2~Corintios 11:3 - CHUYA QELLQA La Biblia en Quechua de Ayacucho 2012

³ Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

Quechua Ayacucho Bible 1987

³ Ichaqa engañasqa kanaykichikmantam manchakuchkani, culebram sacrellaña kasqanrayku Evata engañarurqa, chaynam qamkunapas Cristoman chuya sonqo kasqayichikmanta pantachisqa kawaqchik.

Chuya Qellqa 1992

³ Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

2~Corintios 11:3 Iomraidhean Croise

Génesis 3:1

Tayta Diospa unanchasqan llapallan purun animalkunamantam maqta uruqa llumpay sakri karqa. Warmitam chay maqta uru nirqa: Chaynaqa, ¿Dioschu nisurqankichik huertapi llapa sachakunapa ruruntaqa amam mikunkichikchu, nispa?

Génesis 3:13

Hinaptinmi warmita Tayta Dios tapurqa: ¿Imatataq kayta ruwarunki? nispa. Chaymi warmiñataq nirqa: Maqta uru engañaruwaptinmi mikururqani, nispa.

Génesis 3:20

Adanmi warminta Evawan suticharqa, llapallan runakunapa maman kasqanrayku.

Génesis 3:4

Hinaptinmi warmita maqta uru nirqa: Llullam chayqa, manam wañunkichikchu.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

Romanos 12:8

Kallpanchanapaq qowaptinchikqa, kallpanchasunyá, imallapas qokuykuq kayta qowaptinchikqa, qokuykuqyá kasun, kamachikuq kanapaq qowaptinchikqa, llampu sonqowanyá kamachikusun, llakipayakuq kayta qowaptinchikqa kusikuywanyá yanapaykusun.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 11:20

Qamkunaqa hawkaraqmi kakun-kichik: Servichikusuptikichikpas, engañasuptikichikpas, tukuy imaykichikta qechusuptikichikpas, hatun tukuptinkupas hinaspa uyapi laqechusuptikichikpas.

2~Corintios 11:29

Pipas onqoptinqa, ¿manachu ñoqapas onqoni? Pipas huchaman urmaptinqa ¿manachu ñoqapas penqakuywan kani?

2~Corintios 2:17

Ñoqaykuqa manam wakinkuna hinachu Diospa palabran willakusqaykuwan negociota ruwaniku. Aswanqa Cristopi kaspam cheqapta rimaniku Diospa qayllanpi hinaspa paypa kachasqankuna hina.

2~Corintios 4:2

Saqerunikuñam pakasqallapi penqaypaq ruwaykunataqa, manataqmi pitapas engañastinchu nitaqmi Diospa palabrantapas qewi-qewirispachu purichkaniku, aswanqa cheqapllatam willakuniku, Diospa qayllanpim recomendakuniku llapa runakunapa concienciaman.

Gálatas 1:6

Admirasqallañam kachkani, Jesu-cristopa kuyakuyninraykum Dios qayasurqankichik, hinaptinqa, ¿imanasqamá manapas unaypiqa Diosmantaqa karunchakurunkichik huk rikchaq evangeliotaña qatinaykichikpaqqa?

Gálatas 2:4

Chaywanpas wakin runakunam iñiqmasinchik tukuspanku yaykuramurqaku, tukuy ima ruwasqaykuta wateqawanankupaq, hinaspam Jesucristo librawasqanchikta mana munaspa llumpay sasa kamachikuykuna kasukunaykuta munarqaku.

Gálatas 3:1

¡Yaw, Galacia lawpi kaq mana yuyayniyuqkuna! ¿Pitaq umacharusurqankichik cheqap kaqta mana kasukunaykichikpaq? Qamkunamanqa willarqaykikuñam Jesucristo chakatasqa kasqanmanta.

Gálatas 4:11

Llumpaytam manchakuchkani yanqapaqchusmi qamkuna ukupi llamkasqayqa karunqa, nispay.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Efesios 4:22

Huchaman aysaqnikichikmanta karunchakuspayá amaña ñawpaq kawsaynikichikpi hinañachu puriychik, chayna kawsayqa pantachisuspaykichikmi mana allinllata munachisunkichik.

