2~Corintios 12:6 - CHUYA QELLQA La Biblia en Quechua de Ayacucho 2012

⁶ Alabakuyta munaspayqa manam locoyachkanichu, ñoqaqa cheqapllatam rimachkani, ichaqa manam alabakusaqchu, chaynapi qawaqniykuna hinaspa uyariwaqniykuna mana aswanraq imatapas ñoqamanta piensanankupaq.

Quechua Ayacucho Bible 1987

⁶ Alabakuyta munaspayqa manam locoyachkanichu, ñoqaqa cheqapllatam niyman, ichaqa manam alabakusaqchu chaynapi qawawasqankumanta hinaspa uyariwasqankumanta mana aswanraq imatapas piensanankupaq.

Chuya Qellqa 1992

⁶ Alabakuyta munaspayqa manam locoyachkanichu, ñoqaqa cheqapllatam rimachkani, ichaqa manam alabakusaqchu, chaynapi qawaqniykuna hinaspa uyariwaqniykuna mana aswanraq imatapas ñoqamanta piensanankupaq.

2~Corintios 12:6 Iomraidhean Croise

Jobwan Sutichasqa Libro 24:25

Mana chayna kaptinqa, ¿pitaq llullapaq kunan hapiwanman? Mana chayna kaptinqa ¿pitaq rimasqaykunata yanqachanman? nispa.

Romanos 9:1

Cristopi iñisqayraykum cheqap kaqta rimani, manam llullakunichu. Chuya Espiritupa yanapasqanmi concienciaypas niwan, rimasqayqa cheqap kasqanta.

1~Corintios 3:5

Aswanqa, ¿pitaq Apolosqa? ¿Pitaq ñoqaqa kani? Ñoqaykuqa Diospa serviqnillanmi kaniku, ñoqaykutakamam iñikurqankichikpas, ñoqaykuqa sapakamam Señorpa qowasqankuta ruwarqaniku.

2~Corintios 1:18

Diosqa sumaqtam yachan qamkunaman imam kaq nisqaykutaqa.

2~Corintios 11:16

Yapatawanmi nikichik: Amayá locopaqqa hapiwaychikchu, chaynapaqña hapiwaspaykichikpas chaskiykuwaychik-yá, chaynapi ñoqapas tumpatallatapas alabakunaypaq.

2~Corintios 11:31

Señor Jesuspa Taytan wiñaypaq hatunchana Diosmi mana llullakusqayta yachan.

2~Corintios 12:11

Qamkuna alabawanaykichik kachkaptinmi, loco hina kikillaymanta alabakurqani, ichaqa qamkunam chayta ruwachiwarqankichik. Ñoqaqa mana valeqña kaspaypas chay hatu-hatun apostolkunamantaqa manam menoschu kani.

2~Corintios 12:7

Chay rikusqay suma-sumaq revelacionmanta mana hatun tukunaypaqmi, kichkapa tipakuyninta hina aychaypi qowarqa, chayqa karqa ñakarichiwananpaq Satanaspa kachamusqan toksikuq puyam.

2~Corintios 5:13

Loco hinapas kaniku Diospaqmi, yuyayniyuqpas kaniku qamkunapaqtaqmi.

2~Corintios 7:14

Titoman willaspa qamkunamanta alabakuspayqa manam penqakurqanichu. Aswanqa tukuy ima qamkunamanta payman nisqaykuqa cheqapmi, cheqaptaqmi Titoman qamkunamanta alabakusqaykupas.