2~Corintios 7:2 - CHUYA QELLQA La Biblia en Quechua de Ayacucho 2012

² Tukuy sonqoykichikwanyá chas-kiykuwayku, manam pitapas imanarqanikuchu, huchallichirqanikuchu, nitaq engañarqanikuchu.

Quechua Ayacucho Bible 1987

² Sonqoykichikwanyá chaskiykuwayku, manam pitapas imanarqanikuchu nitaq huchallichirqanikuchu, nitaqmi pitapas engañarqanikuchu.

Chuya Qellqa 1992

² Tukuy sonqoykichikwanyá chaskiykuwayku, manam pitapas imanarqanikuchu, huchallichirqanikuchu, nitaq engañarqanikuchu.

2~Corintios 7:2 Iomraidhean Croise

Números 16:15

Hinaptinmi Moisesqa anchata piñakuruspan Tayta Diosta nirqa: Ofrendankutapas ama chaskiychu, paykunapataqa manam asnollankutapas hapikuykurqanichu, nitaqmi paykunataqa imanarqanipaschu, nispa.

Mateo 10:14

Sichum pipas mana chaskisuptikichikqa chaynataq willakusqaykichiktapas mana uyarisuptikichikqa, chay wasimanta otaq chay llaqtamanta lloqsiychik hinaspa usutaykichikpi allpatapas taspiychik.

Mateo 10:40

Pipas qamkunata chaskisuqnikichikqa ñoqatam chaskiwan, ñoqata chaskiwaqniyñataqmi pim kachamuwaqniyta chaskin.

Lucas 10:8

Sichum hukkaqnin llaqtaman chayaptikichik chaskiykusuptikichikqa, imam qarasusqaykichiktam mikunkichik;

Hechos 20:33

Ñoqaqa manam pipa qollqentapas, qorintapas nitaq pachantapas muna-payarqanichu.

Romanos 16:18

Paykunaqa manam Señorninchik Jesucristotachu servinku, aswanqa kikinkupa wiksallankumantam afanakunku. Sumaqllataña rimaspankum manaraq ancha yachaqkunata engañanku.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 11:16

Yapatawanmi nikichik: Amayá locopaqqa hapiwaychikchu, chaynapaqña hapiwaspaykichikpas chaskiykuwaychik-yá, chaynapi ñoqapas tumpatallatapas alabakunaypaq.

2~Corintios 11:9

Qamkunawan kachkaptiy qollqey tukuruptinpas manam mañakurqaykichikchu, aswanqa Macedonia lawpi kaq wawqe-panikunam apachimuwarqaku. Manam qamkunamantaqa imatapas mañakurqaykichikchu nitaqmi mañakusqaykichikpaschu.

2~Corintios 4:2

Saqerunikuñam pakasqallapi penqaypaq ruwaykunataqa, manataqmi pitapas engañastinchu nitaqmi Diospa palabrantapas qewi-qewirispachu purichkaniku, aswanqa cheqapllatam willakuniku, Diospa qayllanpim recomendakuniku llapa runakunapa concienciaman.

Filipenses 2:29

Hatun kusikuywanyá chaskiykuychik Señorninchikman graciasta qostin, pay hina kaqkunataqa respetaychikyá.

Colosenses 4:10

Carcelpi presomasiy Aristarcom rimaykamusunkichik, rimaykamusunkichiktaqmi Bernabeypa primon Marcospas. Qamkunam paymanta kamachisqayta chaskirqankichik, sichum watukamusuptikichikqa allinllatayá chaskiykuychik.

1~Tesalonicenses 2:10

Qamkunapas chaynataq Diospas yachanmi, iñiqkunapa qayllanpiqa allin kaqkunata ruwaspa, Diosllapaqña pipapas mana ima nisqan kawsas-qaykuta.

Filemón 1:12

Chaynaqa, kunanmi kutichimuyki, ñoqata chaskiwachkaq hinayá chaskiykuy.

Filemón 1:17

Sichum iñiqmasikipaq hapiwaspaykiqa paytapas ñoqata hinayá chaskiykuy.

2~Juan 1:10

Sichum pipas qamkuna-man hamuspa mana Jesucristopa yacha-chikuynintachu apamusunkichik hinaptinqa amayá chaskiychikchu nitaq “yaykukamuy” niychikchu.