2~Corintios 3:17 - CHUYA QELLQA La Biblia en Quechua de Ayacucho 2012

¹⁷ Señorqa Espiritum, maypim Se-ñorpa Espiritunpa kasqanpiqa runaqa libreñam.

Quechua Ayacucho Bible 1987

¹⁷ Señorqa Espiritum, maypim Espiritupa kasqanpiqa runakunapas librem.

Chuya Qellqa 1992

¹⁷ Señorqa Espiritum, maypim Señorpa Espiritunpa kasqanpiqa runaqa libreñam.

2~Corintios 3:17 Iomraidhean Croise

Juan 6:63

Espiritum kawsay qokuqqa, aychaqa manam imapaqpas valenchu. Kay rimapayasqaykunaqa espiritum hinaspa kawsay qokuqmi.

Juan 8:32

hinaspam cheqap kaqta reqsinkichik, chay cheqapmi libreta ruwasunkichik, nispa.

Romanos 8:2

Jesucristontakama kawsay qokuq Espiritupa leyninmi, wañuymantawan huchapa kamachikuyninmanta libraykuwan.

1~Corintios 15:45

Chuya Qellqapim kaynata nin: Punta kaq Adanmi kawsaq runa karqa, qepa kaq Adanñataqmi kawsay qokuq Espíritu, nispa.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

2~Corintios 3:6

Paymi allinta yachachiwarqanchik imaynam musoq pactoman hina servikunanchikpaq. Manam qellqasqa leyman hinallachu aswanqa Espirituman hinam. Qellqasqa leyqa wañuymanmi apakun, Espiritum ichaqa kawsachikun.

Gálatas 4:6

Churinkunaña kaptinchikmi, Diosqa Churinpa Espiritunta sonqonchikman kachamurqa, chay Espiritum rimachiwanchik “Abba Padre”, nispa.

Gálatas 5:1

Cristom judiokunapa kamachikuyninkunamanta librawarqanchik. Chaynaqa, qaqa hina sayaspayá amaña yugoman watasqa esclavo hina kawsaymanqa kutiriychikchu.

Gálatas 5:13

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

2~Timoteo 1:7

Diosqa manam manchakuy espiritutachu qowarqanchik, aswanqa atiywan, kuyakuywan hinaspa sonqonchik controlakuq kananchikpaqmi.