2~Corintios 2:14 - CHUYA QELLQA La Biblia en Quechua de Ayacucho 2012

¹⁴ Ichaqa Diosmanyá gracias kachun Cristo Jesuspi vencechiwasqanchikmanta. Paymi ñoqanchiktakama perfumeta hina yachayninta tukuy hinastinman cheqechin.

Quechua Ayacucho Bible 1987

¹⁴ Ichaqa Diosmanyá gracias kachun Cristo Jesuspi vencechiwasqanchikmanta. Paymi *f**perfumeta hina yachayninta tukuy hinastinman ñoqanchikwan cheqechin.

Chuya Qellqa 1992

¹⁴ Ichaqa Diosmanyá gracias kachun Cristo Jesuspi vencechiwasqanchikmanta. Paymi ñoqanchiktakama perfumeta hina yachayninta tukuy hinastinman cheqechin.

2~Corintios 2:14 Iomraidhean Croise

Cantares 1:3

Perfumekikunapas miski-miski asnariqmi, sutikipas tallisqa perfume hinaraqmi, chayraykum sipaskuna kuyasunki.

Ezequiel 20:41

Qamkunatam nacionkunapi llaqtakunapi cheqesqa kasqaykichikmanta hurqomusqaykichik, hinaspam llapa nacionkunapa qayllanpi miski asnaq ofrendata hina chaskispay chuya kasqayta reqsichisqaykichik.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Romanos 1:8

Imamantapas puntataqa, iñisqay-kichikmanta tukuy hinastinpi allin-ta willakusqankuta yachaspaymi Jesu-cristopa sutinpi llapallaykichikmanta Diosman graciasta qoni.

Romanos 15:19

Paypunim señalkunata hinaspa milagrokunata Chuya Espiritupa atiyninwan ruwachiwarqa. Chaymi Cristomanta allin noticiakunata tukuy hinastinpi willakurqani, Jerusalenmanta qallaykuspay Ilírico lawkama.

Romanos 6:17

¡Ichaqa Diosmanyá gracias kachun! Ñawpaqtaqa huchapa esclavonmi karqankichik, kunanmi ichaqa yachachikuykuna chaskisqaykichikta tukuy sonqomanta kasukuchkankichik.

Romanos 8:37

Astawanqa tukuy kaykunatam vencenchik kuyawaqninchik Señorninchik Jesucristontakama.

1~Corintios 12:8

Espirituntakamam wakinman atiyta qon yachaywan rima-nanpaq, wakinmanñataq yuyaywan rima-nanpaq.

1~Corintios 15:37

Tarpunchikqa manam plantatañachu aswanqa muhullatam, trigo kaptinpas otaq sapaq muhu kaptinpas.

1~Corintios 15:57

Ichaqa Diosman gracias kachun Señor Jesucristowan vencesqanchikmanta.

2~Corintios 1:11

Sichum qamkuna ñoqaykupaq Diosta mañakuspa yanapawaptikikuqa. Sichum ñoqaykupaq Diosta achkaq mañakuptinkuqa, achkaqtaqmi Diosmanta gra-ciasta qonqaku tukuy imapas chaskis-qaykumanta.

2~Corintios 8:16

Diosmanmi graciasta qoni nanachikusunaykichikpaq Titomanpas allin sonqota ñoqaman hina qosqanmanta.

2~Corintios 9:15

Diosman gracias kachun mana imayna niy atiy qokuyninmanta.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Efesios 5:20

Tu-kuy imamantayá Señorninchik Jesu-cristopa sutinpi Dios Taytaman graciasta qoychik.

Filipenses 4:18

Ñoqaqa puchu-puchutaraqmi chaskiruni. Epafroditowan apachimuwasqaykichikwanmi achkaña kapuwachkan, apachimuwasqaykichikqa karqa Diospaq miski asnaq ofrenda hinam hinaspa paypa agradonpaq kañasqa animal hinam.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

Colosenses 1:6

Chay palabraqa qamkunamanwan hinaspa lliw kay pachapi runakunamanmi chayamurqa, hinaspam allinta ruruspan tukuy hinastinpi mirachkan, chaynaqa kachkan uyarisqaykichik hinaspa Diospa kuyakuynin chaskisqaykichik punchawmantaraqmi.

Colosenses 2:15

Diosmi llapallanpa qayllanpi Jesucristontakama cruzpi vencespan, mana allin espiritupi atiyniyuqkunatawan, munayniyuqkunata penqayman churarun.

1~Tesalonicenses 1:8

Qamkunamanta qallaykuspam Señorpa palabranqa willakusqa karqa. Chayqa manam Macedonia lawllapichu nitaq Acaya lawllapichu, aswanqa tukuy hinastinpim. Diosman iñisqaykichikmantaqa lliwñam yacharunku chaymi ñoqaykuqa manaña willakunaykuñachu.

1~Tesalonicenses 3:9

Qamkunaraykum llumpayta Diosman graciasta qoniku, paypa qayllanpi llumpay kusichiwasqaykikumanta.

1~Timoteo 2:8

Ñoqam munachkani tukuy hinastinpi kaq runakuna makinkuta hoqaris-panku Diosta chuya sonqolla mañaku-nankuta, chaytaqa ruwachunku ama piñakuspa hinaspa ama atipanakuspa.

2~Timoteo 2:2

Achka runakunapa qayllanpi uyariwasqaykita, iñiyninpi allin takyaq runa-kunaman yachachiy, chaynapi paykunapas hukkunaman yachachinankupaq.

Apocalipsis 7:12

“¡Amén! Hatunchaypas, qapaqchaypas, yachaypas, gracias qoypas, yupaychaypas, atiypas, kallpapas, Diosninchikman wiña-wiñaypaq qosqa kachun. ¡Amén!” nispanku.