2~Corintios 11:13 - CHUYA QELLQA La Biblia en Quechua de Ayacucho 2012

¹³ Paykunaqa llulla apostol-kunam, engañowan llamkaspam Cristopa apostolnin tukunku.

Quechua Ayacucho Bible 1987

¹³ Paykunaqa llulla *f**apostolkunam, engañowan llamkaspam Cristopa apostolnin tukunku.

Chuya Qellqa 1992

¹³ Paykunaqa llulla apostolkunam, engañowan llamkaspam Cristopa apostolnin tukunku.

2~Corintios 11:13 Iomraidhean Croise

Jeremías 23:16

Tukuy Atiyniyuq Tayta Diosmi kaynata nin: Chay profetakunapa rimasqantaqa ama kasuychikchu, paykunaqa llullallatam willasuchkankichik, kikinkupa tanteasqallankutam rimapayasuchkankichik, mana rimasqaykunatam paykunaqa nisuchkankichik.

Jeremías 27:14

Chay profetakunapa umachasusqaykichiktaqa ama kasuychikchu, Babilonia nacionpa reynintaqa manam servinkichikchu nisuptikichikpas, paykunaqa llullatam nisuchkankichik.

Mateo 25:24

Huk wayqa qollqellata chaskiqpas chayaramuspanmi nirqa: “Señor, yachar-qanim piña-piña runa kasqaykita, qam-qa mana tarpusqaykitam cosechanki, mana wayrachisqaykitam huñukunki.

Hechos 15:1

Chay punchawkunapim wakin runakuna Judeamanta Antioquia-man rispanku, llapa iñiqkunata kaynata yachachirqaku: Moisespa kamachisqanman hina mana señalachikuspaykichikqa manam salvakuyta atiwaqchikchu, nispanku.

Hechos 15:24

Yachanikum ñoqaykuwan kaqkunamanta wakin runakuna mana kamachichkaptiyku qamkunaman hamusqanta. Paykunam yachachikuyninkuwan pantachisuspaykichik iskayrayachisurqankichik, señalachikunaykichikpaq hinaspa Moisespa leyninta kasukunaykichikpaq kamachisuspaykichik.

Hechos 20:30

Qamkuna ukumantapas wakinkunam hatarinqaku, paykunam iñiqkuna qatinanta munaspanku llullakunata yachachinqaku.

Romanos 16:18

Paykunaqa manam Señorninchik Jesucristotachu servinku, aswanqa kikinkupa wiksallankumantam afanakunku. Sumaqllataña rimaspankum manaraq ancha yachaqkunata engañanku.

2~Corintios 11:15

Chaynam Satanaspa serviqninkunapas, allin servikuqkunamanraq tikrakunku, ichaqa huk punchawmi imam ruwasqankuman hina castigasqa kanqaku.

2~Corintios 2:17

Ñoqaykuqa manam wakinkuna hinachu Diospa palabran willakusqaykuwan negociota ruwaniku. Aswanqa Cristopi kaspam cheqapta rimaniku Diospa qayllanpi hinaspa paypa kachasqankuna hina.

2~Corintios 4:2

Saqerunikuñam pakasqallapi penqaypaq ruwaykunataqa, manataqmi pitapas engañastinchu nitaqmi Diospa palabrantapas qewi-qewirispachu purichkaniku, aswanqa cheqapllatam willakuniku, Diospa qayllanpim recomendakuniku llapa runakunapa concienciaman.

Gálatas 1:7

Huk evangelioqa manam kanchu. Ichaqa wakin runakunam Jesucristomanta cheqap evangeliota qewiyta munaspanku qamkunatapas iskayrayachisunkichik.

Gálatas 2:4

Chaywanpas wakin runakunam iñiqmasinchik tukuspanku yaykuramurqaku, tukuy ima ruwasqaykuta wateqawanankupaq, hinaspam Jesucristo librawasqanchikta mana munaspa llumpay sasa kamachikuykuna kasukunaykuta munarqaku.

