caifasqa puntataraqmi judiokunata nirqa: “Aswan allinqa kanman nacionninchikpa rantinpi huk runallapa wañuyninmi”, nispan.

1~Corintios 10:23

Tukuy ima munasqaytaqa ruwaymanmi, ichaqa manam lliwchu allinniypaq kanman. Tukuy imatam ruwachwan, ichaqa manam lliwchu wiñachikun.

1~Corintios 16:2

Sapakamayá ganasqaykichikman hina sapa domingo ofrendaykichikta huñuychik, chaynapi chayamuptiyraq ama huñuchkanaykichikpaq.

1~Corintios 6:12

Ruwaymanmi tukuy ima munasqayta, ichaqa manam lliwchu allin. Tukuy munasqaytam ruwayman ichaqa manam chay munasqaykunapa munaychakuruwananta saqekusaqchu.

1~Corintios 7:25

Solterakunamantaqa manam Señorpa kamachikuynin kanchu, ichaqa Señorpa kuyapayawasqanman hina confianza kasqanraykum consejoyta qoni.

1~Corintios 7:40

Ichaqa tanteasqayman hinaqa kusikuyniyuqmi kanman mana huktawan casarakuspanqa. Ñoqaqa creenim Diospa Espiritunqa ñoqapi kasqanta, chaynapim kaynata rimapayaykichik.

2~Corintios 12:1

Imatataq hurqokusaq kikiymanta alabakuspayqa. Aswanqa Señorpa qawachiwasqan musqoymantawan revelacionmantam willasqaykichik.

2~Corintios 8:6

Chaymi Titota ruegarqaniku imaynam qallarisqanman hina chay kuyakuy ofrendata qamkuna ukupi huñuyta tukumunanpaq.

2~Corintios 8:8

Kayta nispayqa manam kamachiq hinachu nimuykichik, aswanqa munaymanmi wakinkunapa tukuy sonqonwan ruwasqanku yachanaykichikta, chaynapi qamkunapa kuyakuynikichikqa cheqap kasqanta wakinkunaman qawachinaykichikpaq.

2~Corintios 9:2

Yachaniñam yanapakuy munasqaykichiktaqa, chaymi Macedonia lawpipas kusikuywan willa-kuni: Acaya lawpi kaqkunaqa qayna watamantaraqmi yanapakunankupaq chaylla karqaku, nispay. Chayta yachaykuspankum Macedonia lawpi kaqkunapas yaqa llapallanku yanapakuyta munarqaku.

Filipenses 4:17

Chaynata nispayqa manam chaskiruyllatachu munachkani, aswanqa munachkani yanapawasqaykichikmanta qamkunamanpas Diosqa chaninninpi kutichipusunaykichiktam.

Hebreos 13:16

Allin ruway-tawan kapuqnikichikwan yanapana-kuytaqa amayá qonqaychikchu, chay sacrificiokuna ruwasqaykichikmi Diosta agradan.