2~Corintios 7:11 - CHUYA QELLQA La Biblia en Quechua de Ayacucho 2012

¹¹ Qamkunaqa Diospa munasqan-man hinam llakisqa karqankichik, chay llakikuyqa kaykunatam apamun: Mayna nanachinakuytam munarqankichik, mayna arreglo ruwaytam munarqankichik, maynatam mana allinpa contranpi piñakurqankichik, maynatam manchakurqankichik, mayna kuyakuqmi kankichik, maynatam sientikurqankichik, maynatam castigo ruwayta munarqankichik. Kay asuntokunawanmi mana huchayuq kasqaykichikta qawachikurqankichik.

Quechua Ayacucho Bible 1987

¹¹ Qamkunaqa Diospa munasqanman hinam llakisqa karqankichik, chayna kaspaqa ¡mayna nanachinakuytam munarqankichik! ¡mayna arreglo ruraytam munarqankichik! ¡maynatam mana allinpa contranpi piñakurqankichik! ¡maynatam manchakurqankichik! ¡mayna kuyakuqmi kankichik! ¡maynatam sientikurqankichik! ¡maynatam castigo rurayta munarqankichik! Lliwpim qamkunaqa kay asuntopi mana huchayoq kasqaykichikta qawachikurqankichik.

Chuya Qellqa 1992

¹¹ Qamkunaqa Diospa munasqanman hinam llakisqa karqankichik, chay llakikuyqa kaykunatam apamun: Mayna nanachinakuytam munarqankichik, mayna arreglo ruwaytam munarqankichik, maynatam mana allinpa contranpi piñakurqankichik, maynatam manchakurqankichik, mayna kuyakuqmi kankichik, maynatam sientikurqankichik, maynatam castigo ruwayta munarqankichik. Kay asuntokunawanmi mana huchayuq kasqaykichikta qawachikurqankichik.

2~Corintios 7:11 Iomraidhean Croise

Nehemías 13:25

Chaymi paykunawan atipanakuspay ñakaykurqani, paykunamantam wakinta azoterqani, chukchankutapas chutaparqani, hinaspam Diosrayku jurachispay kaynata nirqani: Amam warmi churikichikkunatapas nitaq qari churinkunatapas paykunapa churinkunawanqa casarachinkichikchu, nitaqmi kikikichikpas chaynataqa ruwankichikchu.

Jobwan Sutichasqa Libro 42:6

Chayraykum tukuy ima rimasqayta reqsikuni, allpapiwan uchpapim tiyaykuspay wanakuni, nispa.

Proverbios 14:16

Yachayniyuq runaqa manchakuspam mana allinmanta ayqekun, mana yachayniyuq runam ichaqa hatun tukuspa kikillanpi hapipakun.

Proverbios 28:14

Mayna kusisqam kanqa Diosta tukuy tiempo kasukuq runaqa, mana kasukuq runam ichaqa sasachakuyman wichiykunqa.

Cantares 8:6

Sonqoykipiyá marcata hina churaykuway, brazoykipiyá marcata hina churaykuway; kuyakuyqa wañuy hina atiyniyuqmi, celoso kaypas wañuy hina nanakuqmi. Lenwachkaq nina hinam cheqap kuyakuyqa, Diospa kawsaq ninan hinam cheqap kuyakuyqa.

Isaías 26:8

Dios Taytallayku, kamachikuynikiman hina kawsaspam qamllapi sunita sayaniku, qanmanta yuyarispam sonqoykupi yuyaymanayta munaniku.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Daniel 6:14

Chayta rey Darío uyariykuspanmi llumpayta llakikururqa, hinaspam inti seqaykunankama, tukuy imata ruwaspa Danielta librananpaq yuyaymanarqa.

Marcos 3:5

Chaymi Jesusqa muyuriqninpi kaqkunata piñasqallaña qawarispan rumi sonqo kasqankumanta llakikurqa; chay runatañataqmi nirqa: Makikita haywariy, nispa. Haywariykuptillanmi makin sanoyarurqa.

Juan 2:17

Hinaptinmi discipulonkuna yuyarirurqaku Qellqapa: “Temploykita kuyayniymi nina hinaraq sonqoypi ruparin”, nisqanta.

Hechos 17:16

Pablom Silastawan Timoteota Atenas llaqtapi suyaspan, llumpay llakisqallaña karqa chay llaqtapi runakuna idolokunaman qokurusqankuta qawaspan.

Romanos 11:20

Arí, mana iñisqankuraykum kuchusqa karqaku, qamñataqmi ichaqa iñisqaykirayku paypa rantinpi allinta sayachkanki. Chaynaqa, Diospa qayllanpiqa ama hatun tukuychikchu aswanqa manchakuqyá kaychik.

Romanos 14:18

Kaynatapuni pipas Cristota servispa Diospa munasqanta ruwaptinmi runakunapas allinpaq hapinku.

Romanos 3:5

Huchasapa kasqanchikmi reqsichiwanchik Diosqa mana pimanpas sayapakuspa juzgasqanta, hinaptinqa ¿imanisuntaq? Chaynaqa, huchanchikmanta Dios castigawaspanchikqa, ¿cheqniwaspanchikchu chayta ruwanman? (Chaytaqa runa hinallam rimachkani).

