2~Corintios 3:7 - CHUYA QELLQA La Biblia en Quechua de Ayacucho 2012

⁷ Diospa leyninqa palta rumipi qellqasqa kachkaspapas ancha atiyniyuqmi karqa, chaymi Moisesman qosqa kaptin, Israel runakunaqa Moisespa uyan sinchita achkirisqanrayku mana qawaytapas atirqakuchu. Chay leyqa atiyniyuq kachkaspapas chinkaruqllam karqa.

Quechua Ayacucho Bible 1987

⁷ Moisespa leyninqa labrasqa rumipi qellqasqa kaspapas anchallatañam achkirirqa, chaymi Israel runakunaqa mana Moisespa uyantapas qawayta atirqakuchu. Chayna kachkaspapas chay achkiriyqa tutayarurqam, chay leyqa sinchi achkiriywan hamuchkaspapas wañuyllamanmi apakun.

Chuya Qellqa 1992

⁷ Diospa leyninqa palta rumipi qellqasqa kachkaspapas ancha atiyniyuqmi karqa, chaymi Moisesman qosqa kaptin, Israel runakunaqa Moisespa uyan sinchita achkirisqanraykum mana qawaytapas atirqakuchu. Chay leyqa atiyniyuq kachkaspapas chinkaruqllam karqa.

2~Corintios 3:7 Iomraidhean Croise

Génesis 3:21

Hinaspam qaramanta pachata ruwaykuspa warmiqarita Tayta Dios pachaykachirqa.

Nehemías 9:13

Sinaí orqopa hawanmanmi uraykamurqanki, hanaq pachamantam paykunata rimapayamurqanki, reglamentoykikunatawan yachachikuynikikunatam qorqanki, estatutoykikunatawan allin kamachikuykunatam qorqanki.

Éxodo 24:12

Moisestam Tayta Dios nirqa: Ñoqapa kasqay orqoman qespimuy hinaspa chaypi suyaway, tabla rumikunapi qellqasqay yachachikuytawan kamachikuykunatam qanman qosqayki, chaynapi runakunaman yacha-chinaykipaq, nispa.

Éxodo 31:18

Sinaí orqopi Tayta Dios rimayta tukuruspanmi Moisesman iskay tabla rumikunapi chunkantin kamachikuyta qoykurqa, chaykunaqa Diospa dedonwan qellqasqam karqa.

Éxodo 32:19

Moisesmi campamentoman chayaruspan rikururqa malta torillotawan runakunapa tususqanta, chaymi hapisqan tabla rumikunata piñakuywan chamqarurqa, hinaptinmi orqopa sikinpi pakipakururqa.

Éxodo 34:1

Moisestam Tayta Dios nirqa: Iskay tabla rumikunata labray punta kaqkunata hina, ñuturusqayki tabla rumikunapi qellqatam musoqmanta qellqasaq.

Hechos 6:15

Hinaptinmi chay cortepi llapallan tiyaqkuna Estebanpa uyanta qawarispanku angelpa uyanta hina rikururqaku.

Romanos 10:4

Kamachikuykunapa tukupayninqa Cristom, chaynapi haykam payman iñiqkunaqa mana huchayuqpaqña chaskisqa kanankupaq.

Romanos 4:15

Leyqa castigotam apamun, mana leypa kasqanpim ichaqa mana ima pantaypas kanchu.

Romanos 5:20

Leyqa qomusqa karqa hucha astawan achkayananpaqmi, ichaqa hucha astawan rikuriptinmi, Diospa kuyapayakuyninpas aswan chaninchasqa karqa.

Romanos 7:10

Chaynapim kawsayman pusawaqniy kamachikuyqa wañuyman aparuwan.

Romanos 7:22

Sonqoypiqa Diospa ley-ninpim kusikuni;

Romanos 7:5

Aychapa munasqanman hina kawsaptinchikqa leypas mana allinkuna ruwaymanmi tanqawarqanchik, chaynapim wañuypaq kaqkunallata ruwachiwarqanchik.

1~Corintios 13:10

Cheqap kaq hamuruptinqa, wakin yachasqanchikmi tukurunqa.

2~Corintios 3:3

Qamkunaqa kankichik Cristopa cartasqan hinam, ñoqaykuñataqmi chay carta apaqkuna kaniku. Chay cartaqa manam tintawan qellqasqachu, aswanqa kawsaq Diospa Espiritunwanmi, qellqasqaqa kachkan manam rumi labrasqapichu aswanqa runapa sonqonpim.

2~Corintios 3:6

Paymi allinta yachachiwarqanchik imaynam musoq pactoman hina servikunanchikpaq. Manam qellqasqa leyman hinallachu aswanqa Espirituman hinam. Qellqasqa leyqa wañuymanmi apakun, Espiritum ichaqa kawsachikun.

2~Corintios 3:8

Ichaqa, ¡mayna achkiriywanraq Chuya Espiritupa kawsay qowasqanchikqa hamunqa!

Gálatas 3:10

Haykam leyman hapipakuqkunaqa ñakasqam kachkanku. Chuya Qellqam nin: “Pipas kay qellqapi leyta mana lliwta kasukuqqa Diospa ñakasqanmi kanqa”, nispa.

Gálatas 3:21

Moisespa kamachisqankunaqa, ¿Diospa promesanpa contranpichu kachkan? ¡Manapunim! Manam ima leypas kanchu chayta kasukuspanchik wiñay kawsananchikpaqqa. Chayna kaptinqa, chaywanchiki cheqapta mana huchayuqpaqña Dios chaskiwachwan karqa.

Deuteronomio 4:13

Kikin Tayta Diosmi qamkunawan pacto ruwasqanta willasurqankichik. Chay pactoqa iskay tabla rumikunapi qellqasqa chunka kamachikuykunam karqa. Chaykunataqa ruwayman churanaykichikpaqmi kamachikurqa.

Deuteronomio 4:8

¿May-qan hatun nacionpa kamachikuyninwan yachachikuynintaq kanman qamkunaman kunan yachachisqay kamachikuykunawan yachachikuykuna hinaqa?

Deuteronomio 5:22

Kay kamachikuykunatam lenwachkaq nina ukumanta chaynataq tutayaq puyu ukunmanta Tayta Dios hatunmanta rimarirqa, orqopa ñawpaqnin pampapi huñunasqa kachkaptikichik. Chaymantam iskay tabla rumikunapi qellqaspan ñoqaman qowarqa.

Deuteronomio 9:15

Chaymi ratachkaq orqomanta uray-kamurqani chay pactota iskay tablakunapi marqarikuspay.

Hebreos 12:18

Qamkunaqa manam Israel runakuna hinachu asuykuchkankichik ninapa rupasqan hapiy atina orqomanchu, yana puyumanchu, tutayaymanchu, sinchi wayrapa kasqanmanchu,

Hebreos 3:3

Wasimantaqa ruwaqninmi aswan reqsisqa, chaynam Jesuspas Moisesmantaqa aswan reqsisqa.

Hebreos 9:4

Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.