2~Corintios 4:1 - CHUYA QELLQA La Biblia en Quechua de Ayacucho 2012

¹ Chaynaqa, manam hukmanyanikuchu, Diosmi kuyakuyninman hina kay llamkaytaqa qowarqaku.

Quechua Ayacucho Bible 1987

¹ Manam hukmanyanikuchu Diospa kuyakuyninman hina kay llamkay qowasqankumantaqa.

Chuya Qellqa 1992

¹ Chaynaqa, manam hukmanyanikuchu, Diosmi kuyakuyninman hina kay llamkaytaqa qowarqaku.

2~Corintios 4:1 Iomraidhean Croise

Isaías 40:30

Jovenkunam pisipaspa wañunayanku, kallpasapakunam hukmanyaspa wichinku.

Isaías 40:31

Tayta Diosman hapipakuqkunam ichaqa musoq kallpayuq kanqaku, anka hinaraqmi pawarinqaku, kallpaspankupas manam saykunqakuchu, purispankupas manam pisipanqakuchu.

Jeremías 45:3

Qanmi nichkanki: ¡Ay, imaraq viday! Tayta Diosmi nanayniyman llakikuyta yapay-kamun. Waqaytapas amiruniñam, manañam hawkayaytapas tariniñachu, nispayki.

Lucas 18:1

Mana pisipaspa Diosta tukuy tiempo mañakunamanta yacha-chispanmi kay rikchanachiyta Jesús nirqa:

1~Corintios 3:5

Aswanqa, ¿pitaq Apolosqa? ¿Pitaq ñoqaqa kani? Ñoqaykuqa Diospa serviqnillanmi kaniku, ñoqaykutakamam iñikurqankichikpas, ñoqaykuqa sapakamam Señorpa qowasqankuta ruwarqaniku.

1~Corintios 7:25

Solterakunamantaqa manam Señorpa kamachikuynin kanchu, ichaqa Señorpa kuyapayawasqanman hina confianza kasqanraykum consejoyta qoni.

2~Corintios 3:12

Confianzawan suyasqaykuraykum mana manchakuspa willakuniku.

2~Corintios 3:6

Paymi allinta yachachiwarqanchik imaynam musoq pactoman hina servikunanchikpaq. Manam qellqasqa leyman hinallachu aswanqa Espirituman hinam. Qellqasqa leyqa wañuymanmi apakun, Espiritum ichaqa kawsachikun.

2~Corintios 4:16

Chaymi mana hukmanyanikuchu, cuerpoyku machuyaptinpas espirituykuqa aswanmi sapa punchaw musoqyachkan.

2~Corintios 5:18

Tukuy kaykunaqa Diosmantam hamun. Paymi Jesucristopa ruwasqallanwan kikinwan allinyanachiwanchik hinaspam kamachiwanchik runakunata paywan allinyanachinanchikpaq.

Gálatas 6:9

Chaynaqa, imapas allin ruwaytaqa amayá amirusunchu, mana amiruspaqa tiempo chayaramuptinmi cosechata hina premiota chaskisunchik.

Efesios 3:13

Chaynaqa, qamkunarayku ñakarisqaywanqa amayá hukmanyaruychikchu, chayqa aswanraq alabakunaykichikpaqmi.

Filipenses 4:13

Kallpanchawaqniy Cristowanmi tukuy ima ruwayta atini.

2~Tesalonicenses 3:13

Wawqe-panillaykuna, qamkunayá ichaqa allinkuna ruwaytaqa ama amiy-chikchu.

1~Timoteo 1:13

Ñawpaqtaqa ñoqaqa Diospa contranpim karqani, paypi iñiqkunatam qatikacharqani, chaynata ruwaspaymi payta piñachirqani. Ichaqa Diosmi llakipayariykuwarqa manaraq iñisqayrayku mana yachaywan chayta ruwasqaymanta.

Hebreos 12:3

Chaynaqa, Señor Jesuspa ejemplonpiyá yuyaymanaychik, paymi ñakarirqa huchasapa runakunapa kamikuyninta, chaynapi mana pisiparunaykichikpaq nitaq huk-manyarunaykichikpaq.

1~Pedro 2:10

Ñawpaqtaqa manam llaqtanchu karqankichik, kunanmi ichaqa Diospa llaqtanña kankichik. Ñawpaqtaqa mana llakipayasqam karqankichik, kunanmi ichaqa Diospa llakipayasqanña kachkankichik.

Apocalipsis 2:3

Ñakarispapas pacienciakurqankim, ñoqaraykutaqmi mana pisipaspa llumpa-llumpayta llamkarqanki.