2~Corintios 12:1 - CHUYA QELLQA La Biblia en Quechua de Ayacucho 2012

¹ Imatataq hurqokusaq kikiymanta alabakuspayqa. Aswanqa Señorpa qawachiwasqan musqoymantawan revelacionmantam willasqaykichik.

Quechua Ayacucho Bible 1987

¹ Yanqallapaq kaptinpas alabakusaqyá, sueñoyniypi hinaspa revelacionniypi Señorpa qawachiwasqantayá willasqaykichik.

Chuya Qellqa 1992

¹ Imatataq hurqokusaq kikiymanta alabakuspayqa. Aswanqa Señorpa qawachiwasqan musqoymantawan revelacionmantam willasqaykichik.

2~Corintios 12:1 Iomraidhean Croise

Ezequiel 11:24

Chaymantam Diospa Espiritunñataq chay visionpi hoqariruwaspan Babilonia nacionman kutirachiwarqa, preso apasqakunapa kasqanman. Chaynatam Tayta Diospa visión qawachiwasqan chinkarurqa.

Números 12:6

paykunata nirqa: Kay nisqayta uyariychik: Qamkuna ukupi profeta kaptinqa ñoqam payman visionpi rikurisaq, hinaspam mosqoyninpi rimapayasaq.

Juan 16:7

Cheqaptam nikichik: Qamkunapaqqa allinpunim ñoqapa riyniyqa, mana riptiyqa manachá qamkunapa kallpanchasuqnikichikpas hamunmanchu, rispaymi ichaqa kachamusqaykichik.

Juan 18:14

Caifasqa puntataraqmi judiokunata nirqa: “Aswan allinqa kanman nacionninchikpa rantinpi huk runallapa wañuyninmi”, nispan.

Hechos 18:9

Huk tutam Pablo puñuchkaptin, visionninpi Señor rikuriykuspan nirqa: Ama manchakuychu, ama upallaspa hinalla willakuy.

Hechos 23:11

Chay tutam Pabloman Señor rikuriykuspan nirqa: Pablo kallpanchakuy, kay Jerusalén llaqtapi ñoqamanta willakusqaykita hinam Roma llaqtapipas willakunayki, nispa.

1~Corintios 10:23

Tukuy ima munasqaytaqa ruwaymanmi, ichaqa manam lliwchu allinniypaq kanman. Tukuy imatam ruwachwan, ichaqa manam lliwchu wiñachikun.

1~Corintios 14:6

Wawqe-panikuna, qamkunaman watukamuspay mana yachasqaykichik rimaykunapi rimapa-yaykichikman, ichaqa mana Diospa qawachiwasqantapas willaykichikmanchu, manataq imatapas reqsichikichikmanchu, nitaq qamkunaman profetizaymanchu hinaspa manataq imatapas yachachikichikmanchu chayqa, ¿ima allintaq qamkunapaq kanman?

1~Corintios 6:12

Ruwaymanmi tukuy ima munasqayta, ichaqa manam lliwchu allin. Tukuy munasqaytam ruwayman ichaqa manam chay munasqaykunapa munaychakuruwananta saqekusaqchu.

2~Corintios 12:11

Qamkuna alabawanaykichik kachkaptinmi, loco hina kikillaymanta alabakurqani, ichaqa qamkunam chayta ruwachiwarqankichik. Ñoqaqa mana valeqña kaspaypas chay hatu-hatun apostolkunamantaqa manam menoschu kani.

2~Corintios 12:5

Chay runamantam ñoqaqa alabakusaq, ichaqa manam kikiymantaqa alabakuymanchu, aswanqa mana kallpayuq kasqaymantam alabakusaq.

2~Corintios 12:7

Chay rikusqay suma-sumaq revelacionmanta mana hatun tukunaypaqmi, kichkapa tipakuyninta hina aychaypi qowarqa, chayqa karqa ñakarichiwananpaq Satanaspa kachamusqan toksikuq puyam.

2~Corintios 12:9

Hinaptinmi Señor niwarqa: Kuyakuyniypiyá contentakuy, atiyniyqa mana kallpayuq runakunapim qawachikun, nispa. Chaymi mana kallpayuq kasqaymanta kusikuywan alabakuni, chaynapi Cristopa atiynin ñoqapi takyananpaq.

2~Corintios 8:10

Qamkunapa allinnikichikpaqmi kay consejoyta qoykichik. Qayna watamantaraqmi ofrenda huñuyta qallaykurqankichik, ichaqa manam huñuyllatachu, aswanqa tukuy sonqowan ruwaytam munarqankichik.

Gálatas 1:12

Chaytaqa manam runamantachu chaskirqani nitaq yacharqanipas, kikin Jesucristom ñoqamanqa yachachiwarqa.

Gálatas 2:2

Rirqaniqa revelacionpi Diospuni Jerusalenman riy niwaptinmi. Chaypim lliw iñiqkunaman willarqani, mana judío kaqkunaman allin noticia imayna willakamusqaymanta, kamachiqninkuwanpas sapaqpi huñunakuspaymi willarqani, chaynapi Jesucristomanta willakamusqay mana yanqa kananpaq.

Efesios 3:3

Diosmi pakasqa kaqkunata reqsichiwarqa, chaykunamantaqa ñawpaqtaraqmi asllatapas qellqamurqaykichikña.

1~Tesalonicenses 4:15

Kaykunataqa kikin Señorpa nisqan-man hinam nikiku, Señorpa kutimunankama qepaspa kawsaqkunaqa manam wañuqkunataqa ñawpasunchu.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.