2~Corintios 3:6 - CHUYA QELLQA La Biblia en Quechua de Ayacucho 2012

⁶ Paymi allinta yachachiwarqanchik imaynam musoq pactoman hina servikunanchikpaq. Manam qellqasqa leyman hinallachu aswanqa Espirituman hinam. Qellqasqa leyqa wañuymanmi apakun, Espiritum ichaqa kawsachikun.

Quechua Ayacucho Bible 1987

⁶ Paymi preparawarqaku mosoq contratoman hina servinaykupaq. Servinikuqa manam qellqasqa leyman hinallachu aswanqa Espirituman hinam. Qellqasqa leyqa wañuyllamanmi apakun, Espiritum ichaqa kawsachikun.

Chuya Qellqa 1992

⁶ Paymi allinta yachachiwarqanchik imaynam musoq pactoman hina servikunanchikpaq. Manam qellqasqa leyman hinallachu aswanqa Espirituman hinam. Qellqasqa leyqa wañuymanmi apakun, Espiritum ichaqa kawsachikun.

2~Corintios 3:6 Iomraidhean Croise

Jeremías 31:31

Tayta Diosmi kaynata nin: Hamuchkanmi punchaw, Israelwanpas chaynataq Judawanpas musoq pactota ruwanaypaq.

Mateo 13:52

Jesusñataqmi nirqa: Chayraykum Diospa munaychakuyninmanta allin yachachisqa Diospa leynin yachachiqkunaqa huk wasipa dueñonman rikchakunku, payqa tukuy kapuqninkuna waqaychasqanmantam musoqtapas otaq mawkatapas hurqomun, nispan.

Mateo 26:28

Kayqa musoq pactota ruwasqay yawarniymi. Kay yawarmi achkaqpa rantinpi chaqchusqa kanqa, chaynapi huchanku pampachasqa kananpaq.

Marcos 14:24

Chaymi Jesús nirqa: Kaymi qamkunawan musoq pacto ruwasqay yawarniy, kay yawarmi achkaqpa rantinpi chaqchusqa kanqa.

Lucas 22:20

Cenayta tukuruspanmi vinoyuq vasota hapiykuspan nirqa: Kay vasom yawarniywan ruwasqa musoq pacto, chaymi qamkunarayku chaqchusqa kanqa.

Juan 5:21

Imaynam wañuqkunata Dios Tayta kawsarichispa kawsayta qon, chaynam Churipas pim munasqanman kawsayta qon.

Juan 6:63

Espiritum kawsay qokuqqa, aychaqa manam imapaqpas valenchu. Kay rimapayasqaykunaqa espiritum hinaspa kawsay qokuqmi.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 3:20

Leyman hinaqa manam pipas Diospa qayllanpiqa mana huchayuqqa kanmanchu, leyqa huchayuq kasqanchiktam reqsichiwanchik.

Romanos 4:15

Leyqa castigotam apamun, mana leypa kasqanpim ichaqa mana ima pantaypas kanchu.

Romanos 4:17

Qellqapipas kaynatam nin: Achka nacionkunapa taytan kanaykipaqmi churayki, nispa. Abrahammi creerqa wañuqkuna kawsa-richiq Diospi hinaspam imapas manaraq kaqkunamanta riman, yaqapas kachkanmanñapas hina.

Romanos 7:6

Kunanmi ichaqa munaychakuwaqninchik leypaqqa wañurunchikña, chaynapim libreña kachkanchik, Espiritupa qowasqanchik musoq kawsakuypiña Diosta servinanchikpaq, manam ñawpaq qellqasqa leyman hinañachu.

Romanos 8:2

Jesucristontakama kawsay qokuq Espiritupa leyninmi, wañuymantawan huchapa kamachikuyninmanta libraykuwan.

1~Corintios 11:25

Cenayta tukuruspanñataqmi copata hapiykuspan nirqa: Kay copam yawarniywan ruwasqay musoq pacto, kayta sapa kuti tomaspam ñoqamanta yuyariwankichik, nispa.

1~Corintios 12:28

Diosmi iglesiapi puntata churarqa apostolkunata, iskay kaqpiñataq profetakunata, kimsa kaqpiñataq yachachiqkunata, chaymantañataq milagrokuna ruwaqkunata, onqoqkuna sanoyachiqkunata, yanapa-kuqkunata, imamantapas nanachikuqkunata hinaspa mana yachasqanchik rimaykuna rimaqkunata.

1~Corintios 15:45

Chuya Qellqapim kaynata nin: Punta kaq Adanmi kawsaq runa karqa, qepa kaq Adanñataqmi kawsay qokuq Espíritu, nispa.

1~Corintios 3:10

Ñoqaqa Diospa qowasqan kuyakuywanmi maestro albañil hina kani, hinaptinmi ñoqa cimientota churarqani hukñataqmi chaypa hawanman perqan, chay perqaqkunaqa sapakamam imam perqasqankuta cuidadowan ruwananku.