Efesios 6:24

Haykam mana iskayrayaspa Señorninchik Jesucristota kuyaqkunamanyá, kuyakuyninta Diosninchik qochun.

Colosenses 2:18

Premioykichiktaqa amayá qechurachikuychikchu uchuychakuq tukuspa angelkuna yupaychaqkunawanqa, paykunaqa revelacionta chaskiq tukuspankum aychaman hina piensasqallankuwan yanqapaq hatun tukurunku.

Colosenses 2:4

Kaykunataqa nimuchkaykichik sumaqllataña rimasqankuwan ama pipas engañasunaykichikpaqmi.

Colosenses 2:8

Chaynaqa, cuidakuychikyá, amayá engañachikuychikchu yachayninkumanta rimaqkunawanqa hinaspa yanqakunalla rimaqkunawanqa, paykunaqa runakunapa costumbrenman chaynataq kay pachapi atiyniyuqkunallaman hapipasqam kachkanku, manam Cristomanchu.

1~Tesalonicenses 3:5

Chayraykum Timoteota kachamurqani qamkunamanta manaña llakikunaypaq hinaspa iñiynikichikpi imaynam kasqaykichikta willawananpaq, yanqañataq supay tentarusuptikichik llamkasqaykupas yanqapaq karunman.

1~Timoteo 1:3

Macedonia lawman rispay ruegakusqayman hinayá Éfeso llaqtapi qepaykuy wakinkunata kamachinaykipaq, chaynapi amaña sapaq yachachikuykunata yachachinankupaq.

1~Timoteo 2:14

Maqta uruqa manam Adantachu engañarurqa, aswanqa Evatam, chaynapim Evaqa huchallikururqa.

2~Timoteo 3:13

Mana allin runakuna hinaspa engañakuq runakunam ichaqa aswan-aswanraq mana allinman chayanqaku, pantachispankum paykunapas pantachisqa kanqaku.

Tito 1:10

Achkam kachkanku mana kasukuqkuna, llutan rimaqkuna, pantachikuqkuna; aswanqa judiokunamanta kaqkunaraqmi chayna rimaqkunaqa kachkankupas.

Hebreos 13:9

Tukuy rikchaqmana uyarisqaykichik rikurimuq yachachikuykunawanqa amayá apachikuychikchu. Diospa kuyakuyllanwan sonqoykichik takyachiymi allinqa kanman. Mikuykunallaqa manam haykapipas kallpancharqachu haykam leyman hina hapipakuqkunataqa.

2~Pedro 3:17

Kuyasqay wawqe-panillaykuna, ñawpaqmantaraq kaykunata yachach-kaspaqa cuidakuychikyá mana allin runakuna pantachisunaykichikmanta, chaynapi qaqa hina sayasqaykichikmanta ama wichirunaykichikpaq.

2~Pedro 3:3

Tukuymanta llalliriqtaqa kaytayá yachaychik: Qepa punchawkunatam hamunqaku burlakuqkuna hinaspa aychankupa munasqallanpi purikuq runakuna,

1~Juan 2:18

Kuyasqay churillaykuna, ñam tukupay tiempopiña kachkanchik. Anticristopa hamunanmantaqa ñam uyarirqankichikña, chaymi kunanqa achkallaña anticristokuna rikuriramunku, chaynapim yachanchik tukupay tiempoña kasqanta.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Judas 1:4

Wakin ru-nakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.

Apocalipsis 12:15

Dragonñataqmi siminmanta mayu hina achka-achka yakuta atqorqa chay warmita aparunanpaq.

Apocalipsis 12:9

Chaynapim chay hatun dragonqa wischumusqa karqa. Payqa ñawpaqmantaraq Diablowan hinaspa Satanaswan sutichasqa maqta urum. Paymi kay pachapi llapallan runakunata engañan. Paymi angelninkunapiwan kay pachaman wischumusqa karqa.

Apocalipsis 20:2

Chay angelmi ñawpaq maqta uruwan sutichasqa dragonta hapirurqa, chay dragonqa Satanaswan sutichasqa Diablom, paytam waranqa watapaq chaqnarurqa.