2~Corintios 13:11 - CHUYA QELLQA La Biblia en Quechua de Ayacucho 2012

¹¹ Wawqe-panillaykuna, kusisqa kawsanaykichiktam munani, chuya kawsaytayá maskaychik. Kallpanchanakuspaykichikyá huk sonqolla hinaspa hawkalla kawsakuychik, chayna kaptinqa kuyakuq hinaspa hawkayay qokuq Diosmi qamkunawan kanqa.

Quechua Ayacucho Bible 1987

¹¹ Wawqe-panillaykuna, qamkunañayá allinlla, amañamá huchallikunkichikñachu. Qamkunaqa kallpanchakuychikyá, huk sonqollañayá hawkalla kawsakuychik, chayna kaptinqa kuyakuq hinaspa hawkayay qokuq Diosmi qamkunawan kanqa.

Chuya Qellqa 1992

¹¹ Wawqe-panillaykuna, kusisqa kawsanaykichiktam munani, chuya kawsaytayá maskaychik. Kallpanchanakuspaykichikyá huk sonqolla hinaspa hawkalla kawsakuychik, chayna kaptinqa kuyakuq hinaspa hawkayay qokuq Diosmi qamkunawan kanqa.

2~Corintios 13:11 Iomraidhean Croise

Génesis 37:4

Taytankupa llumpay kuyasqanta qawaspankum wawqenkunaqa Joseyta cheqnikurqaku, hinaspam allillaqa rimapayaqkupaschu.

Génesis 45:24

Wawqenkunata aviaspanmi José nirqa: Yanqañataq ñanpi piñanakuwaqchik, nispa.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Mateo 5:48

Qamkunaqa hanaq pachapi Taytaykichik hina mana pantaqyá kaychik.

Marcos 10:49

Jesusñataqmi sayaykuspan nirqa: Qayamuychik, nispa. Chaymi ñawsata qayamuspanku nirqaku: Kallpanchakuy, hatarispa asuykuy qayasuchkankim, nispanku.

Marcos 9:50

Kachiqa allinmi, sichum kachi qamyayaruspanqa, ¿imapaqtaq valenman? Amayá qamkunapi kachi pisichunchu, chaynapi runamasikichikwanpas hawkalla kawsanaykichikpaq, nispa.

Lucas 9:61

Huk runapas nirqataqmi: Señor, qanwan riytam munani, ichaqa puntatayá wasiypi kaqkunamanta despedikaykamusaq, nispa.

Juan 17:23

Ñoqam paykunapi kachkani, qamñataqmi ñoqapi, chaynapi paykunaqa hukllaña ka-nankupaq, chaynapim runakuna yachan-qaku qampuni kachamuwasqaykita, yachanqakutaqmi kuyawasqaykita hina paykuna kuyasqaykitapas.

Hechos 15:29

Amam mikunkichikchu idolokunaman ofrecesqa aychataqa, amam mikunkichikchu yawartaqa nitaq yawarpa pasasqan aychatapas, amataqmi huchapakunkichikchu. Allinpunim kaykunata kasukuptikichikqa. Qamkunañayá allinlla” niqta.

Hechos 18:21

payku-namanta despedikurqa: Dios munaptinqa huktawanmi kutimusaq watukuqnikichik, nispan. Chaymantam barcopi Éfeso llaqtamanta pasakurqa.

Hechos 23:30

Ichaqa wañurachinankupaq llapa judiokunapa tanteanakusqanta yacharuspaymi qanman pusachimuyki. Chaynallataqmi acusaqninkunatapas kamachini qampa qayllaykipiña acusanankupaq”, nispa.

Romanos 12:16

Huk sonqolla kawsaychik, ama hatunchakuspa aswanqa humillakuspa kawsakuychik, amataq llumpay yachayniyuqpaqpas hapikuychikchu.

Romanos 12:18

Atisqaykichikman hinayá imatapas ruwaychik, llapa runawan hawkalla kawsanaykichikpaq.

Romanos 14:19

Chaynaqa, hawkalla kawsakuytayá maskasun, chaynapi iñiqmasinchikkunawan aswan wiñachinakunanchikpaq.

Romanos 15:13

Confianzawan suyasqanchik Dios-ninchikyá haykam paypi iñiqkunata kusikuywan hinaspa hawkayaywan huntaykusunkichik, chaynapi Chuya Espiritupa atiyninwan aswan-aswan confiakuspa suyanaykichikpaq.

Romanos 15:33

Hawkayay qokuq Diosyá llapallaykichikwan kachun. Amén.

Romanos 16:20

Hawkayay qokuq Diosninchikmi Satanastaqa chakikichikman churaspa chaylla sarupanqa. Señorninchik Jesucristopa kuyakuyninyá qamkunawan kachun.

1~Corintios 1:10

Wawqe-panillaykuna, Señorninchik Jesucristopa sutinpim ruegakamuykichik, rimaynikichikpas hukllayá kachun, amayá qamkunapiqa rakinakuyqa kachunchu; qamkunaqa huk sonqollayá hinaspa huk piensayniyuqllayá kaychik.

2~Corintios 1:4

Paymi tukuy sasachakuyninchikpi kallpanchawanchik, chaynapi ñoqanchikpas sasachakuypi kaqkunata Diospa kallpanchawasqanchikman hina kallpanchananchikpaq.

2~Corintios 13:14

Chaynaqa, Señor Jesucristopa kuyakuyninwan, Dios Taytapa kuyapayakuyninyá hinaspa Chuya Espiritupa kallpanchakuyninyá llapallaykichikwan kachun.