1~Corintios 12:25

chaynapi cuerpopi kaqkunaqa mana rakinasqa kanankupaq, aswanqa llapanku hukninkumanta hukninkukama yanapanakunankupaq.

1~Corintios 5:13

Diosmi mana iñiqkunataqa juzganqa. Qamkuna ukupi chay mana allin runataqa qarqoychik.

1~Corintios 5:2

Chaywanpas penqakuywan kanaykichikpas kachkaptinmi hatun tukunkichikraq. Chayna ruwaq runataqa qamkuna ukumanta qarqoychik.

2~Corintios 13:7

Diostam mañakuchkaniku mana allin kaqkunata ama ruwanaykichikpaq, chaytaqa munachkaniku manam chaskisqa kasqaykuta yachanaykichikpaqchu, aswanqa allin kaqkunata ruwanaykichikpaqmi, ñoqaykuta Dios manaña chaskiwaptinkupas.

2~Corintios 2:6

Llapallaykichikpa chay runa corregisqaykichikqa allinmi, chayllapaqñayá kachun.

2~Corintios 6:4

Aswanqa lliwpim Dios serviq kasqaykuta qawachikuniku, pacienciakuspa, ñakarispa, muchuykunapi kaspa, sasachakuykunata aguantaspa,

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

2~Corintios 7:7

Manam paypa chayamusqallanwanchu kusikurqanikuqa, aswanqa Titotapas kallpanchasqaykichikwanmi. Paymi qamkunapa kuyawasqaykichikmanta chaynataq llakikuspa rikuykuy munawasqaykichikmanta willawarqa. Chaykunata yachaykuspaymi aswanraq kusikurqani.

2~Corintios 7:9

kunanqa kusikuni, manam llakis-qa kasqaykichikmantachu aswanqa wanakusqaykichikmantam, llakisqaqa karqankichik Diospa munasqanman hinam, chaynaqa manam ñoqaykuchu llakichirqaykiku.

2~Corintios 9:2

Yachaniñam yanapakuy munasqaykichiktaqa, chaymi Macedonia lawpipas kusikuywan willa-kuni: Acaya lawpi kaqkunaqa qayna watamantaraqmi yanapakunankupaq chaylla karqaku, nispay. Chayta yachaykuspankum Macedonia lawpi kaqkunapas yaqa llapallanku yanapakuyta munarqaku.

Efesios 4:26

Piñakuspaqa amataqyá huchallikuychikchu, amayá inti seqaykunankamaqa piñakuruychikchu.

Efesios 5:11

Tutayaypi kawsaqkunapa mana allinkuna ruwasqankutaqa amayá ruwaychikchu, aswanqa mana allin ruwasqankumantayá qaqchaychik.

Filipenses 2:12

Kuyasqay wawqe-panillaykuna, qamkunawan kaptiymi tukuy tiempo kasuwarqankichik, ichaqa manam qamkunawan kaptillaychu, chaynaqa karupi kaptiypas aswanraqyá kasuwaychik. Manchakuywan hinaspa respetowanyá salvasqa kasqaykichikta allinta waqaychaychik,

1~Tesalonicenses 4:6

Chaynaqa, amayá pipas runamasintaqa kamichunchu nitaq engañachunchu, Señorqa tukuy chaykunataqa vengakunqam. Ñam chaykunamantaqa willarqaykikuña.

1~Timoteo 5:20

Ñataq-ñataq huchapi puriqkunataqa llapallankupa qayllanpiyá qaqchay, chaynapi hukkunapas manchakunankupaq.

2~Timoteo 2:15

Kallpanchakuyá Diospa chaskisqan kanaykipaq, allin llamkaq hinayá mana imamantapas penqakuspa Diospa cheqap palabranta allinta yachachiy.

Tito 3:8

Kay palabraqa cheqapmi, chayraykum aswanraq yachachinaykita munani, chaynapi Diosman iñiqkuna imapas allin ruwaykunapi kanankupaq. Kayqa mayna sumaqmi hinaspa runakunapa allinninpaqmi.

Hebreos 4:1

Diospa qosqan samakuyman yay-kunanchikpaq promesan kachkaptinqa cuidakusunyá, yanqañataq huk-kaqnikichik mana yaykuwaqchikchu.

Santiago 3:17

Hanaq pachamanta hamuq yachayqa chuyam. Chay yachaywan kaq runakunaqa hawka kawsakuqkunam, allin ruwaqkunam, llampu sonqokunam, allin yuyaywan kawsaqkunam, kuyakuqkunam, tukuy imapi allin kaqta ruwaqkunam, mana pimanpas sayapakuqkunam hinaspa mana iskay uyakunam.

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.

1~Pedro 2:2

Imaynam naceq wawakuna ñuñuta maskachkaq hinayá Diospa cheqap palabranta maskaychik, chaywan wiñaspa salvo kanaykichikpaq.

Judas 1:23

Wakinkunata ninamanta hurqochkaq hina salvaychik, wakintañataq imamantapas harkaspa kuyapayaychik, ichaqa amayá huchankuwanqa aysachikuychikchu, mana allin huchapi purispa pachakusqanku pachatapas millakuychik.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.