1~Corintios 3:5

Aswanqa, ¿pitaq Apolosqa? ¿Pitaq ñoqaqa kani? Ñoqaykuqa Diospa serviqnillanmi kaniku, ñoqaykutakamam iñikurqankichikpas, ñoqaykuqa sapakamam Señorpa qowasqankuta ruwarqaniku.

2~Corintios 11:23

¿Cristopa serviqninkunachu kanku? Loco hinam nichkaykichik, ñoqaqa aswanraqmi Cristotaqa servichkani, paykunamantaqa mastam llamkarqani, mastam azotetapas chaskirqani, carcelkunapim karqani, achka kutitataqmi wañuymantapas ayqerqani.

2~Corintios 3:14

Paykunaqa manam entiendeyta atirqakuchu, kunanpas ñawpaq pactota leeptinkum yuyayninkuqa velowan tapasqa hina kachkan mana entiendenankupaq, chay tapaqninkuqa manaraqmi hurqosqaraqchu, chaytaqa Cristollam hurqonqa.

2~Corintios 3:3

Qamkunaqa kankichik Cristopa cartasqan hinam, ñoqaykuñataqmi chay carta apaqkuna kaniku. Chay cartaqa manam tintawan qellqasqachu, aswanqa kawsaq Diospa Espiritunwanmi, qellqasqaqa kachkan manam rumi labrasqapichu aswanqa runapa sonqonpim.

2~Corintios 3:7

Diospa leyninqa palta rumipi qellqasqa kachkaspapas ancha atiyniyuqmi karqa, chaymi Moisesman qosqa kaptin, Israel runakunaqa Moisespa uyan sinchita achkirisqanrayku mana qawaytapas atirqakuchu. Chay leyqa atiyniyuq kachkaspapas chinkaruqllam karqa.

2~Corintios 3:9

Condenawaqninchik leypas achkiriyniyuq kachkaptinqa, ¡maynataraq pampachaykuymanta allin noticia willakuyqa achkirinqa!

Gálatas 3:21

Moisespa kamachisqankunaqa, ¿Diospa promesanpa contranpichu kachkan? ¡Manapunim! Manam ima leypas kanchu chayta kasukuspanchik wiñay kawsananchikpaqqa. Chayna kaptinqa, chaywanchiki cheqapta mana huchayuqpaqña Dios chaskiwachwan karqa.

Efesios 2:1

Huchaykichikrayku wañusqa hina kachkaptikichikmi Diosqa kawsarichisurqankichik.

Efesios 2:5

huchanchikrayku wañusqa hina kachkaptinchikpas Jesucristotawan kuskatam kawsariykachiwanchik. Chaynaqa, kuyakuyninraykullam Diosqa salvaykusurqankichik.

Efesios 3:7

Diosmi kuyakuyninpi atiyninta qoykuwarqa, Jesucristomanta allin noticiata willakunaypaq.

Deuteronomio 27:26

¡Kay yachachikuykunata mana kasukuq, mana ruwayman churaq runaqa ñakasqayá kachun! nispanku. Hinaptinmi llapa runakunañataq ninqaku: ¡Amén! nispanku.

1~Timoteo 4:6

Sichum kaykunata wawqe-panin-chikkunaman yachachispaykiqa, Jesu-cristopa allin serviqnin hinaspa iñisqanchik palabrakunapi allin yachayniyuqmi kanki, chay yachasqaykitam allinta qatichkanki.

2~Timoteo 1:11

Diosmi churawarqa Jesucristomanta allin noticiata willakunaypaq, apostolnin hinaspa yachachikuq kanaypaq.

Hebreos 12:24

musoq pactoman pusawaqninchik Jesusmanpas chaynataq chaqchusqan yawarninmanpas. Paypa yawarninqa Abelpa yawarninmantapas aswanraqmi yachachiwanchik.

Hebreos 13:20

Hawkayay qokuq Diosyá, yawar-ninwan wiñaypaq musoq pactota ruwaq otaq ovejakunapa hatun michiqnin Señorninchik Jesucristo kawsarichiq Diosyá

Hebreos 7:22

Chayraykum Jesusqa musoq pactota cheqapchan punta pactomantapas aswan allinta.

Hebreos 8:13

Musoq pactomanta Dios rimaspanqa punta kaq pactotam mawkayarachinña. Mawkayachisqa manaña servikuq pactoqa chinkarunanpaq hinañam kachkan.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.

1~Juan 1:1

Tukuy imapas manaraq unanchasqa kachkaptinqa kawsay qokuq Simiqa karqañam. Paytam ñoqaykupuni uya-rirqaniku, rikurqaniku hinaspa makiykuwan llapcharqaniku.