2~Corintios 5:5 - CHUYA QELLQA La Biblia en Quechua de Ayacucho 2012

⁵ Kayna kanapaq ruwawaqninchikqa Diosmi, paymi garantiata hina Chuya Espirituta qowarqanchik.

Quechua Ayacucho Bible 1987

⁵ Chayna kanapaq Dios rurawaspanchikmi garantiata hina Chuya Espirituta qowarqanchik.

Chuya Qellqa 1992

⁵ Kayna kanapaq ruwawaqninchikqa Diosmi, paymi garantiata hina Chuya Espirituta qowarqanchik.

2~Corintios 5:5 Iomraidhean Croise

Isaías 29:23

aswanqa mirayninkunam llaqtankupi imam ruwasqayta qawaspanku Chuya Dios kasqayta reqsinqaku, hinaspam ñoqata, Israelpa Diosninta manchakuwanqaku.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Romanos 8:23

Ichaqa manam payllachu, ñoqanchikpas Chuya Espirituta chaskichkaspapas chaynatam ñakarichkanchik. Sonqonchikpi waqaspam suyachkanchik Diospa churichakuykuwananchik punchawta, chay punchawpim cuerponchikta libraykunqa.

2~Corintios 1:22

Paytaqmi sellowan marcawarqanchik hinaspa Chuya Espiritutapas sonqonchikman garantiata hina qoykuwarqanchik.

2~Corintios 4:17

Ñakariykunaqa pisillam hinaspa pasaruqllam, chaymantañam chaskisunchik mana imawanpas tupachiy atina wiña-wiñaypaq hatun kaqkunata.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Efesios 4:30

Amayá Diospa Chuya Espirituntaqa llakichiychikchu. Paywanmi sellowan hina sellasurqankichik, chaynapi hamuq punchawpi librasunaykichikpaq.

1~Juan 3:24

Kamachikuyninkunata kasukuq runaqa Diospim takyachkan, Diospas paypitaqmi takyachkan. Qowasqanchik Espiritupa yanapakuyninwanmi yachanchik payqa ñoqanchikpi kasqanta.