2~Corintios 7:5 - CHUYA QELLQA La Biblia en Quechua de Ayacucho 2012

⁵ Macedoniaman chayamusqaykumantam ñoqaykuqa mana samarqanikuchu, kaypi chaypim sasachakuypi karqaniku, cuerpoykupim ñakarirqaniku, sonqoykupiñataqmi manchakurqaniku.

Quechua Ayacucho Bible 1987

⁵ Macedonia lawman chayamusqaykumantapunim mana samarqanikuchu, ñoqaykuqa kaypi-chaypi sasachakuykunallapim karqaniku, cuerpoykupim ñakarirqaniku, sonqoykupiñataqmi manchakurqaniku.

Chuya Qellqa 1992

⁵ Macedoniaman chayamusqaykumantam ñoqaykuqa mana samarqanikuchu, kaypi chaypim sasachakuypi karqaniku, cuerpoykupim ñakarirqaniku, sonqoykupiñataqmi manchakurqaniku.

2~Corintios 7:5 Iomraidhean Croise

Génesis 8:9

Chay palomam tiyaykunanpaq mana maypi chaki allpata tarispa arcaman kutiramurqa, hinaptinmi Noeyqa makinta haywariykuspa arcaman kutiykachirqa.

Jobwan Sutichasqa Libro 18:11

Maypiña kaptinpas manchakuymi muyuriykun, maymanña riptinpas manchakuymi qatikachan.

Isaías 33:12

Llaqtakunam uchpayanankukama kañasqa kanqaku, kuchusqa kichkakuna hinam kunununuyllaña ninapi rupanqaku.

Jeremías 20:10

Llapa runakunapa rimakachasqankutam uyarichkani, paykunam nichkanku: Tukuy hinastinpim manchakuyllaña kachkan, hakuchik denunciamusunchik, nispam rimanakuchkanku. Llapa amistadniykunam imamanpas wichiykunayta suyachkanku, ichapas engañarachikunman venceruspa paymanta vengakurunanchikpaq, nispam nichkanku.

Jeremías 45:3

Qanmi nichkanki: ¡Ay, imaraq viday! Tayta Diosmi nanayniyman llakikuyta yapay-kamun. Waqaytapas amiruniñam, manañam hawkayaytapas tariniñachu, nispayki.

Jeremías 6:25

¡Chakramanpas amaña lloqsiychikchu, ñannintapas amaña puriychikchu! Enemigoqa ancha armasqam kachkan, manchakuymi tukuy hinastinpi kakuchkan.

Jeremías 8:18

Nanaypa intusqan kaptiymi, sonqoypas wañunayachkanña.

Hechos 20:1

Chay chaqwa tukuruptinmi, iñiqkunata Pablo huñuruspan allinta kallpancharqa, hinaspam despedikuspan Macedonia lawman lloqsirqa.

Romanos 15:26

Kay yanapakuytam Macedoniapi hinaspa Greciapi yachaq wawqe-paninchikkuna kusikuyllawanña huñuykunku, Jerusalenpi wakcha iñiqmasinchikkunaman apachiwanankupaq.

1~Corintios 15:31

Arí wawqe-panikuna, sapa punchawmi wañuypa patanpi hinaña kachkani. Ichaqa Señor Jesucristopi kasqaykichikwanmi kusisqa kachkani.

1~Corintios 16:5

Hamuspayqa Macedonia lawninta muyuramuspam qamkunaman chaya-musaq.

2~Corintios 2:13

Sonqoymi ichaqa mana hawkachu karqa wawqenchik Titota mana tarisqayrayku, chayraykum paykunamanta despedikuykuspay Macedonia lawman pasakurqani.

2~Corintios 2:3

Chayraykum qellqamurqaykichik chayamuptiy kusichiwanaykichikpaq manam llakichiwanaykichikpaqchu. Piensarqanim ñoqa kusisqa kaptiyqa llapallaykichik kusisqa kanaykichikta.

2~Corintios 2:9

Kay asuntomantaqa ñawpaqmantaraqmi qellqamurqaykichikña, chay-napi kasukuq kasqaykichiktapas otaq mana kasukuq kasqaykichiktapas yachanaypaq.

Gálatas 4:11

Llumpaytam manchakuchkani yanqapaqchusmi qamkuna ukupi llamkasqayqa karunqa, nispay.

Deuteronomio 32:25

Callekunapim churinkupas espadapi wañunqaku, wasinku ukupiñataqmi mancharisqallaña kanqaku; jovenkunawan sipaskunapas, ñuñuq wawakunawan yuyaqkunapas wañunqakum.

1~Tesalonicenses 3:5

Chayraykum Timoteota kachamurqani qamkunamanta manaña llakikunaypaq hinaspa iñiynikichikpi imaynam kasqaykichikta willawananpaq, yanqañataq supay tentarusuptikichik llamkasqaykupas yanqapaq karunman.