Gálatas 4:17

Chay runakunaqa yanqallam qamkunamanta nanachikuq tukunku. Paykunaqa munachkanku ñoqamanta rakikuruspaykichik paykunataña qatinaykichiktam.

Gálatas 6:12

Sichum pipas señalachi-kuychik nisuspaykichikqa, runakunawan allin lloqsiyta munaspam obligasuchkankichik, chaynapi Jesucristoqa cruzpi wañusqanmanta willakuspa mana qatikachasqa kanankupaqmi.

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

Filipenses 3:18

Ñam achka kutitaña nirqaykichik chaymi kunanpas waqaspay huktawan nimuykichik, achkaqmi Cristopa cruzpi wañusqanta despreciachkanku,

Filipenses 3:2

Cuidakuychikyá allqo hina kaw-saqkunamanta, mana allin obrerokunamanta hinaspa judío hina qari kayninpi señalakuqkunamanta.

Colosenses 2:4

Kaykunataqa nimuchkaykichik sumaqllataña rimasqankuwan ama pipas engañasunaykichikpaqmi.

Colosenses 2:8

Chaynaqa, cuidakuychikyá, amayá engañachikuychikchu yachayninkumanta rimaqkunawanqa hinaspa yanqakunalla rimaqkunawanqa, paykunaqa runakunapa costumbrenman chaynataq kay pachapi atiyniyuqkunallaman hapipasqam kachkanku, manam Cristomanchu.

1~Juan 2:18

Kuyasqay churillaykuna, ñam tukupay tiempopiña kachkanchik. Anticristopa hamunanmantaqa ñam uyarirqankichikña, chaymi kunanqa achkallaña anticristokuna rikuriramunku, chaynapim yachanchik tukupay tiempoña kasqanta.

1~Juan 4:1

Kuyasqallaykuna, amayá Diospa espiritunpa huntasqanmi kani niqkunapiqa creeychikchu, aswanqa allintayá qatipaykuychik Diospa otaq Satanaspa kasqanta yachanaykichikpaq. Achkallañam kay pachapi pantachikuq profetakuna rikuriramunku.

Judas 1:4

Wakin ru-nakunam mana musyachikuspalla yaykuramunku, paykunapa condenasqa kanankumantaqa Qellqapas ñawpaqmantaraqmi nirqaña. Paykunaqa Diostapas manam yupaychankuchu, Diosninchikpa kuyakuyninpi kawsaytapas qanra vidapi purikuymanñam tikrarunku. Paykunaqa munaychakuq sapallan Señorninchik Jesucristotapas negankum.

Apocalipsis 19:20

Manchakuypaq ani-malmi presochasqa karqa, paypa qay-llanpi admirakuypaq kaqkunata ruwaspa pantachikuq profetawan kuska. Chay señalkunawanmi pantachikuq profetaqa haykam manchakuypaq ani-malpa marcan chaskiqkunata hinas-pa imagennin yupaychaqkunata enga-ñarqa. Chay manchakuypaq animalmi pantachikuq profetapiwan kuska azufreyuq rupachkaq qochaman kawsachkaqlla wischuykusqa karqaku.

Apocalipsis 2:2

Ñoqaqa yachanim imam ruwasqaykita, yachanitaqmi llumpay llamkasqaykitawan hinaspa pacienciayuq kasqaykitapas. Yachanitaqmi mana allin ruwaqkunata mana aguantay atisqaykitapas. “Apostolmi kani” niqkunatapas allinta qatipaykuspaykim llulla kasqankuta hayparurqanki.

Apocalipsis 2:20

Ichaqa kaymi contraykipi kachkan: Diosmanta willakuqmi kani niq Jezabel warmitam hatallichkanki. Paymi yacha-chispan pantachin serviqniykunata hucha-pakuykunapi purinankupaq hinaspa idolokunaman ofrecesqa aychata miku-nankupaq.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.