2~Corintios 7:7 - CHUYA QELLQA La Biblia en Quechua de Ayacucho 2012

⁷ Manam paypa chayamusqallanwanchu kusikurqanikuqa, aswanqa Titotapas kallpanchasqaykichikwanmi. Paymi qamkunapa kuyawasqaykichikmanta chaynataq llakikuspa rikuykuy munawasqaykichikmanta willawarqa. Chaykunata yachaykuspaymi aswanraq kusikurqani.

Quechua Ayacucho Bible 1987

⁷ Hinaspapas manataqmi paypa chayamusqallanwanchu kusikurqanikuqa, kusikurqanikumá kikin Titota consuelasqaykichikmantapas. Paymi willawarqaku qamkunapa kuyawasqaykichikmanta, willawarqakutaqmi ñoqamanta llakikuspa sientiwasqaykichikmantapas. Chaykunata yachaykuspaymi mastaraq kusikurqani.

Chuya Qellqa 1992

⁷ Manam paypa chayamusqallanwanchu kusikurqanikuqa, aswanqa Titotapas kallpanchasqaykichikwanmi. Paymi qamkunapa kuyawasqaykichikmanta chaynataq llakikuspa rikuykuy munawasqaykichikmanta willawarqa. Chaykunata yachaykuspaymi aswanraq kusikurqani.

2~Corintios 7:7 Iomraidhean Croise

Mateo 26:75

Chaymi Pedro yuyarirurqa: “Manaraq utulu waqachkaptinmi kimsa kutikama negawanki” nispa Jesuspa nisqanta. Hinaspam hawaman lloqsiruspa qapariywan waqakurqa.

Mateo 5:4

Mayna kusisqam waqaqkunaqa, paykunataqa Diosmi consuelanqa.

Lucas 22:44

Payñataqmi llumpay llakisqallaña tukuy kallpanwan Diosta mañakurqa, chaymi sudorninpas yawar hinaraq pampaman suturqa].

Hechos 11:23

Chayaruspanmi chay llaqtapi iñiqkunapaq Diospa kuyakuyninta qawaykuspan llumpayta kusikurqa, hinaspanmi paykunata kallpancharqa qaqa hina sayaspanku tukuy sonqowan Señorta qatinankupaq.

Romanos 1:12

hinaspa hukninchikmanta hukninchikkama iñiyninchikpi kallpanchanakunanchikpaq.

1~Corintios 5:2

Chaywanpas penqakuywan kanaykichikpas kachkaptinmi hatun tukunkichikraq. Chayna ruwaq runataqa qamkuna ukumanta qarqoychik.

2~Corintios 1:14

Wakintaqa entienderunkichikñam, Señor Jesuspa kutimusqan punchawmi ñoqaykumanta kusisqa kankichik, chaynallataqmi ñoqaykupas qamkunamanta kusikusaqku.

2~Corintios 1:4

Paymi tukuy sasachakuyninchikpi kallpanchawanchik, chaynapi ñoqanchikpas sasachakuypi kaqkunata Diospa kallpanchawasqanchikman hina kallpanchananchikpaq.

2~Corintios 2:9

Kay asuntomantaqa ñawpaqmantaraqmi qellqamurqaykichikña, chay-napi kasukuq kasqaykichiktapas otaq mana kasukuq kasqaykichiktapas yachanaypaq.

2~Corintios 5:2

Kay pachapiraq kaspaqa maynatam munanchik hanaq pachapi kaq wasinchikmanta otaq musoq pachawan hina churakunanchikmanta.

2~Corintios 7:6

Ichaqa llakisqakuna kallpanchaq Diosmi Titopa chayamusqanwan kallpanchawarqaku.

2~Corintios 7:8

Carta apachimusqaywan llakisqaña kaptikichikpas manam ñoqaqa pesa-kunichu, ñawpaqtam ichaqa carta apachimusqaymanta pesakurqani pisi tiempollapas llakichisqaymanta,

2~Corintios 8:16

Diosmanmi graciasta qoni nanachikusunaykichikpaq Titomanpas allin sonqota ñoqaman hina qosqanmanta.

Filipenses 1:20

Tukuy sonqoywanmi Diosman hapi-pakuchkani imamantapas mana pen-qachiwanankupaq hinaspa mana manchakuspa rimanaypaq, chaynapim ñawpaq tiempopi hina kunan tiempopipas, wañuptiypas otaq kawsaptiypas Jesucristoqa cuerpoypi hatunchasqa kanqa.

Colosenses 2:5

Kikiypuni qamkunawan mana kaspaypas sonqoy-piqa qamkunawanmi kachkani, kusiku-nitaqmi allin kawsakusqaykichikmantawan Cristoman hapipakuspa qaqa hina sayasqaykichikmantapas.

1~Tesalonicenses 3:6

Timoteo kutiramuspanñataqmi iñiynikichikmantawan kuyakuynikichikmanta, allinllata willawarqaku. Qamkunas tukuy tiempo yuyawaspaykiku rikuykuyta munawankiku imaynam ñoqaykupas qamkuna rikuykuy munasqaykuta hina.

1~Tesalonicenses 3:8

Señorpi qaqa hina sayasqaykichikwanmi kusisqa kawsachkaniku.

Hebreos 2:1

Chayraykum uyarisqanchikkunataqa hatun yuyaywan kasukunanchik, yanqañataq Señorpa ñanninmanta rakikuruchwan.

Santiago 5:17

Profeta Eliaspas ñoqanchik hinam karqa, paymi tukuy sonqonwan Diosta mañakurqa mana paramunanpaq chaymi kimsa wata soqta killan mana paramurqachu.

2~Juan 1:4

Wakin wawaykikunatam tariramuni, imaynam Dios Taytanchikpa kamachikuynin chaskisqanchikman hina cheqap kaqpi kawsachkaqta, chaymi llumpay kusisqa kachkani.

Judas 1:3

Kuyasqallaykuna, maynatam munarqani salvación chaskisqanchikmanta qellqamuyta. Kunanmi ichaqa necesario kasqanrayku qellqamuykichik: Qamkunatam kallpanchamuykichik iñiy chaskisqanchikta allinta nanachikunaykichikpaq, chay iñiytaqa Diosmi huk kutillata chuya llaqtanman wiñaypaq qowarqanchik.