2~Corintios 5:21 - CHUYA QELLQA La Biblia en Quechua de Ayacucho 2012

²¹ Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Quechua Ayacucho Bible 1987

²¹ Cristoqa manam huchallikurqachu ichaqa ñoqanchikraykum Dios qepiykachirqa huchanchikkunata chaynapi Cristowan huklla kaspanchik Diospa munasqanman hinaña kawsananchikpaq.

Chuya Qellqa 1992

²¹ Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

2~Corintios 5:21 Iomraidhean Croise

Jeremías 23:26

¿Haykapikamataq chay profetakuna llullallata willakunqaku? ¿Haykapikamataq sonqonkumanta hurqospa mana pasaqkunata willakunqaku?

Jeremías 33:16

Paypa punchawninkunapim Judá nación salvasqa kanqa, Jerusalén llaqtapas hawkam kawsakunqa. Chayraykum sutichanqaku: Tayta Diosmi vencechiwaqninchikqa, nispanku.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Daniel 9:26

Chay soqta chunka iskayniyuq semanakuna pasaruptinmi, kamachikuq Mesías wañuchisqa kanqa. Jerusalén llaqtatapas huk reymi tropankunawan hamuruspa tuñirachinqa, chaynataqmi santuariotapas tuñirachinqa. Lloqlla hinam puchukay chayaramunqa, puchukay chayamunankamam guerrakunapas hinaspa purmachiykunapas kanqa.

Zacarías 13:7

Tukuy Atiyniyuq Tayta Diosmi kaynata nin: Espada, michiqniypa contranpi hatariy, yanapaqniypa contranpi hoqarikuy, michiqta wañuchiptikim llapa ovejakuna cheqenqa. Ñoqañataqmi uñachakunapa contranpi makiyta hoqarisaq, nispa.

Números 21:9

Moisesmi broncemanta maqta uruta ruwaruspan kaspiman churarurqa. Hinap-tinmi maqta urupa kachusqan runakuna, broncemanta maqta uruta qawaspanku mana wañuqkuchu.

Lucas 1:35

Chaymi angelñataq nirqa: Chuya Espiritum qanman hamunqa, hinaptinmi hanaq pachapi Diospa atiynin llantuy hina pampaykusunki. Chayraykum naceq chuya wawaqa Diospa Churinwan sutichasqa kanqa.

Hechos 3:14

Jesusqa Chuya hinaspa justo kachkaptinmi Pilato libraykunanta harkakuspa runa wañuchiq runataraq kacharinanpaq mañakurqankichik.

Romanos 1:17

Kay allin noticiam reqsichiwanchik, imaynam mana huchayuqpaqña Diospa chaskiwasqanchikta, chayqa Diospi hapipakuspa iñikuptillanchikmi. Chuya Qellqapim kaynata nin: “Allin ruwaq runaqa iñikuspallam kawsanqa”, nispa.

Romanos 4:25

Diospa munasqanman hinam Jesusqa huchanchikrayku wañuspan kawsarimurqa, chaynapi Diospa mana huchayuqpaqña chaskisqan kananchikpaq.

Romanos 5:19

Imaynam chullalla runapa mana kasukusqanwan achkallaña runakuna huchasapa rikurirurqaku, chaynam chullalla runapa kasukusqanwanpas achkallaña runakuna mana huchayuqña rikurinqaku.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

2~Corintios 5:17

Chaynaqa, pipas Cristopi kaqqa musoq runañam, ñawpaq kaqkunaqa pasarunñam, kunanqa lliwmi musoqña.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Filipenses 3:9

chaynapi paywan hukllaña kanaypaq, manam ley cumplisqayraykuchu mana huchayuqpaqqa chaskisqa kasaq, aswanqa Cristoman iñikuptiymi mana huchayuqpaqña Dios chaskiwan.

Hebreos 4:15

Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu.

Hebreos 7:26

Payqa ñoqanchikpa allinninchikpaq Sumo sacerdotem, payqa chuyam, mana chikan huchayuqmi, mana qachayuqmi, huchasapakunamanta sapaqchasqam hinaspa cielokunapa hawanman churasqam kachkan.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.

1~Juan 3:5

Yachasqaykichikpi hinapas Jesucristoqa kay pachamanqa hamurqa huchanchikta qechunanpaqmi, payqa mana huchayuqmi karqa.