2~Corintios 7:10 - CHUYA QELLQA La Biblia en Quechua de Ayacucho 2012

¹⁰ Diospa munasqanman hina llakikuyqa huchanchikmanta wanakuymanmi apawanchik, chaynapi salvasqa kanan-chikpaq, chaynaqa manam ñakakunanchikchu. Runakunapa munasqanman hina llakikuymi ichaqa wañuyta apamun.

Quechua Ayacucho Bible 1987

¹⁰ Diospa munasqanman hina llakikuyqa wanachiwaspanchikmi salvawanchik, chaynaqa manam ñakakunanchikchu. Runakunapa munasqanman hina llakikuymi ichaqa apamun wañuyta.

Chuya Qellqa 1992

¹⁰ Diospa munasqanman hina llakikuyqa huchanchikmanta wanakuymanmi apawanchik, chaynapi salvasqa kananchikpaq, chaynaqa manam ñakakunanchikchu. Runakunapa munasqanman hina llakikuymi ichaqa wañuyta apamun.

2~Corintios 7:10 Iomraidhean Croise

Génesis 30:1

Raquelmi qolluq kasqanrayku ñañanmanta envidiakuspan Jacobta nirqa: Wawakunata qoway mana chayqa wañurusaqmi, nispa.

2~Samuel 12:13

Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

2~Samuel 13:4

Paymi Amnonta nirqa: Reypa churin, ¿imanasqataq puncha-punchaw kaynatañaqa hukmanyachkanki? ¿Manachu willaykuwankiman? nispa. Chaymi Amnón nirqa: Wawqey Absalonpa panin Tamarmantam llumpayta enamorakuruni, nispa.

2~Samuel 17:23

Ahitofelñataqmi consejasqanta Absalón mana kasukuptin, asnonta caronaykuspa llaqtanpi wasinman ripukurqa. Hinaspam llapa imanta allicharuspa, teqokuruspan wañururqa, chaymi abuelonpa sepulturanpi pamparurqaku.

1~Reyes 21:4

Hinaptinmi rey Acabqa llakisqa hinas-pa piñasqa palacionman kutikurqa, Jezreel llaqtayuq Nabotpa “ñawpaq taytaykunapa qowasqan herencia allpataqa manam qoykimanchu” nisqanwan. Palacionman chayaruspanmi camanman wischukuykurqa, hinaspam perqa lawman muyuriruspan mikuytapas mana munarqachu.

Proverbios 15:13

Kusisqa sonqoqa runapa uyantam kuyapata ruwan, onqosqa sonqom ichaqa runata llakichin.

Proverbios 15:15

Llakisqa sonqoyuq runapaqqa sapa punchawmi sasachakuylla, kusisqa sonqoyuq runapaqmi ichaqa sapa punchaw kusikuylla.

Proverbios 17:22

Kusisqa sonqoqa allin hampim, llakikuymi ichaqa runata onqochin.

Proverbios 18:14

Onqoqtaqa kallpanchakuyninmi hatarichinqa ichaqa, ¿pitaq hukmanyasqa runataqa hatarichinman?

Eclesiastés 7:3

Asikuymantaqa waqaymi aswan allinqa, uyata llakichispapas ichaqa sonqotam kusichin.

Jeremías 31:9

Waqastin mañakustinmi hamunqaku, kallpaq yakukunapa patantam pusamusaq, mana mitkanankupaqmi pampallanta pusamusaq. Ñoqaqa Israelpa taytanmi kani, Efrainqa piwi churiymi.

Ezequiel 7:16

Wañuymanta lluptiqkunapas qechwa palomakuna hinam orqokunaman ayqenqaku, ichaqa huchankuraykum lliw wañunqaku.

Jonás 3:10

Imam ruwasqankuta qawarispanmi Tayta Dios rikururqa Nínive llaqtayuq runakuna mana allin kawsayninkumanta wanakurusqankuta, chayraykum piñakuyninta sapaqchaykuspan imam tanteasqantaqa manaña ruwarqañachu.

Jonás 3:8

Aswanqa lutokuspa animalkunawan kuska tukuy sonqoykichikmanta Tayta Diosta mañakuychik hinaspa mana allin kawsaynikichikmanta sapakama wanakuychik, wanakuychiktaq mana allinkuna ruwaynikichikmantapas.

Jonás 4:9

Tayta Diosñataqmi nirqa: ¿Higuerilla planta chakirusqanmantachu llumpayta piñakurunki? nispa. Jonasñataqmi nirqa: ¡Arí, razonmantam rabiawanpas wañu-ruyman! nispa.

Mateo 26:75

Chaymi Pedro yuyarirurqa: “Manaraq utulu waqachkaptinmi kimsa kutikama negawanki” nispa Jesuspa nisqanta. Hinaspam hawaman lloqsiruspa qapariywan waqakurqa.

Lucas 15:10

Chaynaqa, nikichikmi, chaynatam Diospa angelninkunapas kusikun huk huchasapa runa wanakuruptinqa, nispa.

Lucas 18:13

Impuesto cobraqñataqmi qepallapi sayaruspan cielotapas mana qawarispan qasqonta takakuspan nirqa: “Diosnilláy kuyapayariykullaway, huchasapam kallani”, nispa.

Hechos 11:18

Chaynata Jerusalenpi kaq iñiqkuna uyariruspankum manaña Pedropa contranpichu karqaku, hinaspam Diosta yupaycharqaku: Chaynaqa, mana judío runakunamanpas Diosmi wanakuytaña qoykun wiñay kawsanankupaq, nispanku.

Hechos 3:19

Chay-naqa, huchaykichikmanta wanakuspayá Diosman kutirikuychik, chaynapi tukuy huchaykichik chinkachisqa kaptin hamuq punchawpi Señorpa hawkayaynin hamusunaykichikpaq.

2~Corintios 12:21

Manchakuchkanitaqmi huktawan hamuptiy Diosniy qamku-napa rantikichikpi penqayman churawananmanta, chaynata tariykamuspayqa waqasaqchá. Ñawpaqmantaraqmi mana wanakuspa hinallaraq huchallikuchkankichik. Qamkunaqa manaraqmi wanakunkichikraqchu qanra vidaykichikmanta, waqllikuymanta hinaspa viciokunapi puriykunamantapas.

2~Corintios 7:9

kunanqa kusikuni, manam llakis-qa kasqaykichikmantachu aswanqa wanakusqaykichikmantam, llakisqaqa karqankichik Diospa munasqanman hinam, chaynaqa manam ñoqaykuchu llakichirqaykiku.

Hebreos 12:17

Yachasqaykichikpi hinapas Esauqa Diospa bendicionninta kutichikuyta munaspapas qarqosqañam karqa, maynataña waqaspapas tupaqnintaqa manañam kutichikuyta atirqañachu.

1~Samuel 30:6

Tropankunañataqmi qari churinkuta warmi churinkuta manaña tariykuspanku Davidman cargochaspanku rumiwan wañurachinankupaq tanteanakurqaku. Chayraykum Davidqa llumpay mancharisqallaña tarikurqa. Ichaqa Tayta Diospi kallpanchakuspam,