2~Corintios 4:7 - CHUYA QELLQA La Biblia en Quechua de Ayacucho 2012

⁷ Chay achkiymi qori hina ñoqanchikpi kapuwachkanchik, allpa manka hinalla kachkaptinchikpas. Chay hatu-hatun atiyqa manam ñoqanchikmantachu, aswanqa Diosmantam hamun.

Quechua Ayacucho Bible 1987

⁷ Chay achkiymi qori hina kachkan cuerponchikpi allpa manka hinalla kachkaptinchikpas. Chay hatu-hatun atiyqa manam ñoqanchikmantachu ichaqa Diosmantam.

Chuya Qellqa 1992

⁷ Chay achkiymi qori hina ñoqanchikpi kapuwachkanchik, allpa manka hinalla kachkaptinchikpas. Chay hatu-hatun atiyqa manam ñoqanchikmantachu, aswanqa Diosmantam hamun.

2~Corintios 4:7 Iomraidhean Croise

Jobwan Sutichasqa Libro 10:9

Yuyariyá mitumanta ruwawasqaykita, ¿hinaspachum musoqmanta ñutu allpaman tikraruwanki?

Jobwan Sutichasqa Libro 33:6

Qampas chaynataq ñoqapas Diospa qayllanpiqa hina chaynallam kanchik, ñoqapas mitumanta ruwasqallam kani.

Jobwan Sutichasqa Libro 4:19

Chaynaqa, ¿imaynataq mana kallpayuq runapi confiakunman? Runaqa allpapa hawanpi mitumanta ruwasqa wasi hinallam, polilla hina sarusqa kanqa.

Lamentaciones 4:2

Sión llaqtapi ancha kuyasqa runakunam qorimantapas aswan allinpaq hapisqa runakunam, allpa manka hinaña rikurirunku, runapa ruwasqan allpa manka hinañam rikurirunku.

Mateo 13:44

Diospa munaychakuyninqa chak-rapi pampasqa pakamanmi rikchakun. Chaytam huk runa tariruspan kasqallan pakapaykun, hinaspam kusisqallaña kallpaspan tukuy kapuqninta rantikaramuspan chay chakrata rantirun.

Mateo 13:52

Jesusñataqmi nirqa: Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

1~Corintios 1:28

Diosqa akllarqa kay pachapi wakchakunatawan, despreciasqakunatam hinaspa mana imapaqpas valeqkunatam, chaynapi hatunchakuqkunata mana kaqpaqña churananpaq.

2~Corintios 10:10

Wakinkunañataqmi ninku: “Payqa cartankunapiqa manchakuyllapaqtañam riman, kaypi kaspañataqmi pisi kallpayuq hina, rimayninpas mana kasunapaq hinallam”, nispanku.

2~Corintios 13:4

Cheqaptam mana atiyniyuq hina chakatasqa karqa, kunanmi ichaqa Diospa atiyninwan kawsachkan, chaynam ñoqaykupas Cristowan hukllawasqa kaspa mana atiyniyuq hina kachkaniku, ichaqa Diospa atiyninwanmi kawsachkaniku qamkunata servinaykupaq.

2~Corintios 4:1

Chaynaqa, manam hukmanyanikuchu, Diosmi kuyakuyninman hina kay llamkaytaqa qowarqaku.

2~Corintios 5:1

Yachankichikmi, sichum purmaruq wasi hinalla kay cuerponchik chinkaruptinqa Diosmi hanaq pachapi wiña-wiñaypaq wasita ruwapuwachkanchik, chayqa manam runapa makinwan ruwasqachu.

2~Corintios 6:10

Llakisqallaña kaspapas llumpay kusisqam kaniku, wakcha kaspapas achkaqtam apuyachiniku, mana imayuq kachkaptiykupas tukuy imaykum kapuwachkanku.

Efesios 2:5

huchanchikrayku wañusqa hina kachkaptinchikpas Jesucristotawan kuskatam kawsariykachiwanchik. Chaynaqa, kuyakuyninraykullam Diosqa salvaykusurqankichik.

Efesios 3:8

Llapallan iñiqkunamanta mana valeqpaq hapikuchkaptiypas, Diosqa ñoqata kuyawaspanmi kunawarqa, mana judío kaqkunaman Cristomanta hatun valorniyuq pakasqa kaq allin noticiata willakunaypaq.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

Colosenses 2:12

Bautizakuspaykichikmi Cristowan kuska pampakuchkaq hina ñawpa vidaykichikta pamparurqankichik, paywan kuskataqmi musoqmanta kawsarimurqankichik, kawsarimurqankichikqa Diospa llumpay atiyninwan Cristopa kawsarimusqanpi iñispallaykichikmi.

Colosenses 2:3

Payllapim pakasqa kachkan qori-qollqe hina tukuy yachayniyuq hinaspa yuyayniyuq kaypas.

1~Tesalonicenses 1:5

Qamkunaman Cristomanta allin noticia willasqaykutaqa manam rimayllachu-rimarqaniku, aswanqa Chuya Espiritupa atiyninwanmi chayachimurqaykiku, ñoqaykupas cheqappaq hapispaykum willarqaykiku. Yachasqaykichikpi hinapas qamkunata kuyaspam allinta kawsarqaniku.

1~Tesalonicenses 4:4

Sapakamayá warmillaykichikwan kaychik ama huchallikuspa chaynataq respetaspa.

2~Timoteo 2:20

Hatun wasipiqa imakunapas manam qorimanta qollqellamantachu kachkan, kachkantaqmi kullumanta hinaspa allpamantapas. Wakinmi allin kaqkunapi servikunanpaq, wakinñataq sapa punchaw qachachanapaq.

Jueces 7:2

Hinaptinmi Gedeonta Tayta Dios nirqa: Madianitakunata makikiman churanaypaqqa qanwan kaq runakunam achkallaña kachkanku, yanqañataq Israel miraykunaqa hatunchakunmanku, “kikiykum librakunikuqa”, nispanku.