2~Corintios 13:9

Chaymi mana kallpayuq kaspaykupas, qamkunañataq kallpayuq kasqayki-chikmanta kusikuchkaniku, aswanraq-mi Diosta mañakuchkaniku mana huchayuqña kanaykichikpaq.

Efesios 4:12

Paykunatam churarqa iñiqkunata allinta yachachispa Diospa obranpi llamkanankupaq, chaynapi Cristopa cuerpon wiñachisqa kananpaq.

Efesios 4:3

Chuya Espiritupa yanapakuyninwanyá huk sonqolla kaychik, tukuy tiempopi hawkalla kawsanaykichikpaq.

Efesios 6:23

Dios Taytanchikyá hinaspa Señor-ninchik Jesucristoyá hawkayaytawan, kuyakuyta hinaspa iñiyta llapallan waw-qe-panikunaman qosunkichik.

Filipenses 1:27

Jesucristomanta allin noticia uyarisqaykichikman hinayá vidaykichik kachun. Watukamuspay otaq maypiña kaspaypas qamkunaman-tam uyariyta munani huk sonqolla qaqa hina sayaspa vencesqaykichikmanta, iñisqaykichik allin noticiata willaku-naykichikpaq kallpanchakusqaykichik-manta hinaspa

Filipenses 3:16

Ichaqa sapakamayá Diospa palabran yachasqanchikman hina kawsasunchik.

Filipenses 4:2

Evodiatawan Sintiquetam ruegakuni, Señorninchikman iñiqkuna hina huk sonqolla kanankupaq.

Filipenses 4:4

Señorninchikwan huklla kaspayá tukuy tiempo kusikuychik, huktawanraqmi nikichik: Kusikuychikyá, nispa.

Filipenses 4:9

Imam yachachisqayta, chaskisqaykichikta, uyarisqaykichikta hinaspa ñoqapi rikusqaykichiktayá ruwaychik, hinaptinqa hawkayay qokuq Diosmi qamkunawan kanqa.

1~Tesalonicenses 3:10

Tuta-punchawmi Diosta llumpayta mañakuchkaniku qamkunata rikuykunaykupaq, chaynapi iñiynikichikpa pisisqanta huntaykachinaykupaq.

1~Tesalonicenses 4:1

Wawqe-panillaykuna, qamkunatam yachachirqaykichik Diospa munasqanman hina kawsanaykichikpaq. Chaynatam qamkuna kawsachkankichik, Señor Jesusraykum ruegakuspa mañakuykiku aswanraq chaynata kawsanaykichikpaq.

1~Tesalonicenses 4:18

Kay palabrakunawanyá kallpan-chanakuychik.

1~Tesalonicenses 5:13

Paykunataqa llam-kasqankuraykuyá sinchita kuyaychik. Qamkunapurapas hawkallayá kawsa-kuychik.

1~Tesalonicenses 5:16

Tukuy tiempoyá kusisqa kaychik.

1~Tesalonicenses 5:23

Hawkayay qokuq kikin Diosnin-chikyá espirituykichikta, almaykichik-ta hinaspa cuerpoykichikta lliwta chuyanchachun, mana huchayuqta-ñayá waqaychasunkichik Señorninchik Jesucristo hamunankama.

2~Tesalonicenses 2:16

Kuyawaspanchik wiñay consuelo qowaqninchik hinaspa kuyakuywan suyakuy qowaqninchik, Señorninchik Jesucristowan Dios Taytanchikyá,

2~Tesalonicenses 3:1

Wawqe-panillaykuna, ñoqaykupaqpas Diostayá mañakuychik, chaynapi paypa palabranta willakuptiyku Diosta hatunchaspa qamkuna hina chaskinankupaq.

2~Tesalonicenses 3:16

Hawkayay qokuq Señoryá tukuy tiempo hinaspa tukuy imapipas hawkayayta qosunkichik. Señorninchikyá llapaykichikwan kachun.

2~Timoteo 2:22

Joven kaypa munapayayninkunamanta ayqekuspa allin kaqkunata maskay, allin ruwayta, iñiyta, kuyakuyta hinaspa hawkayayta, haykam chuya sonqonkumanta Señorninchikta qayakuqkunawan kuska.

Hebreos 12:14

Llapallanwanyá hawkalla kawsaychik, chuyanchakuypi kawsaychik, mana chuya kaspaqa manam pipas Señortaqa rikunqachu.

Hebreos 13:20

Hawkayay qokuq Diosyá, yawar-ninwan wiñaypaq musoq pactota ruwaq otaq ovejakunapa hatun michiqnin Señorninchik Jesucristo kawsarichiq Diosyá

Santiago 1:4

Ichaqa qespichisqa kanaykichikkamayá aswanraq pacienciakuychik, chaynapi iñiypi wiñaspa mana imapa pisisqan kanaykichikpaq.

1~Pedro 3:11

Mana allinmanta ayqekuy, allin kaqkunata ruway, hawkayayta maskaspa chayllata qatiy.

1~Pedro 3:8

Chaynaqa, llapallaykichikyá huk sonqolla kawsaychik, llakipayanakuspa, kuyanakuspa hinaspa lliwpaq allin runa kaychik.

1~Pedro 5:10

Pisi tiempollapas chaykunata ñakariruptikichikqa kikin Diosmi mana chikan huchayuq kayman chayachisunkichik, qaqa hina sayaqta, kallpayuqta hinaspa allin takyaqta. Tukuy imapi yanapawaqninchik Diosmi Cristontakama qayaykuwanchik wiña-wiñaypaq kancharichkaq herenciata chaskinanchikpaq.

Apocalipsis 22:21

Señor Jesucristopa kuyakuyninyá qamkunawan kachun. Amén.